للبيع ابل وضح للجادين

[راعي البل 111]

للجادين فقط يوجد عدد تقريبا 25 او اكثر شوي من الابل الوضح المميزة من له نظر سواء يبي تفريد والا جميع والا افتحو السوم مع العلم بانها سيمت قبل فترة جميع 15000 ريال للناقه باستثناء الفحل لانه الفحل لحاله يسام 100.000 مائة الف ريال ومن له رغبه بالشراء ويرغب بشوفها يتصل على رقم الجوال 0504680808
والابل موجوده في منطقة القصيم

وتقبلو تحياتي ،،،،

[الصامل1111]

للجادين فقط يوجد عدد تقريبا 25 او اكثر شوي من الابل الوضح المميزة من له نظر سواء يبي تفريد والا جميع والا افتحو السوم مع العلم بانها سيمت قبل فترة جميع 15000 ريال للناقه باستثناء الفحل لانه الفحل لحاله يسام 100.000 مائة الف ريال ومن له رغبه بالشراء ويرغب بشوفها يتصل على رقم الجوال 0504680808
والابل موجوده في منطقة القصيم

وتقبلو تحياتي ،،،،

أخوي :

كم فيها من خلفة ؟
وكم لقحة ؟
وكم بكرة ؟
وش أسنانها ؟
وهل هي بنات مراح واحد ؟

[راعي البل 111]

اخي الصامل خلفات فيها عدد واحده توها والده بكرا لها شهر تقريبا وامها ملحا ترى مهب وضحا
واللقحات يمكنها 5 تقريبا والباقي كلها معاشير وفيها شي حولك بالولاد يعني ان شاء الله يوم يومين ماهي بعيده ان شاء الله
البكار يجيلها 15 بكره او اكثر وفيها وحده من البكار تسام 50000 الف ريال (معشر)
اسنانها كلها صغار ماتعدت الثنيه
وكلها بنات مراح واحد

والفحل تراه للبيع معها بس بااعلى سوم
واذا انت بالقصيم احسن تشوفها وللعلم ترى راعيها رجال مهب صغير بالعمر ويعشقها لانها كلها هو اللي متنقيها ماهو راغب بيعها يبي ينتج منها بس اذا جابت قيمة طيبه يقول يمكن ابيع وانت اذا اصلحت ولك نظر فيها نضغط عليه يبيعها
وشكرا لكم

[واسط نجد]

السلام عليكم
اخوي راعي البل
ارجو ان ترسلي صورللبل على الجوال
وخاصة البكرة الي مسيومة 50000
تراني جاد
الجوال 0555113920
تقبل تحيااتي

[عال المراقيب]

سؤال عريييييييييييييييييييييييييييييييييييييييييييييييض ؟؟؟؟؟؟؟؟؟؟؟؟؟؟
كيف تضغطون عليه ويبيع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟


مافهمت !!


أبل معروضه !!


وفيها غصيبه... كيف تجي !!!!!!!!!!!!!!

[أحمد الفهد]

اخي الصامل خلفات فيها عدد واحده توها والده بكرا لها شهر تقريبا وامها ملحا ترى مهب وضحا
واللقحات يمكنها 5 تقريبا والباقي كلها معاشير وفيها شي حولك بالولاد يعني ان شاء الله يوم يومين ماهي بعيده ان شاء الله
البكار يجيلها 15 بكره او اكثر وفيها وحده من البكار تسام 50000 الف ريال (معشر)
اسنانها كلها صغار ماتعدت الثنيه
وكلها بنات مراح واحد

والفحل تراه للبيع معها بس بااعلى سوم
واذا انت بالقصيم احسن تشوفها وللعلم ترى راعيها رجال مهب صغير بالعمر ويعشقها لانها كلها هو اللي متنقيها ماهو راغب بيعها يبي ينتج منها بس اذا جابت قيمة طيبه يقول يمكن ابيع وانت اذا اصلحت ولك نظر فيها نضغط عليه يبيعها
وشكرا لكم



افهم من كلامك ياخوي راعي البل إنك تبيع حلال مهب حلالك . . . .

لذا الله يجزاك خير إذا ملكت البل اعرضها بالمنتدى لانه صعبة نعني ونضرب مشاوير واخرتها يمكن راعي الحلال يبيع أو مايبيع !!!!!!!!!!!!!

[راعي البل 111]

عالي المرقاب الرجل يبي يبيع ولكن فيه سومه عنده اذا جابتها يقول ببيع وحنا نقول اذا صارت قريبة من اللي في باله نبي نقوله بعها وهو جازم انه يبي يبيعها باذن الله بس انت ان كانك صامل وتبي تشتري اذا جيت للقصيم اتصل على الجوال وان كانك بس تضع تعليقات ولاعندك نية شراء فاياليت تحتفظ بالتعليقات

اخوي احمد الفهد على مااظن انك من القصيم والله اعلم فاكيف تضرب مشاوير اذا انت من نفس المنطقه واذا انت مو من نفس المنطقه انا اقولك تعال وشف البل اذا صلحت لك اشتر منها سواء جميع والا تفريد وكما قلت لاخوي عالي المرقاب اذا ماعندك نية شراء ترانا حنا نبي شرايين ولو ماهو بايع وندري انه يبي يبيع مانزلت الاعلان الله يجزاك خير ورقم الجوال عندك اذا صملت على شوفة البل اتصل علي
وشكرا لكم

[راعي البل 111]

واسط نجد ابشر في اقرب فرصه برسلها لك على الجوال

شكرا لكم

[ياسر الزين]

اخوى ياراعى البل

ياليت الصور علشان يكون موضوعك كامل

[راعي البل 111]

اخوي ياسر الصور مااعرف انزلها بصراحه وبحاول اني انزلها واذا انت صامل للشراء تعال وشفها احسن لك

وانا بصراحه اشوف كل شوي معلق واحد مافيه احد من اهل البل الصامله للشراء لايكون الناس من الازمة الاقتصاديه تاثروا وخلصت دراهمهم في البنوك والا وش السالفه

نبي احد صامل ويجي ومعه دراهمه اذا جازت له البل واتفقنا الله يربحك واذا ماحصل نصيب نبي نعشيه ونكرمه بحق الضيف يعني ماراح يرجع خسران الرجل يايشتري ويرزقه الله فيهن والا يطلع بعشاء (هههههه)

تحياتي ،،،

وشكرا لكم