المساعد الشخصي الرقمي

مشاهدة النسخة كاملة : هل يجوز ؟


-MOHAMMAD-
22/12/2008, 11:27 PM
بسم الله الرحمن الرحيم


عنوان الموضوع هل يجوز للفت الانتباه


والموضوع عن السلاح واقصد بـالسلاح هنا ليس لهدف الصيد انما لهدف الدفاع عن النفس لماذا ممنوع بيعه عندنا لازم باتهريب ومدري ايش ومشاكل التصريح...

ومصرح وغير مصرح

واكثر المواضيع اللي تتكلم عن الامن ... واهم اغراض الرحلات (((السلاح)))


نأخذها من ناحية الشرع وهي الناحية الاهم هل هو حرام؟ لا افتي لاكن لا اعتقد وكلن يعرف علمو اولادكم الرماية والسباحة ...الحديث او بما معناه

والدين امر بالدفاع عن النفس والعرض والمال


فـ من الاخذ بالاسباب انك تاخذ سلاح في البر ان شاء الله ما تحتاجه لاكن الاحتياط واجب انت رايح مكان بالنسبة لك مجهول

وادله اخرى


من ناحية الامن ...

من ناحية الخوف على امن بلادهم الغرب فيسمحون بإقتناء الاسلحة الشخصية اذا منب غلطان ويعطون تصاريح بتنظيم سلس وآمن







وانا من الناس اللي ما يحب يخالف النظام والدين اوجب طاعة ولاة الامر لاني احس بتأنيب ضمير ولو في غلطة بسيطة فما الحل؟



واللي خلاني احط الموضوع لما انتشر من سرقات في الروض والمناطق الربيعية اللي حول الرياض (الخفس,تنهاة,خريم...) انا ما مريت بالسرقة لاكن ما سمعت وما شاهدت من الشباب والهبال فكيف تأمن على عيالك فكيف بالمناطق النائية او المجهوله بالنسبة لي



ننتظر الين ما يسرقونا في الليل ولا في وضح النهار وحتى لو ما جاك احد وهو الاغلب بإذن الله ترتاح نفسياً


:(:(:(وش الحكمه من منعه الي يبي السلاح في شر بيجيبه لو انه في جزر الواط واط
واللي يبيه في شر ما ياخذ مصرح


واريد ارائكم اذا سمحتم
قناص الطير
22/12/2008, 11:36 PM
كلامك صحيح لكن الدولة تدري انه يهرب لكن ما يفتشون عليه إلا إذا حصلوه معك وبعض الأحيان ما يدققون لكن ... خله على الله ربك اعلم بالاحول .. شيب من كثر الهم والهوجيس .. ودمت بود .
-MOHAMMAD-
23/12/2008, 12:15 AM
مشكور على مرورك لاكن ليش اخذ بدون تصريح وعند كل تفتيش اتوهق ولا لو لقوه ياخذونه وليش ما اسير نظامي
yahla6
23/12/2008, 01:05 AM
احرص على التصريح وفك عمرك
صايد البرقا
23/12/2008, 02:37 AM
هههههههههههههههههه
ات عندك النضام هنا بل معكوس اناس تبيع وتشتري ولحدأ داري شغل تهريب على كيف كيفك
حتى الورع الي عمره 15 سنه يبيع ويشتري
لو وفيها لو فتحو محلات اتوقع خلال شهر تنقطع ضاهرة شي اسمه ( تهريب ودس )
يارجال بعض المنتديات الان صار فيها بيع وشرى عيني عينك
وربك كريم
سالم غانم
23/12/2008, 02:52 AM
والله لو كان فيه تنضيم وترقيم للاسلحه وجرد لاعداد الرصاص ورخصه تجدد كل سنتين كان احسن وامن من الوضع الحالي الا الوضع الحالي يجيب المشاكل اكثر اوافقك الراي وبوركت بس مابليد حيله
الصقري2000
23/12/2008, 07:57 PM
يخوي هد اعصابك
(وعسا ان تكرهوا شيء وهو خير لكم)
اخوي انا مثلك كنت اطربق واقول ليش كذا وليش كذا
لكن خذها معي ...
الحين انا اقتنعت اقتناع كامل ان الحمدلله انه مافيه بيع
لان لو فيه بيع كان صار السلاح سعره رخيص
واذا صار سعر السلاح رخيص شفته مع المبزرعه حقين المضاربات وصارت الدعوى فوضه مث الدول الغربيه الي انت تكلم عنه
واخوي ترا الامن عندنا ازين من الامن الي بالدول الثانيه
.................
ام الكلام عن اسلحة الصيد والله لو افتحو المجال كان شفت كل بزر معه شوزن وخرازه وابلشونا ابلاش
الحين مبلشينا بالسواكتين وعسانا نسلم منهم في هالشعبان
...................
وفي الختام اقول
لو فتح المجال للبيع كان الدعوى صارت(دردبيس)يعني مطرسة بزران
بلاتين
23/12/2008, 08:35 PM
ياليت يسمحون بفتح محلات لادوات الصيد فقط ويصير فيه عمر محدد للى يشري السلاح منها نستفيد ان ناخذ البنادق من الوكيل وبنص القيمه والفشق يصير سعره رخيص .
-MOHAMMAD-
23/12/2008, 10:17 PM
يخوي هد اعصابك
(وعسا ان تكرهوا شيء وهو خير لكم)
اخوي انا مثلك كنت اطربق واقول ليش كذا وليش كذا
لكن خذها معي ...
الحين انا اقتنعت اقتناع كامل ان الحمدلله انه مافيه بيع
لان لو فيه بيع كان صار السلاح سعره رخيص
واذا صار سعر السلاح رخيص شفته مع المبزرعه حقين المضاربات وصارت الدعوى فوضه مث الدول الغربيه الي انت تكلم عنه
واخوي ترا الامن عندنا ازين من الامن الي بالدول الثانيه
.................
ام الكلام عن اسلحة الصيد والله لو افتحو المجال كان شفت كل بزر معه شوزن وخرازه وابلشونا ابلاش
الحين مبلشينا بالسواكتين وعسانا نسلم منهم في هالشعبان
...................
وفي الختام اقول
لو فتح المجال للبيع كان الدعوى صارت(دردبيس)يعني مطرسة بزران


والله كلامك الى حدما :good: لاكن يحاولون وضع نظام مشدد ولا اي واحد ياخذه لازم يكون معروف مجال عمله ... ومثل ما تفضلو الاخوان تجديد التصريح خلال فتره قصيره ويرقمون الاسلحة وتكون منظمة ولا احد يملك اكثر من سلاح الا لعذر ضروري ...



واشكر الجميع على المرور والمشاركة
ديزب
23/12/2008, 10:30 PM
انا مالي اي تعليق على كلامك الا شيء واحد ( جزر الواق واق وليست الواط واط )
تقبل تعديلي وتحياتي ...
-MOHAMMAD-
24/12/2008, 02:12 PM
:D:good:عفوا الواق واق خطأ إستعجالي
-MOHAMMAD-
24/12/2008, 02:14 PM
:D:good:عفوا الواق واق خطأ إستعجالي ومشكور على المرور
سرحان220
26/12/2008, 11:08 PM
المشكلة الكبرى هنا ان اهل الامن حفظهم الله يبيعون ويشترون الاسلحة وبعضهم مروجين
الا من رحم الله
وان مسكونا طبقو النظام فينا وحنا الظعوف
لكن ما ينفع الا العين الحمراء
omar salman
27/12/2008, 12:29 AM
من قال الدولة مررة يفتشون ومررة يمشّون ! النظام واحد
لكن اجتهادات موظفين جمارك وهم بشر يصيبون ويخطئون .
وبعدين في أكثر من موضوع ___
كررنا ما علاقة الأطفال بتنظيم بيع أسلحة الصيد بشكل إيجابي
بصراحة بعض التصريحات مالها داعي لأنه ما تضيف شيء
وبالعكس قد يكون لها تأثير سلبي الله المستعان .
وبسالك هل وضع تهريب أسلحة الصيد ومن ثم تهريب
كوارث غيرها لا علاقة لها بالصيد عاجب أحد .
ومقولة - علموا أولادكم - موقوفة على عمر رضي الله عنه والله أعلم .