عنبري
24/12/2008, 02:21 PM
الله الرحمن الرحيم
قصيدة رثاء في المغفور لهم الشيخ: محمد بن عبدالعزيز السلطان وأبنه عبدالله رحمهم الله رحمه واسعة واسكنهم فسيح جناته
في يوم الجمعة 16/11/1429هـ أعطاني الأخ العزيز والقريب الحبيب رياض بن عبدالله السلطان سلمه الله قصيدة الأخ الفاضل والشاعر الكبير: ناصر بن عبدالله السعيد سلمه الله ، في رثاء الفقيدين محمد بن عبدالعزيز السلطان وابنه الحبيب عبدالله رحمهما الله , ولما قرأت قصيدته كتبت هذه الأبيات , وكنتُ أود ألا أكتب , لأن المصاب أعظم من أن يكُتب فيه شيئاً , والله المستعان:
يا عين , هلِّي دموعك لاَ تكَفّيــــنِ
لعلَّهـا تطفَيِ الحرَّات تشفينـــي
ولا أظن دمعـي إلى من سحَّـته عينـي
يشفي فؤادٍ غشاه الحزن واللبيْــنِ
قلبي تَفَطَّر , ورمـحْ الحزنِ يرْدِيْنـــي
أشهرْ سلاحه على صدّري ويَفْرِينَـي
يـوم الخميس , الصباحَ هديبَ يبَكْيِنـي
يذكر أهلنـا عليهم حادثٍ شينـي
قلت: الخبر , قال: راحوا عنك رجليــن
عند الحسي , ودعوا كل الخليليـنِ
راحــوا رجالاً عليهم تشفق العيـــن
أبو عبدالله وابنــه قرَّة العيــن
صاحوا أقرابـي , وكل الربع باكــيني
الله يجبر عَزا أخوانٍ كريميــــنِ
بوسـط الخويش دفنا الجود ممسيـــن
بأيسر قبور التمارى , قربهم زينـي
الله يجــبر عزاكــم يا السلاطينــي
أنهدَّ منكم , من الأخيار ركنيــنِ
أبكــي على محمد السلطان , ذا الدين
رفيق أبويه ليالي العسر والليــنِ
بوسط الشميسي قضـوا أوقاتهم زينـي
في نعمة وراحة والدار بابيـــنِ
يا ليت ذيك الليــالي ترجع سنينــي
أشوف ذيك الوجيه وتبتهج عينـي
أبو عبدالله وزيــن الـروح قانينــي
معروفه اللي مضى من عدة سنيـن
أبو عبدالله , كريـم , ويقضـي الديـن
وأبو محمد ربَيع القلب والعيـــن
أبو محمد رفيقــي , طلـق الجبيــنِ
ما أقدر أَنساه , وقلبيِ عنده رهينـي
أبـوه أبـويه , وفيه العقل والديــن
يشهد على كلمتي رجالٍ كثيريــنِ
مــالي صديـقٍ عقب عبدالله معينـي
الله يجزيــه بالجنــة و يجزينـي
مــالي رفيق سـوى عبدالله معينــي
رفيق عمري , وفي الشدّْة يواسينـي
يـا أبو محمد لا عاد أحــد يسلينـي
راح الونس , و الخلا ما عاد يعنيني
مـا شفت مْثل الحبيب يزور و يجينـي
أقطع ويافي وفي اللزمـات يكفينـي
الله يجعـــــل منازلهـم علَييــن
آميـــــن يا ربنـا ربّ الثقلين
ومن عقبهم يــا رياض النوم جافينـي
راحت ليالي السعد , والحزن قافينـي
مصيبــةً يــا رياض تَفَجََّع سنينـي
الله يجبــر عـزا نـاس عزيزيــنِ
وأجبر عزا أخيَّةٍ , لذاتهــا ويــن
وأخلف على زوجةٍ قد هدها البيــن
وأجبر عزا محمد ومشعــل وبنتيــن
عقب الوناسـه شربوا المر كأسيــن
وأشـف اثنين بالشميسـي منوميــن
يا الله عسَاهم من الأمـراض ناجيـنِ
ولــد تكسرّ , وفي الساقين جبسيـن
وأم تلــوى , وفي الرجلين ثقليـن
وش حيلتي يــوم راحـوا قرة العيـن
مـا عاد لي لذةٍ في العيش تطرينــي
ولا عــاد للــبر لذاتٍ تنسينــي
حَرّ المصيبة شديدٍ , وجمرهـا شينـي
لا شفت مشعل حبست الدمع في عيني
أضحك وقلبي من الحسـرات يكويني
أمـر مقدر , وكل الخلـق ماضيـن
والحمد لله على الشدَات والليـــن
مـالي سوى الصبر , والتسليم يكفيني
صابر على اللي جرى والربّ يجزينـي
أنـا أشهد أن المصايب تكشف الرينِ
نـاس تعزي ونـاس تتبع الطِّيْــنِ
حسبي على اللي رضـوا الناس صنفين
صنف يَميَّز , وصنف راح مسكيــن
ويـا محمدْ أصبر وصابـر وألزم الدِّيْن
لا تتبع إلا كـرام الخلـق صافيَــن
خلك علـى درب أبَيّـك لا تخلينــي
زرنا نزورك , ترى الجيّات تشفينــي
وأستغفـر الله على ما قلت من شيـن
ربً رحيــم , وبالقـرآنِ يحينــي
والختم صلـوا علـى من بلغ الديـن
صفـوة قريـشٍ وخـاتمْ المرسليـنِ
اللهم صلي وسلم على نبينا محمد
الله يرحمهم برحمته ويسكنهم الفردوس الأعلى من الجنة ويجمعنا وإياهم والمسلمين في دار القرار مع النبيين والصالحين
قالها أحد أقارب المتوفين رحمهما الله في 17/11/1429هـ
جزاه الله عنا كل خير وغفر الله له ولوالديه
تنبية:
الصورة أعلاه من تصميم الأخ ( أحب تمير ) من منتديات مدينة تمير جزاه الله عنا كل خير
منقول
قصيدة رثاء في المغفور لهم الشيخ: محمد بن عبدالعزيز السلطان وأبنه عبدالله رحمهم الله رحمه واسعة واسكنهم فسيح جناته
في يوم الجمعة 16/11/1429هـ أعطاني الأخ العزيز والقريب الحبيب رياض بن عبدالله السلطان سلمه الله قصيدة الأخ الفاضل والشاعر الكبير: ناصر بن عبدالله السعيد سلمه الله ، في رثاء الفقيدين محمد بن عبدالعزيز السلطان وابنه الحبيب عبدالله رحمهما الله , ولما قرأت قصيدته كتبت هذه الأبيات , وكنتُ أود ألا أكتب , لأن المصاب أعظم من أن يكُتب فيه شيئاً , والله المستعان:
يا عين , هلِّي دموعك لاَ تكَفّيــــنِ
لعلَّهـا تطفَيِ الحرَّات تشفينـــي
ولا أظن دمعـي إلى من سحَّـته عينـي
يشفي فؤادٍ غشاه الحزن واللبيْــنِ
قلبي تَفَطَّر , ورمـحْ الحزنِ يرْدِيْنـــي
أشهرْ سلاحه على صدّري ويَفْرِينَـي
يـوم الخميس , الصباحَ هديبَ يبَكْيِنـي
يذكر أهلنـا عليهم حادثٍ شينـي
قلت: الخبر , قال: راحوا عنك رجليــن
عند الحسي , ودعوا كل الخليليـنِ
راحــوا رجالاً عليهم تشفق العيـــن
أبو عبدالله وابنــه قرَّة العيــن
صاحوا أقرابـي , وكل الربع باكــيني
الله يجبر عَزا أخوانٍ كريميــــنِ
بوسـط الخويش دفنا الجود ممسيـــن
بأيسر قبور التمارى , قربهم زينـي
الله يجــبر عزاكــم يا السلاطينــي
أنهدَّ منكم , من الأخيار ركنيــنِ
أبكــي على محمد السلطان , ذا الدين
رفيق أبويه ليالي العسر والليــنِ
بوسط الشميسي قضـوا أوقاتهم زينـي
في نعمة وراحة والدار بابيـــنِ
يا ليت ذيك الليــالي ترجع سنينــي
أشوف ذيك الوجيه وتبتهج عينـي
أبو عبدالله وزيــن الـروح قانينــي
معروفه اللي مضى من عدة سنيـن
أبو عبدالله , كريـم , ويقضـي الديـن
وأبو محمد ربَيع القلب والعيـــن
أبو محمد رفيقــي , طلـق الجبيــنِ
ما أقدر أَنساه , وقلبيِ عنده رهينـي
أبـوه أبـويه , وفيه العقل والديــن
يشهد على كلمتي رجالٍ كثيريــنِ
مــالي صديـقٍ عقب عبدالله معينـي
الله يجزيــه بالجنــة و يجزينـي
مــالي رفيق سـوى عبدالله معينــي
رفيق عمري , وفي الشدّْة يواسينـي
يـا أبو محمد لا عاد أحــد يسلينـي
راح الونس , و الخلا ما عاد يعنيني
مـا شفت مْثل الحبيب يزور و يجينـي
أقطع ويافي وفي اللزمـات يكفينـي
الله يجعـــــل منازلهـم علَييــن
آميـــــن يا ربنـا ربّ الثقلين
ومن عقبهم يــا رياض النوم جافينـي
راحت ليالي السعد , والحزن قافينـي
مصيبــةً يــا رياض تَفَجََّع سنينـي
الله يجبــر عـزا نـاس عزيزيــنِ
وأجبر عزا أخيَّةٍ , لذاتهــا ويــن
وأخلف على زوجةٍ قد هدها البيــن
وأجبر عزا محمد ومشعــل وبنتيــن
عقب الوناسـه شربوا المر كأسيــن
وأشـف اثنين بالشميسـي منوميــن
يا الله عسَاهم من الأمـراض ناجيـنِ
ولــد تكسرّ , وفي الساقين جبسيـن
وأم تلــوى , وفي الرجلين ثقليـن
وش حيلتي يــوم راحـوا قرة العيـن
مـا عاد لي لذةٍ في العيش تطرينــي
ولا عــاد للــبر لذاتٍ تنسينــي
حَرّ المصيبة شديدٍ , وجمرهـا شينـي
لا شفت مشعل حبست الدمع في عيني
أضحك وقلبي من الحسـرات يكويني
أمـر مقدر , وكل الخلـق ماضيـن
والحمد لله على الشدَات والليـــن
مـالي سوى الصبر , والتسليم يكفيني
صابر على اللي جرى والربّ يجزينـي
أنـا أشهد أن المصايب تكشف الرينِ
نـاس تعزي ونـاس تتبع الطِّيْــنِ
حسبي على اللي رضـوا الناس صنفين
صنف يَميَّز , وصنف راح مسكيــن
ويـا محمدْ أصبر وصابـر وألزم الدِّيْن
لا تتبع إلا كـرام الخلـق صافيَــن
خلك علـى درب أبَيّـك لا تخلينــي
زرنا نزورك , ترى الجيّات تشفينــي
وأستغفـر الله على ما قلت من شيـن
ربً رحيــم , وبالقـرآنِ يحينــي
والختم صلـوا علـى من بلغ الديـن
صفـوة قريـشٍ وخـاتمْ المرسليـنِ
اللهم صلي وسلم على نبينا محمد
الله يرحمهم برحمته ويسكنهم الفردوس الأعلى من الجنة ويجمعنا وإياهم والمسلمين في دار القرار مع النبيين والصالحين
قالها أحد أقارب المتوفين رحمهما الله في 17/11/1429هـ
جزاه الله عنا كل خير وغفر الله له ولوالديه
تنبية:
الصورة أعلاه من تصميم الأخ ( أحب تمير ) من منتديات مدينة تمير جزاه الله عنا كل خير
منقول