الفزعة يالربع

[بن ضاري]

السلام عليكم ,,,,,

يا جماعة أنا البارح شريت شيهانة جبلية و أنا فصحتها و قال الدكتور إنها صاحية (مستشفى الدهماء)
بس اليوم دخلت عليها جان أشوف ريشة طايحه منها من الذيل (طايحه مو مكسوره)

و أتمنى إنكم تفيدوني أبي أعرف ليش طاحت , وهل يأثر عليها

و مشكورين ياجماعه...

[ابوميلاف]

الاخ/بن ضاري
طرح الريشه شي عادي ولا تخاف منه
يمكن تكون ريشه قديمه وماحذفتها الا الان
او ان الطير كان هزيل وما اصطنع الا قبل تشريه بايام
المهم لا تقلق هذا شي عادي جدآ

تقبل تحياتي

[بن ضاري]

مشكور يا أبو ميلاف
بس مو كنها تأخرت فيها المفروض تكون قاطتها من زمان
وهل راح تطول على ما تنبت الريشة خصوصا إني بديت أدربها وبقيلي شوي و أوص إلى مرحلة التلواح فهل يأثر فيها

[ابوميلاف]

هلا ابوضاري
صحيح الريشه متآخره بالحيل لكن يمكن الطير مر بظروف جوع او نقل وتدهيل او غيره
هي ماراح تطول اسبوع اواسبوعين وتبين اختها
وبعدين خذراحتك مع الطير ما عليك منها دهل وادع ولوح على كيفك فهي لا تؤثر في طيران الطير

تقبل تحياتي

[بن ضاري]

مشكور ولاهنت يا أخ بو ميلاف

و الله إني حبيتك من ردك

وأشكرك مرة ثانية

[الرجل الطموح]

لاتخاف هذا شي طبيعي

[ابرق آلريش]

فادوك الاخوان