نبت في راسي حايط نخل ... جنّنني خويّي ... نومه ثقيل ...

[سماوي]

بسم الله الرحمن الرحيم
السلام عليكم ورحمة الله وبركاته

والله يا أخويانا ياللي عليكم نردّ السؤالات ...:D :D
هذا واحد من أخوياي ... ودك دايم يصير واعي ..
لأنه إذا قام من النوم ... يهبهب .. ماشاء الله عليه

إن قلت سنافي ... فهو سنافي :good:
وإن قلت يوسّع الصدر ...فهو مثل ما قلت
وإن قلت خبري وراعي معنا ... فهو نمبر ون ( number 1 )
وإن قلت ما قلت فهو ... حطّه علىيمناك :good:

لكن الموت ... الموت ... لا حط راسه على الوسادة
وبغيت إتقوّمه ... اللهم صلّ على محمد
إن قلت ميت ... فهو ميت
وإن قلت هرش كبير ... فهو كبير هرش
وإن قلت عنز ... فهو عنز ( ماله دخل ):D :D

إن جيت تبي تقوّمه ... لا بد يكون معك حزام أشهب كراتيه
وإن جيت تبي تحرّكه ... لا زم تستعين ببعض البعارين ، من كبره
وإن جيت تبي تقوّمه الساعة 2 الظهر لابد يكون عليك حزام واقي ودرع حديد ..:mad:

والله إني أبلش إبعمري لمّا أروح أنا وإياه إلحالنا ...

ودي إتعلّمونني يا مكاشيت مكشات ... وش السواة مع هذا وشكله

الله يعافيهم ولا يبلانا

[راع الكحيلة]

بسيطة حط لك حماية نفس هذا :j

وجيب لك عصا طولها خمس امتار واربط في آخرها عود رهيّف من عرفجة والا رمثة :)

ومد العصا ودخل العود بخشمه وخرفش به...

ملحوظة هامة:
في أي عملية خطرة يجب اتباع شروط السلامة...وبالنسبة لما ذكرت من مواصفات خويك فالشروط التي يجب اتباعها تكون كالتالي:

1. تكون سيارتك شغالة ومليانة بنزين.
2. تكون ضاف قشك في السيارة احتياط في حالة عدم قدرتك على العودة وضياعك في البران.
3. قبل أن تقوم بهذه العملية تكون قد بلغت أحد بما تنوي فعله ولو عن طريق الجوال.
4. تأكد من خلو الساحة المحيطة بصاحبك من كل شيء يوجع حذفه :)
5. في حالة إذا ما تم الإمساك بك تظاهر إنك مت من الخرعة لأني سمعت أن الدب إذا ماتظاهر الانسان بالموت أمامه فإنه سيتركه(هذا إذا ما مت أصلا).


أرجو لك السلامة

[laith]

وعليكم السلام ورحمة الله وبركاته

ياكثر ماتتشكى ياعم سماوي ! يا اخي انت لايرضيك العجب ولاالصيام في رجب !!

مره مانت عارف تشتري ذبيحه !
ومره رجيلاتك متشطبه ومجرحه !
ومره ............................الخ

وذالحين خويك يشخر ! تدري عاد ...... حول الله لايهينك !!!
.
.
.
.
.
.
.
.
.
.
.
.
ترى اخوك ليث من اشد المشخرين .... ودائما معرض للطرد والايقاض من عز النوم .... لدرجة ان حسيت انك من اللي منغصين علي نومي ..... قلت ابد هذا هو !!:mad:

سامحنا وياالف مرحبا ... :D

[خشم الحصان]

الاخ الغالي
سماوي العب في الساحه يا...........
الموضوع بسيط اذا طلعة معه مره اخري انت وهو خذ معك شرخ ابو ديك الاصلي واذا بغية تقومه حطه في
اذنه ثم ولعه وانسدح جنبه كنه مهوب انت ................:D اهم شي انت وهو بس والباقي بتعرفه
عقب التثويره في اذنه المهم الفراش لا تاخذه معك ان قدرت تمشي او تركب لئن الذبان بتلحكم من الريحه
ولا يهمك راعي الحكيله ان الدب اذا شافك تموت يخليك هذيك دببت الخوجات اما دببتنا لها طلعات جنان مليانه حنان.
الا كلام الاخ ليث صح ياخوي ياكثر ما تشكا مره رجليك فيها شطوب كنها طينة غريف يابسه و مره ماتعرف تشتري ذبيحه ومره ........ومره غادي مثل الفلم الهندي مدابك والنهايه معروفه اخوي ليث تدري ركبه معنا واذا وصل الطبلون 90 وجية في ارض حزم هج الباب ودزه مره وحد انا ونت من نفس الفصيله من شدة الشخير انام في السطح واذا قمت الصبح ولا خشمي منسد اما جريد او شعر او ريش غادي كني مكنسه كهربائيه يعني طحة في فريق المشاخير والعب في الساحه يالشخري.
اخوي سماوي تري امزح معك الله يغفرلك:D :D :D ان كان امون بس مدري
اخوك
خشم الحصان

[مشغول]

اسمع الله يحفظك ... اخي سماوي


حط في رجله منديل ... وولعه ... وبتشوف النتائج بسرعه .. وتراها مجربه ونتائج ممتازة :D


خشم الحصان .. الله يقطع سوالفك والله بغيت اموت من الضحك .. ما تخلي عيارتك .


وهلا بكم

[عبدالعزيز الدباسي]

ههههههههه

تصدق يا سماوي ان هالمواصفات دايم تجتمع مع الدببه والهروش ،، يصير اسنافي وراعي سواليف ،، لكن ذا نام آخر خبرك به ،،، وشخيره يسمعه اللي مخيمين بجنبكم .

شف طال عمرك دور لك ريش طير ( اي نوع ) واذا سمعت الرجال قام يشاخر ، تعال عند خشمه وحرك الريش الين العطسه عند صاحبك تقرب :D ويبدا بحك الخشم ، على طول ارجع لمنامك ولا يشوفك .

وبعد برهة من الزمن ( حلوة برهة ) جايه من البراهة والبراهة بمعى البراحة يعني متسع من الارض ،، وهي هنا بمعنى متسع من الوقت .

ايه اقول بعد هنيهة ، ارجع لصاحبك وحط الريش هالمرة باذنه وحركها الين تشوف ايده راحت لاذنه تبي تحك الاذن :eek: :eek: حول على طول لخشمه ;) ;) علشان ما يدري هو يروح لخشمه والا لاذنه :p :p

لكن انتبه يشوفك ثمن يطيح ببطنك وبعدين ما نلقاك معنا بعد طلعتكم

[راع الكحيلة]

شقردي

أنت هنا خالفت القوانين الرئيسية لأمور السلامة

وعمليتك هذي خطرة

فأين شروط السلامة الواجب اتباعها قبل قيامه بهذه العملية الانتحارية.