كلن يصيد اللي بطيره تمنى *** وانا بطيري صابني غم وافلاس(( مساجله))

[أبو فهد العيد]

الابيات تتحدث عن نفسها ,,وابي استشيركم وابي رايكم يكون بابيات شعريه .
بارك الله فيكم,,

أقول:
عوماس راسي زايدٍ يالمعنّـى *** من قل صيدي صابني هم واعمــــــاس
كلن يصيد اللي بطيره تمنــّى *** وانا بطيري صابني غـــــم وافــــــلاس
ادوّر الصيــدات منـــّا ومنّــا *** والوجد في قلبي كما وجد ابـــــودبــاس
ان شفت جرتها غديت المجنّا *** واقصها لو دونــها عــقــم واحــبــــاس
اركض وادوّرها وعيني تحنّا *** وارجع وخرجي فاظي مــابــه اكيــاس
حالي وحال اللي قنص ماتهنّا *** مثل اللذي صابر على وجع الاضراس
ان ماقلع ضرسه فحاله تدنّــا *** وان شال ضرسه ماقوى عرش وافراس
,,,,,,,,,,
هاه وش الراي ياجماعه؟؟

[يوسف الخليفة1]

حي الجواب اللي به الطيب غنا=من واحدن له بالمغاليق مجلاس
من واحدن في كف قلبي تحنا=يدق بالذكرى نواقيس واجراس
يابو فهد بعض الفعايل تظنا=هذا قدر ربي على العين والراس
كم واحدن شاقي به المستكنا=ولا يبيحه يا فتى الجود للناس
يابو فهد حنا البشر وين كنا=من طين لازب وامسى الانسان له ساس
ومن لاهب النيران مخلوق جنا=سبحانه اللي موجد اقوام واجناس
يابو فهد بعض الليالي تدنا=هذي هي الدنيا توافيق وانحاس
ما لك سوا المقسوم وانتم وحنا=في دبرة الخلاق تنظيم واقياس
والله في سير الحياة امتحنا=من شان يفرق بين لاهي ونوماس
حتى لو المومن بحاله تعنا=الطيب الخير على العز نبراس




( أبو عبد الله )

[عبدالرحمن الخالدي]

يامرحبا ياللي بيوته نصنا = اعداد ماذعذع من الغرب نسناس
الوايلي اللي بطيبه ملكنا=ارسل لنا ابيات لولو مع الماس
ياأبوفهد الطير سبة ولعنا = قدره كبير وشايلنه على الراس
ياما علي درب المحاري جمنا=في ديرة ن ماطبها كل عساس
أما على الصمان يصبح وعدنا = وإلا على أطراف الدكاكه والأطعاس
ناخذ لنا أيام(ن) نباري بعضنا = كلن يبي من دبرة الطير نوماس
فإن كان ربي يارفيقي رزقنا = فالحمد للي مدته ماله قياس
وإن كان عودنا وما الله طعمنا = فحصيلتك يا راعي الطير عوماس

[grdan]

الله يكون بعونكم ويوفقكم بالاجوال ولا تدرون وش تبدون :)

[نجم حفرالباطن]

صح لسانك ماقصرت

[جرير]

ان ماقلع ضرسه فحاله تدنّــا
وان شال ضرسه ماقوى عرش وافراس

صح لسانك يابن العم
ولعل المقابيل خير من المدابير

[جبل راف]

صح السنتكم جميعا
استمتعنا بهذه المراسلات الجزلة

[أبو شعلان]

ياذا المعاني بالقصيد أسِعفنّا=حتى ولو راسي بالأشغال منحاس

بجيبها لعيون شخص(ن) إمعنّا=يشكي هوم الصيد وآقول لاباس

يابو فهد ترى بيوتك بلنّا=كنك تفسّر حالت اخوك بإحساس
الحظ عاكس منْية اللي تمنّا=وحظي مثل حظك يصيبه تعكّاس
أذكر زمانــ(ن) فات ياما أتعبنّا=برق الجناح اللي كما لون قرطاس
ياكم نهار(ن) بالهداد أطربنّا=أما بفرخ الشام وإلا بقرناس
واطيري اللي ضربته ماتثنّا=في صيدته همّه ترى قطع الأنفاس
وياكم كفوفه من دماهن تحنّا=وياكم حزتها نعمنا بالاوناس
الطيرعز(ن) للرجال المطنّا=ماينقله منهو غشيمٍ وبلاس
يابو فهد شيٍ بقلبي يكنّا=وحركت مابالجاش ياطيب الساس
وإليا بغيت الرزق من دون منّا=عليك باللي خالق الناس بأجناس
وإدع الإله اللي عليه إستعنّا=ولاتشتكي همّك وبلواك للناس
ودام المعاني حضّرت ما عصنّا=إقبل سلامي عدّ ماهب نسناس
قفلتها بالشطر الأول على إنّا=وفي شطرها الثاني قفلته على آس

[صافى السريره]

الابيات تتحدث عن نفسها ,,وابي استشيركم وابي رايكم يكون بابيات شعريه .
بارك الله فيكم,,


أقول:
عوماس راسي زايدٍ يالمعنّـى *** من قل صيدي صابني هم واعمــــــاس
كلن يصيد اللي بطيره تمنــّى *** وانا بطيري صابني غـــــم وافــــــلاس
ادوّر الصيــدات منـــّا ومنّــا *** والوجد في قلبي كما وجد ابـــــودبــاس
ان شفت جرتها غديت المجنّا *** واقصها لو دونــها عــقــم واحــبــــاس
اركض وادوّرها وعيني تحنّا *** وارجع وخرجي فاظي مــابــه اكيــاس
حالي وحال اللي قنص ماتهنّا *** مثل اللذي صابر على وجع الاضراس
ان ماقلع ضرسه فحاله تدنّــا *** وان شال ضرسه ماقوى عرش وافراس
,,,,,,,,,,


هاه وش الراي ياجماعه؟؟

مع التحيه للاخ العزيز ابوفهد " الراي :




طلال في قولك كثير المظنا = واللي يظن بخا لقه شاف الافلا س
ربك لطيفٍ وان عطا ما يمنا = واللي قنط غاشيه با لقلب وسوا س


والصيد يبغى له كثير التعنا = أردى المعايش عيشته لو با لقيا س


يا ما على طاريه رجل تعنا = يرجيه والمطلوب بشر با لإ عما س




وإلا تردى الحظ ما جاك منا = منا ك منهاج يعدي بك الباس


يا لايمي في القـنص لا تمتحنا = نبغيه لو دونه مراميس واطعا س


يا من تقاعد من زمانه ومنا = أشوف في قولك ملامح وهوجا س
ماخاب رجو اللي رجا الله منا = بالصيد لو طعمه على حد مفقا س

[أبو فهد العيد]

أبو عبدالله
ابو سعد
ابو شعلان
ابو راكان
صحة السنتكم وبيض الله وجيهكم وماقصرتو,,عز الله عطيتوني تحفيز و تشجيع بهالجزلات,,بارك الله فيكم ولاعدمناكم..
واشكر البقيه على مرورهم الكريم,,

[صافى السريره]

مع التحيه للاخ العزيز ابوفهد " الراي :




طلال في قولك كثير المظنا = واللي يظن بخا لقه شاف الافلا س
ربك لطيفٍ وان عطا ما يمنا = واللي قنط غاشيه با لقلب وسوا س


والصيد يبغى له كثير التعنا = أردى المعايش عيشته لو با لقيا س


يا ما على طاريه رجل تعنا = يرجيه والمطلوب بشر با لإ عما س




وإلا تردى الحظ ما جاك منا = منا ك منهاج يعدي بك الباس


يا لايمي في القـنص لا تمتحنا = نبغيه لو دونه متاريس واطعا س


يا من تقاعد من زمانه ومنا = أشوف في قولك ملامح وهوجا س
ماخاب رجو اللي رجا الله منا = بالصيد لو طعمه على حد مفقا س
تصحيح مطبعي للبيت السادس :