المساعد الشخصي الرقمي

مشاهدة النسخة كاملة : اللي يخبر لي احوار الله لايهينه


راعي دسمه
28/12/2008, 11:18 AM
السلام عليكم ورحمة الله وبركاته
صبحكم الله بالخير اومساكم الله بالخير كلن حسب وقته
عندي ناقه ولدت ويخلف الله ماتت بكرتها
وجبتلها احوار وضيرتها عليه واركبته لاكن ما اخذ له اربع ايام الا ولحق اخته الله يعوضنا
بخير منهن جميع
الله لايهينكم ودي بحوار صاحي اللي يخبر لي واحد لايقصر
والحيران عقب البرد اللي جاء ماهي صاحيه
ودي اسأل اللي قد جرب الضيار اكثر من مره يضر الناقه سريع تركب او تعلك ماركبة
اذا حصل ودي بحوار املح
المهمري
28/12/2008, 11:30 AM
اكشف على الخلفة لاتصير مريضة
راعي دسمه
28/12/2008, 04:43 PM
اكشف على الخلفة لاتصير مريضة
هلابك اخوي وابشرك الخلفه طيبه مابها
من المرض لون
شاكر مرورك طال عمرك
البدائع000
28/12/2008, 06:30 PM
3قعدان للبيع وضح طيبات السوم 20000
رويلي وافتخر
28/12/2008, 06:36 PM
وين ديرتك ياللي تبي الحوار؟
راعي الغاليه
29/12/2008, 10:32 AM
ياراعي دسمه
نصيحتي انت تضرب الناقه ولاتتعبها بالظيار
والله يعوض عليك
مسيطر
29/12/2008, 10:39 AM
حسب معرفتي مأظن انها بتركب الحوار لأنها كارف
اضربها ياخوي والله يعوض عليك
راعي دسمه
30/12/2008, 09:36 AM
3قعدان للبيع وضح طيبات السوم 20000
الله يطرح لك فيهن البركه ويرزقك البيعه اللي تسمح خاطرك
وانا والله ودي بضيار علشان اتمنح وانا اخوك
الله يجزاك خير
راعي دسمه
30/12/2008, 09:38 AM
وين ديرتك ياللي تبي الحوار؟
انا في الرياض يالي تنشد عن المكان وترى ماهنا بعيد بعد توفيق الله سبحانه
جزاك الله خير
راعي دسمه
30/12/2008, 09:40 AM
ياراعي دسمه
نصيحتي انت تضرب الناقه ولاتتعبها بالظيار
والله يعوض عليك
نصيحة مشريه طال عمرك
والله يخليلك غاليك ويجزاك خير
راعي دسمه
30/12/2008, 09:45 AM
حسب معرفتي مأظن انها بتركب الحوار لأنها كارف
اضربها ياخوي والله يعوض عليك
مسيطر وقال رايه فالبل وهل يفتى ومالك في المدينه
نصيحة مشريه طال عمرك والله يجزاك خير
المبروكه الله يبارك فيها راعية حليب وهذا مطمعي
راعي دسمه
30/12/2008, 04:04 PM
الله لايهينكم جميعا لقيت مرادي بالحوار
لكن السؤال باقي
الضيار الثاني والثالث يضر الناقه
ودمتم بصحه وعافيه