أين أجد هذا الشيء؟؟؟؟

[بستم]

السلام عليكم


صبحكم الله بالخير ومساكم بمثله


كنت البارحة في اجمتاع مع مجموعة شباب شرواكم


وكان المضيف جايب معه ابريق شاهي من النوع إللي له مثعابين او جهتين أو اثمين واحد للماء والثاني للشاهي المركز يعني شاهي بخار


الزبدة سولفنا وين نلقاه اجمع الحضور انه نادر الوجود ويمكن ما يلقى قلت ما هنا إلا أهل الكشاته لأنهم إذا بغوا شي من علوم البر والعزب دبروووووووه فالله يعافيكم دبرووووووووونا وين ألقاه مع العلم أني من سكان الرياض .


وسلامة الجميييييع

[عبدالرحمن305]

هذا والله اعلم انه موجود بكثره في سوق واجف في الكويت

[سرهيد]

السلام عليكم

http://www.mekshat.com/pix/upload02/images91/mk40450_rtfdfdf.jpg

هل تقصد هذا

ان كان هو فتراني شايفه عند محل الرحلات الجديد اللي في حي المروج في الشمال

تقبل احترامي

[iase2000]

انا شارية من محل تركي في الحلة
يجيك العثيم على يمينك ابتل على طول( لا تدخل يمين لمحلات المعسل و روس المندي :) ) لين المحل قبل الاشارة
عندة 3 مقاسات
اكبر واحد 80 ريال
الاصغر 75
الاصغر 70
تلاحظ ان الاسعارمتقاربة لان المنتج كان موجود الكبر منة تقريبا 35 ريال لكن تم سحبة من السوق و تم ادراجة بهالاسعار
طبعا ما ادري كم سعرة عند المحل اللي بالمروج
تقبل مروري

[ابو عادل1]

انا شارية من محل تركي في الحلة
يجيك العثيم على يمينك ابتل على طول( لا تدخل يمين لمحلات المعسل و روس المندي :) ) لين المحل قبل الاشارة
عندة 3 مقاسات
اكبر واحد 80 ريال
الاصغر 75
الاصغر 70
تلاحظ ان الاسعارمتقاربة لان المنتج كان موجود الكبر منة تقريبا 35 ريال لكن تم سحبة من السوق و تم ادراجة بهالاسعار
طبعا ما ادري كم سعرة عند المحل اللي بالمروج
تقبل مروري
السلام عليكم ورحمة الله وبركاته
اثني على ماذكره اخونا الحبيب المحل به المنتجات التركية
اناشاري من نفس المحل المقاس الكبير لكن ب 40 ريال آخر الشتاء الماضي ولديهم سكاكين جيدة كبير للذبح وصغير للسلخ
للجميع تحياتي وتقديري

[abodolim]

جزاكم الله خير جميعا انا صار لي فتره ادور عليه

[xozxo]

يوجد لدا محلات بيع ادوات المطابخ وانت متجه غرب بعد كبري حله العبيد بالبطحا قبل اول اشاره تجد محل على اليمين يبيعها الاشاره يوجد بجوارها محطه لتسهيلات صغيره امل ان اكون افدتك

[a2020]

أنا شاريه من محطة الكويت بالرقعي قبل سنتين.

[معشي الذيبّ]

السلام عليكم

http://www.mekshat.com/pix/upload02/images91/mk40450_rtfdfdf.jpg

هل تقصد هذا

ان كان هو فتراني شايفه عند محل الرحلات الجديد اللي في حي المروج في الشمال

تقبل احترامي

هذا وصف المحل الي يقصده ابو عبدالله

http://www.up-00.com/bzfiles/8hy28931.jpg (http://www.up-00.com/)

[tooto]

كفو يا معشي الذيب
اكثر من كذا وصف ما يحتاج
ال انك تروح تجيبه له
وانا عارف انك مراح تقصر لا انت ولا الشباب

[بستم]

جزاكم الله ألف خيييييييير

وبصراحة ما قصرتم وبيض الله وجيهكم

وهذا إللي أنا أقصده إللي بالصورة وإن شاء الله أنا داعس له أشتريه لو بـ 100

[مسامرالليل]

سعر الوسط منه بـ35 ريال شارية من سنة يعقل وصل سعره الان 75 ريال
يعني دبل قيمته ؟

[الأكحل1]

شكر للجميع بصراحة ماقصرتو جميعا

[(مواصل)]

بيض الله وجيهكم وهذا ابحث عنه من زمن لكن مالها الا رجالها بمكشات والله

[بستم]

أنا رحت للمحل المذكور بالمرووووج وذكروا لي أنهم جابوا واحد أو ما فتحوا

على إنهم يجيبون منه لكن ما عاد حصلوووووووه


لذا أنا وصيت واحد من البحرين دور لي هناك وإن شاء الله إذا حصله أفيدكم

[ابو السمك]

تكفون يا شباب وين القاه بالدمام ظروري

[ali_voice]

انا مره شفت بالبريد الكتروني واحد بأربع روس و حسب التعليق تقدر تتحكم في مستوى السكر و تركيز الشاي

و ما صدقت الصوره شكل البريق تلفيق فوت شوب

[صصعفق]

هذا


http://www.mekshat.com/pix/upload02/images94/mk37276_asdfgh.jpg

[الهاوي 2005]

الله يعطيك العافية اخوي صاحب الموضوع وما قصرت لكن حبيت اقول ان البريق هذا اللي يسمى ابو راسين موجود بشارع السبالة الي يباع فيه كل الادوات المنزلية الموجود بالقرب من اسواق مكة تلف قبله كأنك رايح للبديعة اول اشارة رح يمين اول شارع يسار وهو شارع صغير مرة يعني وقف وانزل على رجلينك وباسعار رخيصة وسعر مقاس الوسط ب35 ريال انا شارية قبل كم شهر من عندهم وعلى فكرة هو لا يوجد بأي محل يعني الله يعينك يبيلك تدور شوي وهو بالعادة موجود بالقرب من مؤسسة العثيم للاواني المنزلية واتمنى اني افدت وشكرا.

اخوكم
الهاوي

[صصعفق]

السلام عليكم



صبحكم الله بالخير ومساكم بمثله


كنت البارحة في اجمتاع مع مجموعة شباب شرواكم


وكان المضيف جايب معه ابريق شاهي من النوع إللي له مثعابين او جهتين أو اثمين واحد للماء والثاني للشاهي المركز يعني شاهي بخار


الزبدة سولفنا وين نلقاه اجمع الحضور انه نادر الوجود ويمكن ما يلقى قلت ما هنا إلا أهل الكشاته لأنهم إذا بغوا شي من علوم البر والعزب دبروووووووه فالله يعافيكم دبرووووووووونا وين ألقاه مع العلم أني من سكان الرياض .



وسلامة الجميييييع


طلبك على ها الرابط

http://www.mekshat.com/vb/showthread.php?t=182099
تحياتي