ماسبب النوم المبكر في الكشتات ؟

[كاشت في صمان]

أعزائي الاعضاء اذا كنتم في البيت ماتنامون الافي الساعة 1 أو 2 الليل بينما اذا كنت كاشت ماتجي الساعة 10 الا ويجيك النوم
ممكن تعلموني وش السبب ؟؟؟؟
أرجو من الأعضاء أعطائي جواب مقنع

[-MOHAMMAD-]

انا بقولك مهب من علم بس من تجربه

الناس تختلف

انا عن نفسي اذا كانت الطلعه خفيفه نسهر الى وقت متأخر ونرجع

اما اذا كانت كشته فيها نوم انا اول يوم بدري من تعب ومن الكرف ننصب الخيمة وننزل الاغراض وما يمدينا نجلس الا ونزين الاكل ما يمدينا نتمشى الا و ونزين العشى وما يمدينا نجلس شوي الا ويجينا النوم عقب العشى وننام ونقوم بدري الفجر وما ناخذ لنا غفوه لاكن لو اخذت لك غفوه محترمه كان تسهر لاكن ميزة البر قومة الفجر


جلسة البر في الليل مهب زي الفجر والبرد :) معنه نصهم ينامون مـتأخر ما يقومون الا الساعة ثمان تسع الصبح

[مدمن الشات]

هلا وغلا فيك أخوي كاشت ولكن أعذرني على التأخر على الرد
على حسب علمي وخبرتي في الكشتات
أنت في البيت عندك دش وعندك فيديو وعندك.... وعندك
ولكن في الكشتة تشعر بالملل لاعندك دش ولاعند أنترنت ولاعندك فيديو
كل يومك تقوم الفجر وتنكرف كرف من تجميع الحطب وأخذ جولة على الفياض القريبة والبعيدة وتنوم بعد العشاء

في مقولة سمعتها من شخص كبير بالسن يقول الملل يجيب النوم

وامل بأني قد أفدتك

[درموح]

هاذي من الوناسه يجيك النوم لو انت ضايق صادرك انسى يجيك ههههههههه

[معارك]

والله من الشغل والكرف تحمل الاغراض وتنزلها وتبني الخيمه وطبخ ونفخ وحالتك حاله

[Abu Saad]

هذا ما الاحظه شخصيا :

-الركوب في السيارة اثناء الممشى في البر يتعب الجسم والتعرض للهبوب والدريشة مفتوحة يجهد الشخص بدون مايشعر .
-كثرة المناظر يمين ويسار وخصوصا في اماكن تعتبر جديدة وليست روتينية تاخذ منك قدر من التركيز في المخ وهذا يجهد الشخص .
-طبعا التحميل والتنزيل والطبخ والنفخ والمناقز وكثرة السوالف ..تجهد المخ وبالتالي الجسم.
-واخيرا وهو اهم شي ... الجلوس في العراء فترة طويلة (ساعات) يجهد الجسم حتى لوكنت في مزرعة ولكن اغلب يومك وانت خارج شي اسمه جدران وسقف راح تلاحظ انك تنعس بدري على غير العادة .

هذا مالاحظته والسلام عليكم