المساعد الشخصي الرقمي

مشاهدة النسخة كاملة : بيجامة شتوية


نجم7
24/12/2008, 11:01 PM
يااخوان تدرون البرد جاء وبغيت اسالكم عن بيجامة ابوخروف هل مازالت تنباع
ولالا لاني سمعت انها تدفي بشكل عجيب .وهل احصلها في جدة ومكة والطائف
وهل في بيجامة قريبة لها من الشركات المعروفة طيبة وتدفي0

ومشكورين.لاعدمناكم0
سهيل واحد
25/12/2008, 01:10 AM
الاخ ...... نجم7


بيجامة ابوخاروف الانجليزية الاصلية موجودة و تنباع عند محلات الفوزان و اذا تصبر لبكرا اسألهم لك اذا عندهم فروع بالغربية .. وكذلك عندهم نوع ثاني بنفس المواصفات و الصناعة اسمة " ابو عسكري "

و السلام ختام
دروب السهر
25/12/2008, 02:30 AM
مثل ماتفضل اخوي الغالي سهيل واحد


الفوزان يوجد لديهم ابو خروف وغيرها من الانواع الانجليزيه والتركيه وهي بصراحه كلها نوعيات

ممتازه ...




بتلاقيها خفيفه وماراح تصدق انه تدفي لكن وانا اخوك الصوف يدفي ليس لانه ثقيل ولكن لان احتكاكه

بالجسم والملابس الاخرى يولد حراره فتشعر بالدفء




دمت بود
نجم7
25/12/2008, 02:50 AM
سهيل واحد (http://www.mekshat.com/vb/member.php?u=1603)

يعطيك العافية على المرور .وياليت تسأل بكون شاكر ومقدر لك0


دروب السهر

شكرا لك على المعلومة القيمة 0
(مواصل)
25/12/2008, 02:14 PM
المغرب نروح للفوزان ونشري ثنتين نجرب
ولد الشقحاء2
26/12/2008, 08:40 PM
تصدقون ياالربع اني سمعت عن بجامه اسمها ( ولزي ) انجليزيه ورحت ادورها مالقيتها الا عند محل العبدالكريم بالثميري بالرياض يوم سألته بكم قال 430 ريال يوم طار عقلي وش السالفه قال هذي صوف 100% قلت ياحبيل محل الفوزان كله شهرين اوثلاثه ويروح الشتا قم بس قم .
نجم7
31/12/2008, 10:24 AM
يااخوان انا سمعت عن بيجامة برومان انها طيبة وتدفي
ومقاربة لماركة ابوخروف لكن يااخوان وين القاها
هل احصلها موجودة في محلات الغتر والملابس
الداخلية ولا بس في مكان معين

ودمتم سالمين0
الصامل1111
31/12/2008, 10:31 AM
وشي ذي أبو خروف ؟
mohmjedn
31/12/2008, 08:11 PM
تصدقون ياالربع اني سمعت عن بجامه اسمها ( ولزي ) انجليزيه ورحت ادورها مالقيتها الا عند محل العبدالكريم بالثميري بالرياض يوم سألته بكم قال 430 ريال يوم طار عقلي وش السالفه قال هذي صوف 100% قلت ياحبيل محل الفوزان كله شهرين اوثلاثه ويروح الشتا قم بس قم .

بهالقيمه اشتري فروتين وست بجايم :d
mohmjedn
31/12/2008, 08:15 PM
يااخوان انا سمعت عن بيجامة برومان انها طيبة وتدفي
ومقاربة لماركة ابوخروف لكن يااخوان وين القاها
هل احصلها موجودة في محلات الغتر والملابس
الداخلية ولا بس في مكان معين

ودمتم سالمين0

والله انا مجربها عاديه جداً
لكن اللي يبي بجامه صح عليه بلانجليزي الاصلي:good:
القيصوم 815
31/12/2008, 11:38 PM
نصيحه للي يلبس بجامة ابو خروف تراها ما تلبس الا بعد ما تغيب الشمس آلى ان تصبح وترتفع الشمس من باكر لأنك سوف تتهرش من كل جانب .
معنى كلمة تتهرش :اي تحك جلدك بعنف في اكثر من موقع في حاله هستريه.
khaled99
31/12/2008, 11:44 PM
عليك ببرومان ...والله ممتازة

الحين لها سنة عندي ممتازة تدفي ولا تغثك لأنها خفيفة...

انصح فيها وبشدة
الأسمري 2009
31/12/2008, 11:45 PM
من وجه نضري بجامة برومان ممتازة وتدفي وناعمة على الجسم وانا مجربها في شتاء تبوك البارد جدا وماشاء الله ممتازة
عاشق النوق
31/12/2008, 11:48 PM
ما مثل الأنجليزيه
(مواصل)
31/12/2008, 11:55 PM
يالربع رحت للفوزان ولقيت عندهم نوعين من البجامات
نوع انقليزي سعره 120 ريال برومان وداخله زي القطن
نوع عادي وسعره 110 يقول انقليزي بس بدون قطن داخل البجامه
مادري هل هذا سعره بالسوق او انه غالي بهالسعر؟
هل توجد ماركة برومان عند غير الفوزان ؟
القطن الي داخل البجامه هل يخرب مع الغسيل ؟
هاي لكزز
01/01/2009, 10:58 AM
شوف اخوي ابو خروف ما اعرفه
لـــــــكـن فيه دروشبـ 35 ريال و العجلان 40 ريال
بصراحه تدفي بس مو هي الأفضل

انا جربت نوع اسمه الفوزان بـ 50 ريال العام وقبل العام كانت بـ 70 ريال
هي الأخف وزن + الأكثـر دفء وهذا من واقع تجربتي

اتمنى اني افتك بشي
بو علي العلوي
03/01/2009, 10:17 AM
في فروع للفوزان في مدينة جدة...
جرة عقرب
06/01/2009, 01:14 AM
الله لايحرمنا من الفوزان - برومان
العرندس909
08/01/2009, 06:10 PM
هناك بجامات صنع هندي ممتازة دافئة ولاتتمدد ورخيصة سعرها لايتعدى 35
م/الحمود
09/01/2009, 07:15 PM
البجامات الانجليزية ممتازه ودفية بس لازم تلبس تحتها فنيلة قطنيه والا انواع التحكك
مروق الثعلب
09/01/2009, 10:23 PM
السلام عليكم ..

أما بجامة أبو خروف الإنجليزية فهي ممتازة جداً جداً جداً وسعرها العام الماضي بـ100 ريال - كاملة - ...

وبالنسبة لبجامة ( Wolsy ) الإنجليزية فنعومتها أكثر من أبو خروف ، وتنباع في اليورومارشيه بـ200 ريال ( الفنيلة فقط ) ..

وبالتوفيق
الثائر
10/01/2009, 02:09 AM
قد لبستها ورحت أصلي الظهر لقيت الشيبان يصلون بالشمس!!! صفّينا ومع الركعة الثانية بدأ التهرّش وبآخر ركعة لقيت نفسي أسوي جمباز قدام الإمام!!
هذي ماتصلح لجوّنا شفلك شي خفافي ويؤدي الغرض وأم نص كم ترا ماقالت لأ أبد,
سهم الحرية
11/01/2009, 02:32 PM
يالربع رحت للفوزان ولقيت عندهم نوعين من البجامات
نوع انقليزي سعره 120 ريال برومان وداخله زي القطن
نوع عادي وسعره 110 يقول انقليزي بس بدون قطن داخل البجامه
مادري هل هذا سعره بالسوق او انه غالي بهالسعر؟
هل توجد ماركة برومان عند غير الفوزان ؟
القطن الي داخل البجامه هل يخرب مع الغسيل ؟
الفوزان هو وكيل برومان بالمملكه
وحقيقة ما أدري عن أسعارها
خ الفياض
12/01/2009, 12:04 AM
معلش ممكن صور للبجامات برومان و ابوخروف
راعي وانيت
13/01/2009, 03:06 PM
قد لبستها ورحت أصلي الظهر لقيت الشيبان يصلون بالشمس!!! صفّينا ومع الركعة الثانية بدأ التهرّش وبآخر ركعة لقيت نفسي أسوي جمباز قدام الإمام!!
هذي ماتصلح لجوّنا شفلك شي خفافي ويؤدي الغرض وأم نص كم ترا ماقالت لأ أبد,


حسبي الله على ابليسك ذبحتني من الضحك وليه عاد قدام الامام
شكرآ لك وللبجامه الي خلتك تعمل جمباز قدام الامام
AL-Hadbani
20/01/2009, 04:46 PM
شباب وين الفوزان هذا فيه <<<<<< متحمس لكن متأخر


حسحسونا حسو فينا كله ناسينا ناسينا
فتك 2008
30/01/2009, 08:14 PM
شباب وين الفوزان هذا فيه <<<<<< متحمس لكن متأخر


حسحسونا حسو فينا كله ناسينا ناسينا

بدري عليييييييك الحب :no2:
بس ما كنه خلص البرد والجو زان :cool:
عشانا
31/01/2009, 09:29 AM
الله يخلف مابوه صناعة سعودية ههههههههههههههههه

اعنبو الشيطان عجزنا عن صناعة مايستر عوراتنا
عجزنا عن صناعة السروال
ابوسعودد
31/01/2009, 09:42 AM
الله يعطيكم العافيه جميعا على الايضاحات ........ الواحد اذا نزل السوق الحين راح يعرف وش يشري بالضبظ