لغز لبو ماجد على النت هيّاه.؟؟؟؟؟~~[اللغز محلول]~~[صاحب الحل:ابن الراوي]

[ابو ماجد 2]

السلام عليكم


ياللي عسير اللغز لاجا تحلون=لغز لبو ماجد على النت هيّاه
الاسم واحد واغلب الناس يدرون=والكل منهم مخلف في عطاياه
كم شفت الاول ياهل العرف مسجون=يعطي خبر صعب تعرفه بليّاه
والثاني اللي ينسبونه على لون=فيه البلى ماحدٍ يسوي سواياه



تحيتي وتقديري

[جرير]

حياك ابو ماجد
تراني صاحي هالجمعه بدري ومخي شي خيالي مع هالضباب
الله يرزقنا المطر
المهم بدون تفكير كثير طلع معي هالرمعه
الدش
الاول دش الماء والثاني دش اللي يجيب الخرابيط

ماعودها
تراني مامن امور بالالغازسامحني
:j

[ابو ماجد 2]

حياك ابو ماجد

تراني صاحي هالجمعه بدري ومخي شي خيالي مع هالضباب
الله يرزقنا المطر
المهم بدون تفكير كثير طلع معي هالرمعه
الدش
الاول دش الماء والثاني دش اللي يجيب الخرابيط


ماعودها
تراني مامن امور بالالغازسامحني

:j


هلا بك يالغلا هلابك
والله يديم علينا وعليكم الاجواء اللي تخلي الواحد يصحصح
رمعة مصحصح فعلاً ولكن الثاني ينسب على لون من الالوان
انتظر رمعتك القادمه
تحيتي لك وتقديري

[برق القصيم]

صح لسانك زعيمنا
عندي رميعتين عجلات ان صابت حداهن والا جينا عقب الغدا(مرقوق) ونتفاهم مع هاللغز
المؤشر حق الصخانه (او الامبير حق الحراره بالسياره) او اي جهاز للقياس . وسميه مؤشر الاسهم الله لايعيده
او البحر الميت والا بحر الشعر مع البحر الاحمر

[ضلع البقوم]

صح اللسانك يابوماجد

الاول عندي عليه رمعه يمكن يكون الصندوق الاسود
والثاني والله ياخوك اني بحلت به ولكن نقول القلب الاسود
وتقبل تحيات اخوك

[بروق و مزون]

وانا مع اخوي

رمعتي الصندوق الاسود

[مسيرs]

السلام عليكم ورحمة الله وبركاته
أضم صوتي لبرق القصيم .. وهني المرقوق !!

[ابو اسامه 2]

وش رايك بالحرامي ( الفيش )





.

[ابو ماجد 2]

صح لسانك زعيمنا
عندي رميعتين عجلات ان صابت حداهن والا جينا عقب الغدا(مرقوق) ونتفاهم مع هاللغز
المؤشر حق الصخانه (او الامبير حق الحراره بالسياره) او اي جهاز للقياس . وسميه مؤشر الاسهم الله لايعيده
او البحر الميت والا بحر الشعر مع البحر الاحمر

هلا بك يالغلا
وصح بدنك
وتفكيرك حلو ولكن ماصدت المرماع
انتظر مرماعك القادم

[ابن الراوي]

حياك ربي يازعيم وش رايك بالزيبق مسجون في الترمومتر والثاني الزيبق الاحمر شفت لغز عنه هنا يقولون يستخدم مادري للسحراو لغيره

[برق القصيم]

الله العالم ان اخونا ابن الراوي قضى عليه

[ابو ماجد 2]

صح اللسانك يابوماجد

الاول عندي عليه رمعه يمكن يكون الصندوق الاسود
والثاني والله ياخوك اني بحلت به ولكن نقول القلب الاسود
وتقبل تحيات اخوك

صح بدنك
وتفكير طيب
ولكن انت عكست العمليه فالصندوق الاسود هو من ينسب للون وهو من يعطيك خبر ماتعرفه بلياه
انتظر مرماعك القادم
تحيتي لك

[ابو ماجد 2]

وانا مع اخوي

رمعتي الصندوق الاسود

مرحبا فيك يالغالي
ومالك ولاله لواء
تحيتي لك

[ابو ماجد 2]

السلام عليكم ورحمة الله وبركاته
أضم صوتي لبرق القصيم .. وهني المرقوق !!

وعليكم السلام ورحمة الله وبركاته
مالكم لواء
وان فرحان ان برق القصيم يبي يتغدى مرقوق من شان ينبهت ولا يفكر زين لعل لغزنا يسلم لو هاليوم هههههههههههههههه
تحيتي لك

[ابو ماجد 2]

حياك ربي يازعيم وش رايك بالزيبق مسجون في الترمومتر والثاني الزيبق الاحمر شفت لغز عنه هنا يقولون يستخدم مادري للسحراو لغيره


ما احلاك واحلى مراميعك
صح لسانك ملايين
وبيض الله وجهك
مافيكم حيله لو سلمنا من ذا طلع لنا هذا
بارك الله فيكم جميعاً

[ابو ماجد 2]

الله العالم ان اخونا ابن الراوي قضى عليه

صح لسانك على تأييد الرمعه
وانا واثق اني ابفتك من مراميعك اليوم مادامك متغدي مرقوق هههههههه
ولكن طلع لنا ماشاء الله عليه ابن الراوي وفضخ عينه
تحيتي لك

[برق القصيم]

صح لسانك يابوماجد عز الله لغز جزل ووافي وهذي عوايدك. وصح لسان ابن الراوي رمعة بواردي الله لايضره. والغازك ماينفع معه شين كود نجرب البايسن عساه يفيد

[ابو اسامه 2]

ابو ماجد انا رديت فوق ويظهر ما انتبهت لي وما جابوت عليّ

الواحد اذا صار كهل وعجوز يسوي كذا :D

اعطيني رايك اذا صح ولا ارمع بترميعاتي المترامعه

[ابوسعودد]

بارك الله فيك يابوماجد على هاللغز الطيب

[ابو ماجد 2]

ابو ماجد انا رديت فوق ويظهر ما انتبهت لي وما جابوت عليّ




الواحد اذا صار كهل وعجوز يسوي كذا :D



اعطيني رايك اذا صح ولا ارمع بترميعاتي المترامعه


والله يالغالي اني شايف مرماعك وكنت اظن نفسي رديت عليك . شايب واتته جملة مراميع لابط يلخبط
المعذره منك والسموحه
وبالمناسبه الكهل نستخدمها مرادفه للشايب ولكنها تطلق لمن كان عمره من 30 الى 45