المساعد الشخصي الرقمي

مشاهدة النسخة كاملة : مشخول الدجاج على الطريقة البحرينية من أخت مبارك


أخت مبارك
21/12/2008, 07:13 AM
السلام عليكم ورحمة الله وبركاته

اليوم جبت لكم طريقة مشخول الدياي على الطريقه البحرينيه

بس ارجوكم يعني لاتكسرون بخاطري وتقولون لي ليش ماحطيتي لنا صورة تطبيق الطبخه
بصراحه صعب علي اصور مع التطبيق
لاني ابي اركز اكثر على الطبخه مو التصوير عشان ماتختترب طبختي
بس ان شاء الله بحاول المرات الجايه اني اصور الطريقه بالكامل

صورة المشخول قامت بطبخه الوالدة الغاليه يطول بعمرها يارب

http://www.dehraan.com/dehraan//uploads/images/domain-31d3a8950d.jpg


مقادير المشخول

2 دجاج مقطعين
ليمون اسود اثنين مقطعين قطع صغيره اولشي تكسر ثم تقطع باليد بشكل عادي جدا

1 بطاطا كبيره مقطعة مكعبات كبيره شوي

نص فلفل اخضر رومي

3 حبة كبيره طماطم مقطعه مكعبات

1 بصله كبيره

ثوم وزنجبيل مطحونين

البهارات ، كركم ، فلفل احمر ، ملح ، بزار بحريني ، فلفل اسود مطحون ، كمون وكزبرة ناشفه اللي تجي مطحونين مع بعض ،، ملح


رز من خمس اكواب تقريبا الى ست حسب الرغبه

الطريقة

نحمس البصل مع الليمون الاسود مع شوي ماء فنجان تقريبا بدون زيت حتى يذبلون وينشف الماء نهائيا وبعدين نضع الزيت ونضع الثوم والزنجبيل ونحركه حتى يذبل ونحط جميع البهارات المذكورة ونحرك ونخليه شوي تحس تطلع ريحته تقوم تحط البطاط وتقلبه شوي حتى يتحمر قليللا وبعدين نحط بقية الخضروات المذكورة ونحمس ونخليه على نار هاديه
نجي للدجاج نحمره في زيت غزير وبعدين نرجع نحطه على الخلطه اللي عملناها من شوي
بنفس الوقت في قدر ثاني
نسلق الرزق مع البهارات الحب اللي هي فلفل اسود قرنفل دارسين وهيل من كلشي شوي
وبعد مايستوي الرز نشخله ونحطه على خلطة الدجاج
ونسكر الغطا او نحط ورق قصدير ونسكر القدر زين ونغطيه بالمغطاه ونخليه على النار مدة نص ساعه على نار هاديه جددددددا
وبعدين نحط صحن على القدر ونقلبه او ممكن نغرفه بالملاس ماكو اي مشكله
يؤكل بالطريقتين
وان شاء الله تعجبكم الطبخه


ومثل ماتعرفون انا عضو جديدة هنا بالمنتدى وياريت كلمن يدخل يكتب لي رد يحط بالرد رابط اخر موضوع له بالمنتدى عشان اسوي له رد ومنها نتعرف عليكم وعلى مواضيعكم الحلوة وايد ونستفيد
وبارك الله بالجميع
شاهق العمق
21/12/2008, 07:24 AM
تسلم يدك يا اخت مبارك وتسلم يد الوالده الله يحفظها ويطول بعمرها

طبخه شهيه شفتها الساعه سبعه الصبح اتصلت على طول على المدام قلت لها سوي مشخول دجاج

واعطيتها المقادير والطريقة وقلت لها الموضوع بمكشات اذا ماعرفتي ادخلي مكشات واقري الموضوع عساها

تضبطه زي اللي بالصوره
سبيطي حول
21/12/2008, 07:38 AM
يالله صباح خير :)
شهيتينا عالصبح

عاد المره اليايه نبي الصور خطوة بخطوة كيفج عاد
وتسلمين
أبو درويش
21/12/2008, 07:48 AM
كبسه مضبوطه عليكم بالعوافي


طريقه جميله وسهله بجربها في الاستراحه مع العيال ...
كشته 111
21/12/2008, 08:55 AM
شكرا اخت مبارك علي الطبخة الحلوة وهلا بيك بين اخوانك في السعودية , وهذا آخر مواضيعي :

http://www.mekshat.com/vb/showthread.php?t=176252


وشكرا ,,,
أخت مبارك
21/12/2008, 10:36 AM
شاهق العمق يعطيك العافيه ياخوي عالكومنت الطيب نورت ياهلابك
وان شاء الله تضبك المدام الطبخه والله يوفقكم يارب
أخت مبارك
21/12/2008, 10:38 AM
سبيطي حول والله ماضن اسوي الطبخات بالخطوات ترا احسه شي ممل ومتعب
هههههه زين مني وقفت وطبخت والله يبيله قلب التصوير عفكره
بس ان شاء الله ربك يسهل بس خلني القى قبول من الاعضاء اذا تقبلوا تواجدي ابشروا بالزين ان شاء الله
الله يعيننا
بالتوفيق ان شاء الله ياخوي
سحر الغيوم
21/12/2008, 10:46 AM
مرحبا بك اختي من البحرين .
لي رجاء أن يكون هناك تصوير أفضل لطبخة من بعد لكي يظهر الشكل العام لها ..ويعطيكم ألف عافية عليه.
ولد مزينة
21/12/2008, 11:44 AM
مشكورة اخت مبارك على الطبخة الجميلة ومنكم نستفيد
شبكة المجمعة
21/12/2008, 12:15 PM
ان شاء الله نقوم بالتجربه
الف شكر لك والله يطول في عمر والدتك وعمرك

اخر مواضيعي

http://www.mekshat.com/vb/showthread.php?t=176694
ابوفهيدان
21/12/2008, 06:57 PM
وليش ماتطبخينها انتي ؟؟؟؟
ماخذه طبخة الوالدة وتشرحين عليها ؟؟ الله يخليها لك
لازم الخطوات بالترتيب وتصورينها يمكن نسويها وتطلع مرقوق
تري احنا اهم شي عندنا الصور تصدقين اننا مانقرا التفصيل والمكونات بس نطالع بالصور لين تخلص هذا الواقع

ننتظر جديدك ووين الكرك؟
أخت مبارك
21/12/2008, 09:28 PM
ابو فهيدان هلا والله ان شاء الله كاني يالسه اطبخ لكم ماتشوف انت جايتك بصور طبخاتي
اشدعوه عاد كلها طبخه وحده حطيتها للوالده الباقي كله انا والكرك توي احين من ثواني نزلته بالمنتدى

ياهلا نورت تسلم
رحال الخليج
21/12/2008, 09:45 PM
ماشاء الله مشكوره الله يعطيك العافية
faad
21/12/2008, 10:54 PM
ماشاء الله يا اخت مبارك
وفقكي الله لما يحب ويرضى ونرجو الاسنمرار في هذه المواضيع الشيقة والمجوعة
faad
اذكر ربك
21/12/2008, 11:12 PM
ماشاء الله تبارك الله ... تسلم الأيادي يابنت الأكارم

سبحان الله وبحمده سبحان الله العظيم
دهران
22/12/2008, 12:55 AM
الأخت الكريمة / أخت مبارك


:good: :good: :good: :good: :good:


http://www.mekshat.com/pix/upload02/images79/mk17809_taslamalaiady.gif


وننتظر المزيد من هذه الطبخات الجميلة .


وتقبلي أعذب وأرق تحية .
أخت مبارك
22/12/2008, 01:44 AM
تسلم اخوي دهران يعطيك العافيه ان شاء الله نورت ياهلا بك زارتنا البركه
أخت مبارك
22/12/2008, 01:46 AM
اي والله صج انا اواجه متاعب في التصفح مرات يعني وخاصه مساعه المغرب يعني مره تعذبت وايد الصفحه تصير بطيئه والله المستعان
موجة بحر
22/12/2008, 02:51 AM
تسلم الأيادي أخت مبارك
الله يحفظ لك الوالده
.
.
برق4
22/12/2008, 03:14 AM
بسم الله ماشاء الله عليكي يا اخت مبارك...
عزالله انك هيضتي اشجوني لطبخ اهل الساحل الشرقي لأني كنت ساكن قريب منكم بالمنطقة الشرقية سنوات طويلة وكانت لي ذكريات بالطبخ الشرقاوي ولا يهون طبخكم يا اهل البحرين ....
سلمت يداكي وبارك الله فيكي وحياكي الله عضوه بهالمنتدى الرائع
هذا رابط اخر موضوع لي
http://www.mekshat.com/vb/showthread.php?t=168627 (http://www.mekshat.com/vb/showthread.php?t=168627)
mrayman
22/12/2008, 04:07 AM
كثرتي بالصور يا مال العافية بس تصدقين صورة تعبر عن جميع الصور ماشاء الله عليك ما قصرتي ولا هانت والدتك عزاها تكون ذخر لكم والله يرزقكم بــِرها
الغزال الشارد
22/12/2008, 07:34 AM
تسلم يدك يا اخت مبارك وتسلم يد الوالده الله يحفظها ويطول بعمرها
ماشاء الله عليك ستاذة ف طبخ ربي يحفظك ويخليك يارب0تحياتي لك
مكشاتي الجزيرة
22/12/2008, 08:33 AM
ياسلام...
طبخه سنع ماشاء الله
يعطيك العافيه
ذكرني بك
22/12/2008, 11:26 AM
ماشاء الله أكله تفتح النفس وإنشاء الله بنطبقها ويارب تضبط ماقصرتي اختي تسلم يمينك
مكشات وبس
22/12/2008, 01:26 PM
كبسه مضبوطه عليكم بالعوافي
بن شمروخ
22/12/2008, 01:47 PM
قواك الله انتي والوالدة عسى ربي يخليها لك ....

والله يا اختي اعذريني انا كتبت الرد بدووون ما اقرى المقااادير لاني اول ماشفت المشخووووول

وانا اسمع اصوات تفحيط وتقحيص داخل بطني ....وناس تشجع وجت الشرطة وصار حادث الله المستعان كل هذا داخل بطني

تسلمين وعساك عالقووووووة
أبوحمدBenelli
22/12/2008, 01:53 PM
جزاك الله خير ياأختي
أخت مبارك
22/12/2008, 03:15 PM
تسلم اخوي بررق
على ردك الطيب نورت ياهلا بك وانا اشهد ذقت طبخ اهل الشرقيه كان روعه صراحه
أخت مبارك
25/12/2008, 08:11 PM
رابط الصوره من جديد حق اللي ماطلعت له الصووره
http://www.goore.net/up/uploads/images/Goore.Net-c4f4748d78.jpg (http://www.goore.net/up/)
القناص
25/12/2008, 08:43 PM
بعد اذن الاستاذ دهران

http://www.mekshat.com/pix/upload02/images79/mk17809_taslamalaiady.gif
الشاص عز لهله
26/12/2008, 12:19 AM
الصراحة الدجاج يشهي بالحيل مير الرز عادي
الشاص عز لهله
26/12/2008, 12:21 AM
الصراحة الدجاج يشهي بالحيل مير الرز عادي
الكهف1
26/12/2008, 02:00 AM
ما شاء الله


بارك الله فيك ...........
بومفتاح
01/01/2009, 09:02 AM
اليوم ان شاء الله بنجربها فالبر
وبناوفيكم بالصور
طحنون
01/01/2009, 12:20 PM
انا ابي اعرف بس انتي وش ناويه عليه من ناحيه انتفخنا مافيها كلام
ارجو التوقف عن المواضيع اللي تسمن
ني طريقه الشاهي الاخضر وطريقه خل التفاح وطريقه المشي
أخت مبارك
01/01/2009, 01:13 PM
تسلمون اخواني على تواجدكم
انتظر صور تطبيقكم
نجم حفرالباطن
01/01/2009, 02:47 PM
مشكور اخي الكريم
النمرالأليف
02/01/2009, 01:26 AM
صورة مشهية شكراً على الموضوع والله يخليلك الوالده
السراب9999
02/01/2009, 01:51 AM
يسلموووووووووووو
321
04/11/2009, 04:54 PM
يثثثثثثثثثلمووووووووووووووووووو
321
04/11/2009, 04:54 PM
هههههههههههههههههههههههههي
دوسريه كول
04/11/2009, 05:22 PM
<<< تخصص مشخول
:
اقول يالبى قلبك .. شغل عدل مدل
ماشاءالله .. الله يحفظلك الوالده وتسلمين ياقلبي