ايكم يدوي

[ابو مشعل]

السلام عليكم ورحمة الله وبركاته
إخواني الأعزاء أعضاء منتديات مكشات
اريد النصيحه منكم عن جهاز ايكوم اليدوي هل تنصحوني فية.
وشكرا لكم

[مشعل العيسى]

والله ودي اني اعرف شي بس للاسف مالي بالاجهزة ...

[ابوبحه القصيم]

اخوي والله عن سابق تجربه اذا تبيه استخدام تراسل خمسه كيلو وبيطفشك واذا تبيه لمكان فيه مراسلات كثيرة وقريبه ترى ما مثله وهو افضل اليدوي اللى جربت هذ اللى اللى عندي

[بارود برنو]

السلام عليكم ورحمة الله وبركاته
إخواني الأعزاء أعضاء منتديات مكشات
اريد النصيحه منكم عن جهاز ايكوم اليدوي هل تنصحوني فية.
وشكرا لكم


وعليكم السلام ورحمة الله وبركاته

ياهلا وسهلا فيك يابو مشعل

الايكوم اليدوي icom ic-v8

على حسب استخدامك له .... ينفع للمقناص الجبلي للرحله الجبليه ...مشيا على الاقدام

ارساله ما يتعدى 5 كيلو ...... تجي له ارايل ممتازه مداها 10 كيلو

شحنه يجلس معك يوم على مراسله خفيفه ...... تقدر تغير البطاريه .. الى قاعده تركب في الخلف مثل شكل البطاريه وتركب عليها بطاريات قابله للشحن ..... وتجلس معك على حسب عدد البطاريات المشحونه معك

لا انسي الايكوم في نوعين القديم بطاريته 660 والجديد بطاريته 1200 ....على ما اعتقد .. لها علاقه بالشحن

شخصيا استخدمه للمقناص الجبلي ..... وانصحك فيه اذا عندك خوه ... ومعهم كلهم ايكوم

ايكوم ياباني والبطاريه يابانيه .... في اجهزه جديده غزت الاسواق صينيه احذر منها .. ولا تأخذ ايكوم الى من محل ثقه

واذا احتجت اي شي اخر ..... نحن في الخدمه

بالتوفيق