نوفي 760 بـــ 255$ أرجوكم ثم أرجوكم انشروا وثقفوا الناس..

[مصوّب الدّخل]

.
.
.
.
السلام عليكم ورحمة الله وبركاته ..


ليلة البارحة وصل جهازي القارمن نوفي 760 من أمريكا بعد الشراء عن طريق موقع أمازون..


بـ 255 دولار فقط .. يعني ما تعدى 1000 ريال بكرتونه وقراطيسه..!!


ويدعم العربي ..!!


كان الطلب عن طريق أحد الزملاء المبتعثين في أمريكا..


أمانه ياجماعة وعوا الناس وثقفوهم ..


حطوا شوكة بحلق الوكلاء الجشعين..!!


نبي حملات خلوها تصدي
ونبي حملات خلوها تحثل
ونبي حملة خلوها تيبس
ونبي حملة خلوها تنهبل ..!!!!


صور للجهاز


ماشاااااااااء الله تبارك الله ..


http://i453.photobucket.com/albums/qq260/dafas422/NUVI/fefo0007.jpg
.
.
http://i453.photobucket.com/albums/qq260/dafas422/NUVI/fefo0011.jpg
.
.
http://i453.photobucket.com/albums/qq260/dafas422/NUVI/fefo0013.jpg
.
.
.

[هاي لكزز]

ما شاء الله تبارك الله الله يبارك لك في النووفي بس يا اخووك
255*3.75 = 956.25
اخوي فرق تحويال العمله عن السعر الي ذكرته => 156.25 ريال

[أبو فهد العيد]

الوكلاء طول الله عمرك ,,, لاقين شعب غبي,,,,,,,,,,,,,وتراي مااعم الشعب..لكن الاغلبيه,,

[Abdulmalik]

الله يباركلك فيه

سعرة بالموقع بـ 990
شحن مجاني داخل أمريكا غير شركة الشحن الي تتعامل معها يعني راح يطلع بـ 1150 تقريباً لو طلبته

[مصوّب الدّخل]

.
.
.
..طب وتخير.. (http://www.amazon.com/s/ref=nb_ss_gw?url=search-alias%3Daps&field-keywords=NUVI&x=0&y=0)

من هالرابط قارن بين أسعارهم وأسعار وكلائنا..!!

واشكرك هاوي لكزز على اللفتة .. ويعلم ربك إني دقيت على خويي وسألته كم التكلفة قال تنزل آخر الشهر بفيزا أمازون وأجيبها بالسنتات ..!!

أبو فهد يلزمنا الوعي ثم الوعي..!!

بارك الله فيك ياعبدالملك..

أبشرك ركبت فيه خريطة الخليج مدن وصحراء حجمها 30 ميقا وما يحتاج ..!!

[رآعيها]

اولا : بارك الله في امثالك ممن يوعون المستهلك

ثانيا : اخوك ماعنده فيزا وش رايك تشري له وتاخذ نسبة جهدك ؟

ثالثا : وش رايك لو تعتمد من الموقع وتشري الاجهزة انت للذين لايتقنونها او لايحملون الفيزا بشرط النسبة بمبلغ مقابل جهدك ؟

رابعا : كم المدة اللي خذت منك لوصول الجهاز وكم كلفك كامل مع الخرايط ؟

اخيرا


بارك الله في امثالك مرة اخرى

وجعلها شافعة لك يوم تسود وجوه وتبيض وجوه

بحفظ الله

[grdan]

بارك الله فيك وكثر الله من أمثالك

[ابو نجود]

راحت علينا والله يخلف..بس ان شاء الله الجايات اكثر..

[مصوّب الدّخل]

.
.
راعيها
أبشر بسعدك والله أنت وكل النشامى وبالنسبة لمشتراي صادف وقت رجوع الرجال من أمريكا لأني لو أبا اشحن من هناك بشركة شحن بيكلف واجد .. ولكن لك مني أشوف الموضوع وراح أرد عليك بالخاص بس عجل خل مشاركاتك تتعدى الخمسين ..

grdan
حياك الله اخوي وبارك فيك ..

ابو نجود
لاتحسف على شي مضى ..

الله الله اصحوا وصحوا اللي حواليكم ..
وعقبال السيارت نشوف بها يوم يفرّح الضعوف ..!

[جام1]

وعليكم السلام ورحمة الله وبركاته

اولا اخوي مبارك عليك الجهاز ويعطيك خيره ويكفيك شره

ثانيا اخوي انا انسان ما اعرف عن هذي الاجهزه الكثير لاكن عجبني جدا وودي اشتري واحد مثله بما ان سعره رخيص لهذي الدرجه
انا عندي زملاء في امريكا واقدر اطلبه عن طريق الموقع لاكن انا مااعرف اي جهاز يدعم اللغه العربيه وابغى اشتري نفس النوع اللي عندك
ياليت اخوي تدلني على الجهاز الصحيح عشان ما الخبط واشتري اي جهاز

ولك جزيل الشكر

[وادي غران]

بارك الله بك أخي مصوب الدخل على الموضوع والتنبيه المهم وعساك على القوة دوم.

[رآعيها]

بيض الله وجهك ياكحيلان

عزالله ان ردك يوسع الصدر ولو ماكتب الله في شريته

كفاني ردك لبا قلبك يالذيب ...

[RobinHood]

اهليييييييين اخوي ممكن اعرف من وين حملت الخريطة حقت الخليج العربي....عليه وكيف

[هاي لكزز]

اخوي انا ما عندي شك في أهدافك النبيله
بس كم سعره عندنا بسوق وكم كلفة عليك الخريطة

[أبوسليم]

مبروك عليك الجهاز
جعله عونا لك على الطاعة

[mbayat]

كلام صحيح ، وأنا شاري 760 من ebay بـ 246 دولار .

[مصوّب الدّخل]

.
.
جام ..

الله يبارك بعمرك وماعقبت قل آمين ..

بالنسبة لي اخترت هالموديل صراحة نوفي 760 لأنه يدعم البلوتوث بحيث انه يتعرف على الجوال ويصير سماعة بلوتوث .. ويشغل ملفات إم بي 3 تحمل فيه القرآن كامل والشيلات اللي تجوز لك واستمع واستمتع ..

علما بأنه يتعرف على موجات إف إم وتصير سماعة السيارة سماعته..

وكذلك فيه مستعرض صور تقدر تحمل فيه عن طريق اليو إس بي صور رحلاتك وتستعرضها لا مسكت لك خط وفيه أرخص منه ما يدعم البلوتوث..

وحياك الله ..

وادي غران ..
الله يحييك ويشكر سعيك ..

راعيها ..
حياك الله تامر على الجهاز وراعيه ياخلفهم ..

روبن هود
هلا بك ..
حملتها من هالمنتدى العامر بأهله وأغلب المدعوم فيها سدير ومجزل والصمان .. والمدن الحفر وتمير والرياض

هاوي لكزز
عندنا الجهاز بـ 2400 ريال طال عمرك ..!!!
والخريطة حجمها 30.9 ميقا من النت مجانا ..

أبوسليم
بارك الله بعمرك وأحبابك وما خلفت ..

[almkfee]

طيب ياخوي انا ابي واحد وشلون طيب تعطيني الرابط ؟؟

[محمد الجويسر]

اخوي لغالي
اشكرك على هذا الموضوع

لكن ممكن ترسل لي الطريقة على الخاص
حاب اشتري مثل هالجهاز الزين ماشاء الله
وابي اشتري كاميرة لله لايهنيك

نتضرك على الخاص جزيت خيرا

[rahhhal]

مبروك عليك والله اني فرحت لك ،وهكذا سجلنا انتصارات ضد الجشع الجشع والاستغفال

[باب هداج]

لا اله الا الله
وش ذا النصب والأحتيال من وكلاتنا

بيض الله وجهك اخوي على حرصك وتوعيه اخوانك بالمنتدى

[ابوناصرالبدراني]

الوكلاء طول الله عمرك ,,, لاقين شعب غبي,,,,,,,,,,,,,وتراي مااعم الشعب..لكن الاغلبيه,,
:good: كلامك صحيح

[مصوّب الدّخل]

.
.
mbayat
حياك الله وانا اخوك والمعذرة على تأخر ردي ..

almkfee
حياك الله وانا اخوك شف الرد الأول على المشاركة منزل فيه الرابط لا عدمتك ..

صاحب الهدد..
خلها على العام وانا اخوك .. شف أي مبتعث هناك وهو يزبطها لك .. تبي لغة إنجليزي وحساب في أمازون وطقها والحقها ..

rahhhal
والله ان فرحي بالرخص أكثر من فرحتي بالجهاز ..

باب هداج
حياك الله وبياك ..

ابوناصر..
ودي نفرق بين عدم العلم والغباء .. ترى ما بنا غباء ولكن ينقصنا البحث والتعلم .. عندنا إنا أحسن ناس وما فوقنا الا الله ..ولكن يتبين مع الايام أشيااااااء وااااجد .. وترى توفيق الله فوق كل شي .. مانفع قارون كثرة ماله ولا ضر أبو ذر إنه مات وحيد..!!!

[sari sami]

ياسلام عليك ياسلام عليك . انا شهد انك ماقلت الا الصحيح
ما ذا دها الناس تصدق الوكلاء الجشعين الطماعين ، صحصحو ياناس . انا لقيته في ماليزيا ب 950 رنقت يعنى تقريبا 950 ريال .

بس اهم شيى السيارات خلوها تصدي تصدي تصدي

[ابوحماد]

سعره عند الوكيل 2150 ريال

ومن أمريكا بـ 990 ريال تكلفة

والفرق حول 1200 ريال

يعني مكسبهم في الجهاز حول 120 %

[مصوّب الدّخل]

sari sami
حياك الله اخوي .. إضافة قيمة جدا .. وأتوقع الرخص كذا لأنه قريب من بلد المنشأ اللي هي تايوان ..!

ابوحماد
كفاهم جشع صراحة يجب أن يقف كل جشع عند حده..!!

[وادي السباع]

بارك الله فيك

سجل عندك واحد يحتاج الى 4 اجهزه 770 او 760

وخلنا نربحك انت بدل هذولا الجشعين تستاهل..... انت اولا منهم

يعني يكون بيننا بزنس......انا في الرياض وممكن اضع لك الايميل والجوال حتى نتفاهم على كل شئ.انتظر ردك..

تحياتي

[مصوّب الدّخل]

.
.
.
هذا إيميلي:

rasmi4me@hotmail.com

[اخوخالد]

سجل عندك 2جهاز وتراي ماامزح جااااااااااااااااااااااااااااااد

[وادي السباع]

.
.
.
هذا إيميلي:

rasmi4me@hotmail.com
تم ارسال رسالة لك على الايميل

wwsa55@hotmail.com
ابو احمد

[al360f]

يعطيك العافيه

[ابوحماد]

سجل عندك واحد جهاز 715عربي كامل مع الملحقات

ولك نسبه حلوه من قيمة الجهاز

[altheeeb79]

اخوي مصوب الدخل 000كم نوع جهاز النوفي اللي بالعربي0

[ابو محمد الزهراني]

يعطيك الف عافية

اذا كان ممكن تطلب للشباب ممكن احجز واحد

دخلت الموقع ووجدت انواعه كثيره
وش الفرق بينها

مع ان في فرق كبير في الاسعار بين الموديلات المختلفة

وكيف نزلت التعريب و هو يجي معرب جاهز

شاكر لك مجهودك ونصايحك

[سلطان959]

الله يعطيك العافيه على الموضوع اولا وحبك لاخيك المسلم ثانيا
ومشكور والله يجعلها في ميزان حسناتك

[KhALeD A]

يعطيك العافيه اخوي

توني حاط موضوع اسأل عنه

ودي اشتري 276سي
سؤالي هل يجي التعريب منه فيه ولا اركب له سوفت وير جديد

انتظر ردك وابتوكل على الله ان شاء الله
واذا انك تشوف انه مافيه فرق بينه وبين جهازك عطني نصيحتك وش اخذ ووش الفرق بينهن

وجزاك الله خير

[AL-Hadbani]

شباب س/ سؤال وش أزين القارمن ولا الماجلان ؟؟؟ ناوي أشتري واحد مستخدم أو جديد بس إستخدام حشمة ؟؟؟؟


أرجوا الرد ياجماعة على الموقع أو على الإيميل
this.is.ana@gmail.com

[rfhhmad0029]

اخوي مصوب الدخل انا اضم صوتي مع ( راعيها) واريد واحد بشرط ان تأخذ نسبة مقابل تعبك اذا بالامكان وجزاك الله خير علي كل حال

[الصمصامه]

اذا بغيت تطلب من امزوون Amazon انتبه للخيارات: 1-used(مستعمل) 2-Refurbished(مجدد) 3-جدييييد(New). تقييمي لتكلفت الجهد والوقت خصوصا اذا تبحث عن الخرائط وتركبها حدود 1500 ريال طبعا اذا ما حصل مشاكل غير متوقع،علما ان امزوون شركة يعتمد عليها لكني واجهت مشكله بسبب شروط ارسال الجهاز لمنطقتنا. المهم تحتاج تدخل معلومات بطاقتك الأئتمايه مرة واحده لتتعامل مع امزوون لشراء الجهاز او اي شيء اخر بعد ذلك. على فكره عند المقارنه مع دارموجه يجب اخذ تكاليف دارموجه الاضافيه في الحسبان مثل اجار محلات وموظفين وكل الامور المعروفه، وطبعا سعرهم كغيرهم من التجار مبالغ فيه

[مصوّب الدّخل]

.
.
اخو خالد
حياك الله أضف إيميلي عندك ..

وادي السباع
تمت إضافتك عندي على المسينجر ..

al360f
ويعافيك يالغالي ..

ابوحماد
أضف إيميلي عندك على المسينجر ..

مامادو444
أضف إيميلي على المسينجر وهذا رابط لموضوع الفرق بين الأجهزة:

..:: هناااااااااااا الرابط ::.. (http://www.mekshat.com/vb/showthread.php?p=2286910#post2286910)


سلطان959
حياك الله ياسلطان وألف مرحب بك..

KhALeD A
حياك الله يا خالد وبإمكانك تطلع على هالرابط : هناااااااااا (http://www.mekshat.com/vb/showthread.php?p=2286910#post2286910)

هواوي F150
حياك الله أنا ماسبق واشتغلت على ماجلان ولكن أحس ان شعبية القارمن أكثر..!

rfhhmad0029
حياك اخوي .. اضف إيميلي عندك وابشر ..

الصمصامه
أشكر لك تعقيبك اخوي وبعين الاعتبار ماذكرت ..
.
.
.
.
لي عودة بمشيئة الله ..

[ابو محمد الزهراني]

اخوي مصوب الدخل ايميلك موموجود

عالعموم هذا ايميلي
majed60@hotmail.com

ارجو الاضافة

[KhALeD A]

عطيك العافيه اخوي

لكن ماجاوبتني بخصوص اللغه

هل حصلته من ضمن الخيارات الاصليه بالجهاز ولا ركبتها انت
وسؤالي بعد الاجهزه الثانيه ان كانك حصلتها تجي فيه اللغه العربيه

[الصمصامه]

الاخ هواوي F150 خلك مع جارمن نصيحه مخلص

[مصوّب الدّخل]

.
.
.
عزيزي مامادو
تمت الإضافة ..

خالد
حياك اخوي .. المعذرة
لقيت اللغة مثبتة بأصل الجهاز .. وماعندي فكرة عن الأجهزة الأخرى لكن يظهر لي إن التعريب متوفر بموقع قارمن كتبة ونطقا للأجهزة الباقية..

الصمصامه
بارك الله فيك على نصيحة اخوك..
.
.
.
لي عودة بمشيئة الرحمن..

[ابوحماد]

.

.
ابوحماد
أضف إيميلي عندك على المسينجر ..




أوكي

تم طلب أضافتك على الايميل

BEETY_55@HOTMAIL.COM

[ابو يس]

بارك الله فيك اخوي

[العـربي]

الله يباركلك فيه

[ضحوي]

جزاك الله خير أخي أبو سعود على تنوير أخوانك عن طريقة وسهولة الاستيراد
وكسر شوكة الجشعين ومبروك عليك الجهاز

[KhALeD A]

جزاك الله خير اخوي

وعز الله انك كفيت ووفيت تحياتي لك

[ابو مساعد 511]

بيض الله وماقصرت عاد نبي رايك في الجهاز بعد التجربه
وجعلك تقطعه بالعافيه

[هاي لكزز]

هاوي لكزز
عندنا الجهاز بـ 2400 ريال طال عمرك ..!!!
والخريطة حجمها 30.9 ميقا من النت مجانا ..




بصــراحة فرق السعر جامد حدود 1400 ريال والله كثيره

اخوك هاي لكزز

[مصوّب الدّخل]

.
.
.
حياكم الله .. حياكم الله جميعا

وبارك لكم كتابتكم واستجاب دعواتكم ورزقكم أضعاف ما دعيتم..

وادعوكم لزيارة موضوعي في المقارنة بين أجهزة النوفي:

هناااااااااااااااا (http://www.mekshat.com/vb/showthread.php?t=179784)

[اخوخالد]

مرحبآ اخي مصوب الدخل وإلى الأمام ,,,,,,,

[مصوّب الدّخل]

.
.
.
اخو خالد..

حياك الله والخوالد كلهم ..

[omiran]

ماشاء الله بالتوفيق
سؤال : هل الصوره للجهاز ولم تحمل انت عليه خرائط ؟ يعني الصوره والخرائط اللي ظاهره جايه معه من امريكا بدون ما تسويها ؟؟
شاكرا لك

[جداوي 2009]

اخي الفاضل ياليت تسجلني
ضمن الراغبين لأقتناء القارمن 760
وايميلي ghamma2f2@hotmail.com (ghamma2f2@hotmail.com)

تكفى رحلتي الى المانيا في ابريل
واحتاجه ضروري جدا
/
\


للتوضيح
ماعندي ماسنجر
فياليت يكون التنسيق
عن طريق الرسائل او الجوال 00

/
\


اخوك
ابو خالد

/
\


من مدينة جده

[SanDisk]

شكرا لك اخي وبادره طيبه منك

ولي سؤال
الحين يوم تطلب الجهاز هل الجهاز يجي من عندهم معرب ومنزل عليه الخرائط حق المملكه
والا انت تقوم بتعريبه ومن ثم انزال الخرائط ؟؟

وشكرا لك

وخلوها تصدي... وصح تم اضافتك للماسنجر :D
ولااااااا لجشع التجار :no2:

[مصوّب الدّخل]

.
.
omiran

حياك الله اخوي..
الجهاز نزلت عليه الخرايط ..!

جداوي..
حياك الله وتم الرد والتفاهم..

سانديسك..
مرحبا بم ..:D
التعريب خلقة والخرايط نزلتها عليه ..!

.
.
.
لي عودة بمشيئة الله ..

[المهاجرxp]

مرحبا
بيض الله وجهك
ما قصرت يالغالي
وأبي لي واحد معرب مثل اللي معك
بشرط تاخذ نسبتك يالغالي
وهذا بريدي wa123_54@hotmail.com

[مصوّب الدّخل]

.
.
.
المهاجر ..

حياك الله وتمت إضافتك على المسينجر..

[ibnassaf]

السلام عليكم

توني مستلم موديل 770

تكلفة الجهاز 289 دولار

و تكلفة الشحن 75 دولار

وصلني في اقل من اسبوع

لكن للأمانه هذا سعره مخفض بمناسبة نهاية العام المنصرم

و الا فسعره الاصلي حوالي 750 دولار

عموما اخوكم يبي مساعده في كيفية تحميل الخرائط للملكه و ما جاورها

و شكرا

[وادي السباع]

طيب خي مصوب الدخل لقد تم الاتصال عليك والمفاهمة

متى ترد علينا .....وكم السعر؟؟؟ مع فائدتك

لاني مستعجل حبتين........ودنا نستفيد منه في هذه المربعانية :d

ما اخفيك احد الاعضاء وضع رابط لشركة 90 درجة وتم الاتصال عليهم مقرها بريده ولا اعرف مدى مصداقيتهم وبسؤالي هل جبتم من قبل قارمن افادوا بالنفي وهم واضعين شرط في الاتفاقية ان الجمارك اذا صادرة الجهاز فليس لك حق بالمطالبه بالمبلغ يعني بح ح ح

وللعلم اتوقع لاتصادره الجمارك بما ان الكثير جابوه عن طريق ارامكس ولم يمنع ....

تكلفة الجهاز لدى 90 درجة 1349 ريال تقريبا يبغونها ان نحولها لهم حتى يجيبونه.......

الجهاز قيمتة بالريال 940 ريال تقريبا وهم فائدتهم كبيره حبتين...

اذا انت بتجيب ارخص منهم نتعامل معك

بس ياليت ترد علينا بسرعة

تحياتي يا الحبيب

[فيكس]

مصوب الدخل ممكن ترسل لى رساله على جوالي
عندي استفسار 0505192337

[سيّار]

يا اخوان ..

انا ما افهم كثير بالشراء عن طريق الانترنت

لكن سعر النوفي في الأمازون كان قبل التخفيض 600 دولار يعني حدود 2250ريال ..


الآن مسوين تخفيض أكثر من 50 % عليه .. علشان كذا طلع سعره منخفض .. وأتوقع التخيض علشان الكرسمس !!


فلا تطيرون بالعجة .. وتتهمون الوكالة !! رغم اني ما ابرئ الوكالات عن بعض الجشع اللي يصيبهم !!


ومشكورللأخ اللي طرح الموضوع .. علمنا عن التخفيض : *)

[مصوّب الدّخل]

ابن عساف..

على البركة ماشاء الله ..

وادي السباع حياك الله وبياك ..

وأبشر باللي يسرك ..

فيكس

تم اتخاذ اللازم والله يحفظكم..

سيار ..

شكرا على مرورك العطر..

[جعباص]

مصوب الدخل اضف لي واحد لا عدمناك .
الأميل albwered@hotmail.com

[تابير]

مالفرق أخوي بين 770 و760 وأيهما أفضل ؟؟؟
تقبل مروري

[(مواصل)]

اخوي مصوب الدخل
اول مااقوله هو مبروك عليك الجهاز والله يعطيك من خيره ويكفيك شره
اللهم اجعله مباركا لصاحبه واسال الله ان يهنئك فيه
الشي الثاني
ياليت اذا بيطلع علي بنفس السعر الي طلع عليك تطلب لي واحد 760 وواحد 710 وتاخذ عمولتك واكون لك من الشاكرين
هذا جوالي ياليت ترسل لي رساله 0555172483
والايميل zeid525@hotmail.com اخوك ابو محمد

[مصوّب الدّخل]

.
.
.
جعباص ..
حياك الله اخوي وتمت إضافة إيميلك ..

تابير ..
الفرق بين الاثنين إن 770 مدمج فيه خريطة أوروبا .. فإذا كنت راعي سفر هناك أنصحك تاخذه .. أما إذا أنت في السعودية والخليج فـ 760 يفي بالغرض .. ومابينهن بالهارد وير فرق نفس المواصفاااااات..

الإيدعشري..
الله يبارك لك بعمرك وأحبابك ..بعدين خيو لازم إنك تعطينا من الدهبات من شان نرسل لك الشهاز موهيك يا ابضاي..!!:d
أبشر تمت الإضافة .. وسيتم الإرسال ..

.
.
.
لي عودة بمشيئة الرحمن ..

[tareq_fat]

ياليت من صاحب المنتدى تثبيت الموضوع على طول
والاستفادة من ذا الشي

[المنعفط]

يا اخوان ..

انا ما افهم كثير بالشراء عن طريق الانترنت

لكن سعر النوفي في الأمازون كان قبل التخفيض 600 دولار يعني حدود 2250ريال ..


الآن مسوين تخفيض أكثر من 50 % عليه .. علشان كذا طلع سعره منخفض .. وأتوقع التخيض علشان الكرسمس !!


فلا تطيرون بالعجة .. وتتهمون الوكالة !! رغم اني ما ابرئ الوكالات عن بعض الجشع اللي يصيبهم !!


ومشكورللأخ اللي طرح الموضوع .. علمنا عن التخفيض : *)

وليه ربعنا ماعمرهم سووا تخفيضات ؟؟؟
اذا خربوها خربوها 000 هاه 0000 خصم 50 ريال وكنه قاطع لك قلبه !

[الرهدن]

وعليكم السلام ورحمة الله وبركاته :



الله يعطيك العافية ويجزاك خير يامصوب الدخل0


**


مشكلتنا عدم معرفة التسوق عن طريق النت , ولانريد أن نعرف
وهي والله أسهل مما نتصور 0


ولو فعلنا الشراء من النت أو تكفل أحد الشباب بهذا الخيار مع هامش ربح معقول
لنزلت الأسعار وتأدبوا00
المهم :
والله ماندري نجيبها من وين وإلا وين
من السيارات وإلا الكفرات وإلا الأجهزة وإلا 0000
أجل يامل المشعاب سعر الكفر بأندونوسيا ب 45 ريال سعودي وهنا باقادر يبيعه ب 400 ريال0


شوف الرابط0

اطارات السيارات تستورد بارخص الاسعار وتباع لنا باعلى الاسعار (http://www.mekshat.com/vb/showthread.php?t=180981)


0

[فقشات]

مرحبا
بيض الله وجهك
ما قصرت يالغالي
وأبي لي واحد معرب مثل اللي معك
بشرط تاخذ نسبتك يالغالي
وهذا بريدي kma25_2005@hotmail.com (wa123_54@hotmail.com)

[adel96]

ما شاء الله ... الله يجزاك خير

[qrain11]

.........خير الناس أنفعهم للناس ....

[عمر البدوي]

مرحبا
بيض الله وجهك
ما قصرت يالغالي
وأبي لي واحد معرب مثل اللي معك
بشرط تاخذ نسبتك يالغالي
وهذا بريديomarx2008@hotmail.com

[adel337]

أخي الكريم
فعلا سعر الأجهزة أرخص من عندنا بكثير والوكلاء مايرضوا بالقليل لاحول ولاقوة إلابالله العظيم
بس ترا هذا ماهو سعر الجهاز الحقيقي لانة رخص الأن بسبب صدور موديلات بمواصفات أفضل وكان سعره أغلاء من كدة أنا شريته من وأشنطن شخصيا من محل يبيع بأسعار أقل من السوق وهو خاص بدوي الدخل المحدود والأعضاء فقط بسعر290$ ومع الضريبة وصل320$ بتاريخ11/11/2008م ومعنى كلامي ليس دفاع عن الوكلاء بل كي تعطى المعلومة صحيحة للمتصفح يعني كان أغلى من السعر اللي أشتريتة ومع الوقت وقدم الموديل يقل السعر الله يبارك لك ..

[هيف راعي كيف]

للحين البيع او توقف صاحب الموضوع؟؟

[عبدالله الدوسري]

للحين البيع او توقف صاحب الموضوع؟؟
اللي أعرفه أن صاحب الموضوع أنشأ موضوعه من أجل أن يلفت انتباه الناس إلى سعر الجهاز الحقيقي
ولم يكن هدفه أن يعرض الأجهزة لبيعها

[Qatarawi]

يعطيك العافيه عالمعلومه