لزم نلقى حل سريع وفعال والرجاء التعاون

[راعي فجر]

بسم الله الرحمن الرحيم

السلام عليكم ورحمة الله وبركاته

مساكم الله بالخير وعساكم على القووه


يا اخوان عندي موضوع وبنفس الوقت فكره واتمنى من الجميع المشاركه والفايده للجميع انشاء الله وفيها اجر

الاحظ والكل يلاحظ انه كثرة طلبات السلق والي بعض الاخوان يسمونها (شحاذه) والحين كثر مربي السلق والراغبين بقتنى سلوقي وبعض الاخوان يمكن ماعنده معرفه او مايعرف احد يربي سلق عشان يحصل منه جرو او سلوقي

الفكره انه يتبرع اثنين من الاخوان واحد بسلوقي والاخر بسلقه ولا واحد بكلهن على قدرة الشخص وماهو عاد يكون السلوقي المسكت او السلقه المسكته سلق زينه حليله ماهي رديه ويشبونهن من بعض ويوزعون جرا عن طريق المنتدى للاعضاء الي ماعندها جرا وحابه تقني سلق وتربي سلق والرجاء من الاخوان اعضاء ومشرفين التفاعل للحد من سالفة (الشحذه) كما يطلق عليها البعض


هذا الي اشوفه من صالح الجميع ولاتنسون فيه اجر وياليت كلن يدلي بدلوه وانشاء الله الموضوع يكون محل اهتمام

العذر على الاطاله وبارك الله فيكم جميعاً


راًعــ فـجـــرٍ ــي

[قرناس الهوى]

فكره رائعه ..

ولا هنت

[ولد دبي]

شي حلو فكره غاويه

[نفاج]

الله ييسر بلي فيه خير و مشكور على الموضوع

[صلهآم]

راعي فجر ماقصرت على طرح الموضوع

لكن الأخوان ماقصر خونا راعي فزاع ماقصر وأخ

ونا ذيب عتيبه واعد الشباب لا أنتجو السلق بيهدي بس قال صبرو علي

وأغلب الأخوان مايقصرون

لكن وانا اخوك قولتك شحاذه تجرح بعض الأخوان الله يهديك

لأنهم ان اطلبو قلنا شحاذه وان شرو قلنا بايعين سلوم

ويقول الأمير

الفقر شي ناتج عن دنائة مقتدر << ؟؟؟؟

[راعي فجر]

اشكر جميع الاخوان الي ردو بارك الله فيكم

[راعي فجر]

راعي فجر ماقصرت على طرح الموضوع

لكن الأخوان ماقصر خونا راعي فزاع ماقصر وأخ

ونا ذيب عتيبه واعد الشباب لا أنتجو السلق بيهدي بس قال صبرو علي

وأغلب الأخوان مايقصرون

لكن وانا اخوك قولتك شحاذه تجرح بعض الأخوان الله يهديك

لأنهم ان اطلبو قلنا شحاذه وان شرو قلنا بايعين سلوم

ويقول الأمير

الفقر شي ناتج عن دنائة مقتدر << ؟؟؟؟

ياهلابك اخوي صلهام انا ماقصدي اجرح احد لكن الي حبيت اقوله ان كثرة طلبات الاخوان السلق خلت الكثير يطلق عليها مسمى الشحذه ومهو معناه اني انا اعايرهم او اسبهم محشومين انا حبيت افيد الاخوان ويكون هناك حل وتوفير للي محتاجين جرا واذا الاخوان راعي فزاع وذيب عتيبه متبرعين او واعدين الشباب جزاهم الله خير اجل يكون هناك موضوع مثبت للي حاب يكون عنده سلق ويطلب الاخوان راعي فزاع وذيب عتيبه والي حاب يتبرع بجرا عنده زياده بنفس الموضوع وبكذا انشاء الله نكون متعاونين ويد وحده بدال ما كل شخص ينزل موضوع انا ابي سلق او احد يبيع سلق والخيمه صارة كلها طلبات وصارة بارده شبه ميته مافيه مواضيع تنفع ملاك السلق او موواضيع اخرا غير الطلبات

ارجع واقول ماهو قصدي اجرح شعور احد وشكراً لك اخوي والله يبارك بالجميع

راًعــ فـجـــر ــي

[الأكيدر]

00 عليكم السلام والرحمه اخوي 00
00 مساك الله بالنور والسرور اخوي صراحه القلوب عند بعضها كنت افكر بنفس الفكره بس كنت مصتصعبه شوي وشف انت قلت ذيخ وسلقه بس انا اقول اذا جت السلقه الذيخ مقدور عليه وانا حاضر اذا شفتوا السلقه اني ادبر الذيخ الي يشبيها بس المشكله ان كل واحد بديره وتصعب تودية الذيخ او السلقه ومثل ماقلت الذيخ مقدور عليه بس انتم جيبو السلقه وانا اشبيها من ذيخه طيبه انشاء الله 00
وهذا راح يمنع السرقه في المقام الاول لان اكثر الشباب يسرق يوم انه يدور ومايلقا ويشوف واحد عنده ثلاث او اربع سلقان


واغذروني على الاطاله وصراحه تشكر على الموضوع وانا اشوف انه يستاهل انه يثبت حتى يكون مرجع للي يبون سلقان

[بسرعه]

لا اخوي المفروض يكون موضوع مثبت للتبرع بسلق واي واحد حاب يتبرع يكتب الموضوع ويتبرع
وبنسبه للاخون الكريمين الله يجزاهم خيرالي يتبرعون انا اشكرهم والكل يشكرهم

[عبد الله راشد]

مساكم الله بالخير فكره الموضع حلووووووووووووووووة مررررررررررة
بس اني استغرب بصراحة اشوف بعض الاخوان اذا قال عندي سلق ابي اهديها اشوف اول من يطلب منه اللي عندهم سلق مدري ليه ؟؟؟؟؟؟؟؟
هل الدعوة طمع ولا حب احتكار ولا يعتقدون ان هالسلق اطيب من اللي عدهم ولا وش السالفة ؟؟؟ !!!
وشاكر لكم

[راعي فجر]

00 عليكم السلام والرحمه اخوي 00

00 مساك الله بالنور والسرور اخوي صراحه القلوب عند بعضها كنت افكر بنفس الفكره بس كنت مصتصعبه شوي وشف انت قلت ذيخ وسلقه بس انا اقول اذا جت السلقه الذيخ مقدور عليه وانا حاضر اذا شفتوا السلقه اني ادبر الذيخ الي يشبيها بس المشكله ان كل واحد بديره وتصعب تودية الذيخ او السلقه ومثل ماقلت الذيخ مقدور عليه بس انتم جيبو السلقه وانا اشبيها من ذيخه طيبه انشاء الله 00
وهذا راح يمنع السرقه في المقام الاول لان اكثر الشباب يسرق يوم انه يدور ومايلقا ويشوف واحد عنده ثلاث او اربع سلقان



واغذروني على الاطاله وصراحه تشكر على الموضوع وانا اشوف انه يستاهل انه يثبت حتى يكون مرجع للي يبون سلقان



ياهلا اخوي الاكيدر هذي الهقوه بارك الله فيك ولاهو قصور باقي الاخوان وانشاء الله ماهناك صعوبات او مشاكل دام ان فيه تعاون والبعد ماراح يكون عائق على احد دام الذيخ دبر السلقه بتدتبر انشاء الله هذا اذا كانت من ديره ثانيه يكون اتفاق بين الطرفين وكل واحد يقطع نصف المسافه ويتفقون من تقعد عنده السلقه لحد ماتجري ويتم توزيع الجرا عن طريق المنتدى من قبل اصحاب السلق وتعاون المشرفين وبكذا نكون وصلنا كلنا للي نبيه وبالنسبه لموضوع السرقه مايسرق الا ضعيف النفس الرجال النزيه والي عنده شيمه مايسرق ولاتطول يده على حلال غيره بارك الله فيك اخوي وجزاك الله الف خير على التعاون وشكراً لك

[راعي فجر]

ياليت الاخوان يبدون اراهم واقتراحاتهم لاحد يكتفي بالمشاهده

[راعي فجر]

لا اخوي المفروض يكون موضوع مثبت للتبرع بسلق واي واحد حاب يتبرع يكتب الموضوع ويتبرع
وبنسبه للاخون الكريمين الله يجزاهم خيرالي يتبرعون انا اشكرهم والكل يشكرهم

ياهلا اخوي بسرعه بارك الله فيك وانشاء الله اخوننا المشرفين يقدمون الي فيه مصلحه الكل

والله يجزانا ويجزاك خير ويجزا كل مسلم الاجر وانا اشكرك على ابدائك الراي وتعاونك شكرا لك

[راعي فجر]

مساكم الله بالخير فكره الموضع حلووووووووووووووووة مررررررررررة
بس اني استغرب بصراحة اشوف بعض الاخوان اذا قال عندي سلق ابي اهديها اشوف اول من يطلب منه اللي عندهم سلق مدري ليه ؟؟؟؟؟؟؟؟
هل الدعوة طمع ولا حب احتكار ولا يعتقدون ان هالسلق اطيب من اللي عدهم ولا وش السالفة ؟؟؟ !!!
وشاكر لكم

هلافيك اخوي عبدالله صباح الخير انت الاحلى اخوي

كلامك صحيح وانا لاحظة الشي هذا لكن راح يكون التوزيع للي ماعندهم سلق ابد هم الي لهم الاولويه واحق من الي عندهم سلق وانشاء الله اذا تمت الامور على خير راح يكون هناك طريقه لتوزيع بحيث مايعطى واحد عنده سلق الابدا هو الي يستحق بارك الله فيك

[البرًي]

مشكور على الموضوع
وعندي اقتراح للي مبتدا ومستجد على تربية السلق لا مانع من اعطاه المشورة في كيفية تربية السلق والتعامل معها
تحياتي

[بسرعه]

((ملاحظة))

ترا مافيها شي لو طلب احدالاعضاء لاني باذن الله باطلب بعد ممكن سنه ونص ههههههههه والله اتكلم جاد
اتمنا محد زعل من كلامي

[راعي فجر]

ياهلا اخوي البري اقتراح جميل وماحد طلع عارف شي وانشاء الله يصير الي فيه الخير شكرا على مرورك

[راعي فجر]

حياك اخوي والله يعطينا ويعطيك وكل مسلم طولة العمر انشاء الله

[طلو الشمري]

والله يليت يصير كذا

[ابودح دح]

فكرررررررررررره رائعه

[بووووووو فيصل]

وعليكم السلام ورحمة الله وبركاته

والله فكره حلوه ويعطيك العافيه على الطرح

وانا ادور من اول لاكن مافيه نصيب

وما عمري امتلكت كلب سلق واتمنا امتلك

[صلهآم]

بس اني استغرب بصراحة اشوف بعض الاخوان اذا قال عندي سلق ابي اهديها اشوف اول من يطلب منه اللي عندهم سلق مدري ليه ؟؟؟؟؟؟؟؟


بالله ان دريت علمني لأن هالشي فاقع قلبي

وأكرر شكري لك راعي فجر على الموضوع والرد الطيب لاهنت

[أبو فيئ]

وعليكم السلام .....
فكره حلوه وراااااااائعه جداا... واتمنى((التثبيت)) من اخواننا المشرفين لأنه ان شاء الله بعد كم فتره راح يكون هناك توزيع جرايه...
وياليت واكرر ((التثبيت))...
ومشكور اخوي راعي فجر على الموضوع الرائع ...
وان شاء الله راح يكون فيه تعارف كبير بسبب السلقان الموزعه ... ولا يحسب اللي مهدي احد او معطي احد ان اللي اعطاه راح يقاطعه ... لا بالعكس راح يكون متواصل معه وراح تقوى العلاقه بينهم بسبب((سلق))...
آسف على الاطاله ... وآسف اني ادخلت موضوع على موضوع..
وتقبل مروري بصدر شرح...

[راعي فجر]

ياهلابكم كلن باسمه وانشاء الله يصير الي فيه الخير وفايده للجميع بارك الله فيكم

[عاشق وهاوي]

السلام عليكم انا عندي جراوه ام ثلاث اشهور عددها 13 بختار فيهاولباقي بوزعها على ربعي الي يبون ...وسلم عليكم رحمت الله وبركاته...
الموقع:قطر

[@قرناص@]

اقتراح جيد ولازم مكان نجمع فيه الجرآوه فيه مثلآ مزرعه معينه..

[راعي فجر]

السلام عليكم انا عندي جراوه ام ثلاث اشهور عددها 13 بختار فيهاولباقي بوزعها على ربعي الي يبون ...وسلم عليكم رحمت الله وبركاته...
الموقع:قطر
وعليكم السلام ورحمة الله وبركاته

جزاك الله الف خير والاقربون الاقربون بارك الله فيك

[راعي فجر]

انشاء الله يكون الي فيه الخير ومنفعه للجميع شكراً لكم

[الشبح455]

والله انها فكره طيبه ويليت تطبقونها

[عاشق البسيتين]

مشكور ولاهنت يالغالي اللي فيه فزعه ماراح يقصر

[ولد سرحان]

فكره جميله

[راعي فجر]

ياهلا اخوي الشبح انشاء الله تنطبق وبالتعاون كل شي يصير

[راعي فجر]

ياهلا اخوي عاشق انشاء الله مافيه تقصير والاخوان خير وبركه شكرا لك

[راعي فجر]

ياهلا اخوي سرحان انت الاجمل بارك الله فيك

[عاشق الصمان1]

فكره جميله لو عندي سلق كان انا اول واحد شاركت

[قرناس شماالي]

مشكور اخوي على الموضوع الممتاز ونت صادق بكلامك
البعض يعتبره شحاذه
تقبل مروري:صيادسكاكا

[المستحل]

راي سديد وجزاكم الله خير

[@قرناص@]

موضوع مهم..

وابشر ان شاء الله راعين السلق مايقصرون ..

والله يوفقكم,,

[راعي السيزو]

ولله انا اشوف انا الفكرا ممتازه جداجدا احسن من الي يسرقون ترا كثرو الي يسرقون السلق مع احترا مي لبعض الض شباب

[صقر الشماااال]

جاااااااار التحميل
http://www.mekshat.com/vb/images/misc/progress.gif

جاااااااار التحميل
http://www.mekshat.com/vb/images/misc/progress.gif

جاااااااار التحميل
http://www.mekshat.com/vb/images/misc/progress.gif

جاااااااار التحميل
http://www.mekshat.com/vb/images/misc/progress.gif

جاااااااار التحميل
http://www.mekshat.com/vb/images/misc/progress.gif