كبسة المعكرونة من أخت مبارك

[أخت مبارك]

السلام عليكم

سبحان الله وبحمدة سبحان الله العظيم

بخصوص الناس اللي طلبت طريقة عمل كبسة المعكرونة اللي شفتوها بهالرابط
http://www.mekshat.com/vb/showthread.php?t=177425

وهذي المقادير

دجاجة كامله بدون جلد مقطعه
كزبرة خضرا شوي واللي يحب الشبت يضيف الشبت ماكو مشاكل
ثوم وزنجبيل مفرومين
فلفل بارد اخضر رومي
بصلتين مفرومين او جوانح بكيفكم
2 طماط مفرومين
علبة صلصة الطماطم
اهم شي عشان تصير الطبخه عجيبه
والنكهه روعه
البهارات ، واهم شغله بالبهارات البزار تكثرون منه شوي
يعني ملعقة شاي بزار
شوي كركم وحبتين مرق الدجاج ماجي
وسنوت وجلجلان( كمون وكزبرة ناشفه مطحونين) شوي بس ربع ملعقة صغيره
ونص ملعقة فلفل احمر ، وملعقة شاي فلفل اسود
ليمون اسود واحد مكسور ومنتفه باليد

الخضروات ،، ممكن اضافة الكوسا الجزر الباذنجان البازيلاء الذره المعلبة البطاط اي نوع يحبه قلبك

الطريقه

نحمس البصل مع الثوم ونضيف البهارات وبعدين نحمس زين
ونحط علبة صلصة الطماطم ونحرك شوي مدة ثلاث دقايق على نار وسط
نحط الدجاج نحرك شوي
نغطي القدر على نار وسط مدة عشر دقائق وبعدين
نحط بقية الخضروات والماجي
ونخليهم شوي خمس دقايق على مايسخن الماء
ونضيف عليهم الماء ونسكر القدر على نار هاديه
مدة نص ساعه فقط
بعدين نرفع الدجاج نفكه عن العضم وننتفه
ونرجعه للمرق
نحط كيس معكرونه بس يكون المرق اهم شي مرتفع عن المعكرونه ثلاثه صانتي تقريبا
او اربع على حسب تحبونه لين او نثري بكيفكم
وتخلونه اولشي على نار عاليه وبعدين نسكر القدر نخليه على نار وسط
لين مايستوي
وبالهناء والشفا

.................................................. .

معكرونة بشاميل بالخضروات حق البنات اللي مثلي مايحبون لحوم ودجاج وايد
يعملون هالطريقه وحتى لو بالعشا متوهقه وماتدرين وش تسوين حق العشا
او لو بيجونج ضيوف على غفله
وهاي الطريقه
نحمس بصله بالزيت ونحط عليها البهارات
نفس البهارات اللي مذكورة بكبسة المعكرونه
بس بكميه اقل شوي حسب الذوق انتي شوفي وش تحبين
وحطي
واللي تحب الثوم تحط ثوم
نحط نص علبة لوبيا اللي تجي لونها بني فاتح جدا
ونص علبة ذرة
نص علبة فطر نقطعها
بطاط مكعبات مقلي مسبقا
شوي كزبره
شوي شبت
ونحمسهم سوا
وفوقهم طماطه مقطعه
حبتين ماجي
جزره مبشوره
ونحمسهم سوا ونخليهم على النار شوي
بعد ماتجهز اخر شي
نحط ملعقتين جبن سائل كرفت
وملعقتين مايونيز
ونخلطه سوا ونسكر النار عطول عشان مايحترق

ونكون مجهزين ثلاث ارباع كيس معكرونه وسالقينها وخالصين
ومجهزين صلصة البشميل وخالصين وطبعا الكل يعرف
صلصة البشاميل يسويها مايحتاي اذكرها
ونحط مكرونه وحمسة الخضار بعدين مكرونه واخر شي بشميل
وعشان الوجه يستوي لونه حلو اشقر
ناخذ ملعقتين حليب ابو قوس
مع بيضه
وملح
ونخفقهم
ونحطه عالوجه
وندخله الفرن يتحمر من فوق بس
وهنيئا على قلوبكم

[بالون]

مشكووووووووره ع التواصل ولابداع ...........

[عاشق الخلاء]

جهد تشكرين عليه اخت مبارك

[رحال الخليج]

يعطيك الف عافيه

[ابوفهيدان]

مشكورة وماقصرتي ودايما مبدعه بطبخاتك
وننتظر الجديد دايما منك

[sas_953]

يعطيك العافيه والله شكلها بتطلع حلوه بس اعزمينا واطبخي لنا الطبخه هههههههههه
مشكورررره اخت مبارك

[ابو صا لح]

اخت مبارك بارك الله فيك بس لو معها صور كان دخت من الجوع

[Albdr]

مشكوووره ياأخت مبارك الله يعطيك العافيه

[نجم حفرالباطن]

مشكوره اختي الكريمه

[القصمنجي]

ما شاء الله تبارك الله

موسوعه بالعمل المطبخي

تسلمين على تواصلك


مشكوووووووووووره

[ذكرني بك]

تسلمين الشيخة الصراحه طبخاتج ابداع وللأمام

[شاهق العمق]

الله يسعدك يا اخت مبارك ويسخر لك ابن الحلال اللي يستاهلك ويصونك

تسلمين على المقادير

[مكشاتي الجزيرة]

ماشاء الله...
وصفه دقيقه...

[بن شمروخ]

مشكووورة على المجهود الطيب

والى الامام بارك الله فيك

وترىاني انتظر جديدكم من اكلات اهل البحرين

[ابو توكه]

مشكوررررررررررررررررررررررررررررررره
على الجهد

[أخت مبارك]

تسلمون اخواني وخواتي على مروركم وتواصلكم يعطيكم الف عافيه
وتسلم اخوي الطيب شـــــــــــــاهق العمــــق على الدعاوي الزينه يعطيك الف عافيه يارب
وحياكم الله زارتنا البركه يا مراحب

[أخت مبارك]

شمروخ مطيري ان شاء الله نحط لكم الاكلات البحرينيه المشهوره

[طحنون]

طبخ اهل البحرين
مايبيله وصاه

اخت مبارك
الله يوفقك

[الغزال الشارد]

مشكوووره ياأخت مبارك الله يعطيك العافيه

[جبال الهملايا]

وين الصور يا أخت مبارك ؟

[أخت مبارك]

السلا م عليكم

اخواني واخواتي

تجيني بعض الرسائل على الخاص فيها اسئله بخصوص وصفات او طبخات
ولما ارد عليكم وارسل الوصفه الى البريد مايستلم رسايلي
ياريت اللي بيرسل لي رساله وشافني مارديت عليه
انا مو ذنبي
لازم يروح على لوحة التحكم ويختار من هناك قبول الرسائل الخاصه من اللاعضاء
والا كذا ماراح توصلكم اجوبتي
لاني مليت اكتب الوصفات وارد واتعب نفسي واخرتها لما ارسل يقولي الرساله مايقبلها الشخص المرسل اليه لان مختا عدم قبول الرسائل من الاعضاء من جد قهرررررررررررررررر

ياريت تنظرون بهالموضوع وشكرررررررررا

http://www.mekshat.com/vb/images/misc/progress.gif

[أخت مبارك]

جبال الهملايا حاطه لكم الصور في الرابط اللي فوق وكلامي واضح
ياريت تقرا الموضوع بالاول عدل عشان تشوف الصور

[دهران]

الأخت الكريمة / أخت مبارك


:good: :good: :good: :good: :good:


http://www.mekshat.com/pix/upload02/images79/mk17809_taslamalaiady.gif


وننتظر المزيد من هذه الطبخات الجميلة .


وتقبلي أعذب تحية .

[سطام vip]

الله يعطيك العافيه اخت مبارك

ووصف دقيق تشكرين عليه

مثل جلجلان لو ما كتبني معناها بين قوسين ما عرفتها

صراحه مجهود كبير

وفي انتظار الجديد والمميز منك

دمتي بخير

[sudyer]

لا تحرصين عليهم بالمره اللي حريص بيبحث لين يلقى غرضه

[ملاحظ]

يعطيج العافيه
وكثرالله من أمثالج
بس نبي طريقه مشخول ربيان بحريني مع الصور ممكن

[سند333]

ماشاء الله عليك ابداع ابداع وحاب اسئلك اذا تعرفين الرز المقلي لاني دايم اروح لمطعم اخذ منهم لذيذ جدا بس ماادري كيف يسوونه:rolleyes:

[ناصر البداح]

مشكورة وماقصرتي ودايما مبدعه بطبخاتك
وننتظر الجديد دايما منك

[زحلطن]

اخت مبرك مشكوره وماقصرتي

[ناصر البداح]

مشكورة وماقصرتي ودايما مبدعه بطبخاتك

[ف.البشري]

مشكورة اخت مبارك

تحياتي .

[Jbrny_al_Waqt]

يسلمووووووووووووو

[أخوالعيال]

مشكورة يا اخت مبارك والله يخليلك اخوك مبارك,,,

[كن كن]

يعطيك العافية على المقاديررررررررر