ابي رايك كل صقار في سؤالي هذا .................؟؟؟؟؟

[الوهـ قحطان ـاج]

السلام عليكم ورحمة الله وبركاته

مارئيكم في عملية الشناذرلطير من اجل طش الشبيكه

وهل مالها عواقب في المستقبل على صحة الطير

ابي الجواب من كل صقار ....

وهناك دائماً الاكثريه والاغلبيه في الصقارين ........

بعد جواب الشباب راح اعطيكم رئيي في الشبيكه

تحياتي لكم يالغالين

[وَسَام!]

مالها اي عواقب اذا كان المشنذر فاهم وعارف الطريقه !

[راعي فراج]

بنسبة للشبيكة لا حذفها الطير يستهد ويكون حار على العلف
أذا الشناذر ذابت في قنيصا الطير تسبب ألتهاب في الرئة
الدعجاني

[الصقارالصغير]

اخوي مالها اي اضرار الا تخلي الطير يصير حار على العلف ويستهد ولازم يكون المشنذر فاهم في الشناذر

[رويلي وافتخر]

انا اقول قول الاخوان مالها اضرار بس بمعرفه تامه مو من الباب لطاقه يقوم الواحد يشنذر الشناذر له وقت ولازم معرفه

[@قرناص@]

والله الي اعرفه ان ماله اي اضرار..

ولاكن لآزم يكون الوقت منآسب والمشنذر فآهم في الموضوع ..

وننتظر رآئي الاخوان..

[صقار البحرين]

حياك الله ياخوي
ومشكور على طرح السؤال
بالنسبه لي انا والله اشف انها لها ضرر بسيط على الطير
1- تضغف المناعه عنده
2- تقلل من نشاط وقوة الطير
وهو يفضل الطير انه مايشنذر
ولكن في بعض الطيور لابد انك تشنذرها
وانا عن نفسي ماكل طير اشنذره وفي بعض الطيور اشنذره

اخوك بوعلي

[عجمي]

اتوقع انها مالها ذاك الضرر اذا كان المشنذر صاحب خبرة
لكن السؤال هل هي ضرورية لهذا الحد وان كان كذلك الوحش بالبر لماذا لا يتأثر !!

[صاحب نوماس]

مالها ضرر اخووووووووي بس لازم اللي يشنذر يكون فاهم والطير يكون سليم ومايكون ضعيف لاني شنذرت طير اول الوقت بشناذر طبيعي ومات افضل استخدم الكبسووووولة وعش الطير عشاء طيب قبل تشنذرة واذا روبج شنذر

[الوهـ قحطان ـاج]

اخواني الاعزاء


بارك الله فيكم على ردودكم كل باسمه

والله لو تعلم ماهو ضرر الشناذر لن ولن تشنذر طيرك ابد

لانه يسبب التهابا ت في الرئة ولو تلاحظ اكثر الطيور تموت بعد المقيض لانها تشنذرة

وترى تلقى فيه الفحطه الي هي تشوف صدره يبي ينفقع لانه يلقط نفسه

ولو تلاحظ حط وصله صغيره في قلب الذبيحه وشوف وش يسوي فيها

فأنا انصح كل صقار بعدم الشنذره لطير

واذا انت غير متأكد فسأل الطبيب عن الشناذر وماهي اضراراها

تحياتي لكم يالغالين

[وَسَام!]

انا عندي طير هذي السنه قرناس 12 والشنذره دائما من الضروريات له واحيانا مرتين في
الموسم وهو في احسن حال ! ولا اتفق معك فيما يقول الدكتور!
اما اذا قلت ان الشنذره لاتعطى الا للطير الذي تكون نفسيته للهدد فيها لفه اما الطيراللي
تكون نفسيته للهدد ممتازه ولايتردد عن الهدد فلا يحتاج لها فاانا اتفق معك!
ولا هنت على كل حال!

[طراح القصيم]

والله يا اخوي انا من نا حيتي لا زم يكون المشنذر فاهم للشنذره ,,, (( ولا كان اعلوم ))
واحد من الربع راح عليه طيره بسبه شنذار بالغلط (( طيره ما ت ))

يعني لا زم يكون المشنذر فاهم و الله يستر

وهذا راي

[..@القناص@..]

رايي من راي الاخ طراح القصيم

[الصقارالصغير]

رايي من راي الاخ وسام وانا عندي شهانه الها 8 سنوات وبعض الاحيان انشنذرها مرتين في السنه وانا مايد رايك يا الوهـ قحطان ـاج

[طارق الحربي]

اخوي ابو هادي

ماني متكلم عن اخطاء الشنذره اذا كان الصقار مايفهم فيها مثل موت الطير

عني انا ما احب اشنذر الطير

وكلن بصقارته راضي

[راكان 11]

السلام عليكم ورحمة الله وبركاته

( ما يشنذر طيره الا اللي مستعجل على الطير يبي يهد بدري )

يالربع أنتم فكروا فيها بعقل

ما الهدف من الشنذره ؟؟؟؟

الهدف هو رمي الشبيكه كامله وبسرعه من جسم الطير عشان الطير يجوع بأسرع وقت ممكن ويسمع أوامر راعيه بكل أدب وأحترام

يعني أبسط لكم الصوره : أقرب مثال لها هو عملية شفط الدهون من جسم الأنسان

( الشنذره تقطع شوط ومسافه كبيره للصقار اثناء التدريب )

ولآكن هل هناك من يبرأها من الأمراض والأضرار في جسم الطير ( غير الممارسه ) نريد شيئ علمي مدروس

وشكرآ

[دلوع الهوى]

مالهاعواقب وتوكل على اللة

[صقار قديم]

اخوي ابو هادي

ماني متكلم عن اخطاء الشنذره اذا كان الصقار مايفهم فيها مثل موت الطير

عني انا ما احب اشنذر الطير

وكلن بصقارته راضي

السلام عليكم ،
أوافقك الرأي تماما

[راعي مسكت]

انا كنت اشنذر بالشناذره العاديه ومن 3 سنوات بدات في الكبسولات الاماراتيه ومن العام طلعت كبسولات دكتور فارس بعد جيده .
اما عن الشناذره العاديه فهي مضره على حسب حجمها وقابليت الطير (يحذفها قبل لا تتحلل )تسبب التهاب وقد تسبب موت الطير .ويفضل تريحه يوم او يوميين بعدها .
اما الكبسولات فهي تقوم بالواجب واكثر ونادر مايلتهب الطير منها (مرات يلتهب من كثر التهواع )
ممكن تشنذر الظهر وتهد العصر لان الكبسوله بارده .ولو ماحذف كرر بعد ساعتين وبيحذف لان فيه طيور تصر على الشحمه ولا تحذفها واذا كررتها يجب تريحه ذاك اليوم وبكره بصرك .
وافضل اشنذر الطير لان بعض الناس يشنذر الطير اذا ترك الحبارى او اذا شط من الدعو
وانا اقول ليش اعطيه فرصه للغناه ويترك صيدته (من كثر الحباري ولا من كثر الصيد ) من طبعي اخليه جاهز
وعندنا قرنايس تشنذر لها سنين وهذي هي مافيها الا العافيه .(انا سمعت ان الطيور في الخلا تشنذر ارواحها بحصي البحر (وخاصه الشواهين البحريه )هذا والله اعلم
وعلى قولتكم كلن بصقارته راضي .