المساعد الشخصي الرقمي

مشاهدة النسخة كاملة : قفل الدفرنس (الهزاز)


ساق الجواء
15/03/2004, 10:02 AM
السلام عليكم ورحمة الله وبركاته

أحوكم ضيف جديد وراجي الفزعة منكم!

أبي أركب قفل الدفرنس (Differential Lock) الي يسمونه بالمعارض "الهزاز" لجيب سفاري قديم.

أحد منكم - الله لا يهينكم - يدلني وين القاه ومن اركبه عنده في الشرقية أو الرياض أو القصيم؟

أنا مريت على الوكالة وعلى الرماية لزيد الحسين وأبي غيرهم.

وأبي بعد تقولون لي يالي جربتوه عن مقدار الفرق عند استعماله في الرمل.

وسلامتكم.
جنوبي الغاط
15/03/2004, 05:41 PM
السلام عليكم
وله ياخوك ما عندي خلفيه عن الجيب السفاري
وسلامتك
العيد
15/03/2004, 06:53 PM
أخوي ترى الامارات محترفين بالحاجات هذي وانا دخلت محلات الترهيم عندهم ابي اركب قفل الدفرنس لباترول 99 قبل اربع سنوات وكان غالي بحدود اربع الاف للدفرنس الواحد وما ادري الحين وشصار لكن هم ابخص ولا تستعجل تراها انواع فيه شي يقفل مع اللفات لو حاولت تزيد سرعتك بالملف وفيه نوع مثل شد البلد والله يعينك من سال ماتاه:)
ساق الجواء
16/03/2004, 07:26 AM
شكرا يا أخوي جنوبي الغاط ولعلمك قفل الدفرنس (الهزاز) ما هو خاص بالجيب السفاري. يجي مع كثير من السيارات العالية المواصفات من بلدهن ويرهّم لاي سيارة.

وشكرا لأخوي العيد لكن الروحة للامارات صعبة علي.

أبي أحد من الاخوان يدلني على محلات ترهيم اقفال الدفرنس التجارية في الشرقية أو الرياض أو القصيم وأبي أسمع من اصحاب التجربة العملية عن مقدار الفرق عند استعماله في الرمل.

قفل الدفرنس يجي مع كثير من االلاند كروزرات والسفاريات العالية المواصفات من بلدهن خلال العشر سنين اللي مضن وإلى الآن فهل معقول إن المنتدى يخلى من واحد معه مثلهن؟

عندي معلومات كثيرة عنهن وعن أنواعهن وكيف يشتغلن ولكن بدون خبرة عملية ولا معرفة بالسوق المحلية.

حسب وكالة نيسان/الجبر قفل الدفرنس الأصلي يحتاج لتغيير جرم الدفرنش (لانهم ما يرهمون) فيطلع كامل فوق 6000 ريال وزيد الحسين/ الرماية يرهم نوع ARB الاسترالي بحوالي 4000 ريال وأبي أعرف عن غيرهم.

بانتظار العلوم اللي تبرد الكبد من النشامى.

وسلامتكم.
ساق الجواء
22/03/2004, 07:19 AM
وين أهل الخليج يفيدوننا من خبرتهم في استعمال قفل الدفرنس في الرمال؟