الـــــــــــــــبرياني من أخت مبارك

[أخت مبارك]

السلام عليكم
سبحان الله وبحمدة سبحان الله العظيم
جبت لكم اليوم طريقة عمل البرياني بأصولة
وهالصور صورتها خصيصا لمكشات قبل يومين
وان شاء الله تنال على اعجابكم بس ترا هالطبخه فعلا عجيبه ودايم نسويها
واتمنى تجربونها وتقولون لي رايككم بس اهم شي تحطون وصفة البهارات كاملة ونفس الوصفة وماتغيرون شي من عندكم
بحط لكم المقادير اول
2 دجاج مقطعه كل دجاجه ثمان قطع
1 علبة زبادي + ملعقتين زبادي
خمس اكواب رز
1 طماطم
3 فلفل اخضر حار
نص كوب كزبره خضراء مفرومه
ربع كوب نعنع مفروم
2 بصل متوسطين مقطعين جوانح
نص فنيال زيت
ملعقة طعام ونص ثوم وزنجبيل مطحونين
قرم مسالا ملعقة صغيره ونص
ملح ملعقة صغيره ونص
ربع ملعقة صغيره كركم
ملعقة صغيره فلفل احمر ناعم
زعفران
نبتدي ماشاء الله تبارك الرحمن
نحط الدجاج والطماطم مع الفلفل الاخضر ولازم نزيل بذور الطماطم ملاحظه مهمه في كل طبخه وفي السلطات وبكلشي لان البذور تسبب حصى بالكلى والله يحفظ الجميع

http://up.do7a.com/get-12-2008-do7a_com_45801v1d.jpg (http://up.do7a.com)

نحط الثوم والزنجبيل
وطبعا ماننسى نحط الزيت نسيت اصور الخطوة اللي هو نص فنيال زيت فقط

http://up.do7a.com/get-12-2008-do7a_com_pyv7n7x5.jpg (http://up.do7a.com)

القرم مسالا وباقي المقادير الفلفل والملح مثل ماذكرت

http://up.do7a.com/get-12-2008-do7a_com_76wxmp5j.jpg (http://up.do7a.com)

نحط الزبادي

http://up.do7a.com/get-12-2008-do7a_com_efd7qk6i.jpg (http://up.do7a.com)

البصل لازم نقليه بالزيت ويصير لونه هالشكل هاي اهم خطوه طبعا البصل والنعنع والقرم مسالا شي مهم بهالطبخه

http://up.do7a.com/get-12-2008-do7a_com_h2n0lk9j.jpg (http://up.do7a.com)

نحط الكزبره الخضرا والنعنع

http://up.do7a.com/get-12-2008-do7a_com_2lfq8yz6.jpg (http://up.do7a.com)

[أخت مبارك]

نخلطهم سوا نغطي القدر نخليه على نار واطيه شوي مدة نص ساعه

وبعدين نكشف القدر اذا شفنا الدجاج فيه مرق نحاول نطول النار ننشف المرق شوي بس حاسبوا لايحترق لي مايصير شكله مثل المرق الناشف مثل هالصوره


http://up.do7a.com/get-12-2008-do7a_com_ari8knoh.jpg (http://up.do7a.com)

هذا شكله بعد مايستوي طبعا معليش اللون يبرق شوي بس من الفلاش لاتخافون لونه الصجي مو هالشكل بس لاني احب تصوير الميكرو والفلاش لان اكشخ

http://up.do7a.com/get-12-2008-do7a_com_o50d1c6a.jpg (http://up.do7a.com)

طبعا نكون سالقين الرز وخالصين بالدارسين والهيل والقرنفل
نحط طبقة رز وبعدين الدجاج وبعدين الرز
واللي يحب طريقة ثانيه
يحط الدجاج تحت وفوقه الرز كامل مو مشكله عادي كله نفسه

http://up.do7a.com/get-12-2008-do7a_com_d1z3sytf.jpg (http://up.do7a.com)

بعد مانغطي السالفه كلها بالرز نحط هالشكل شوي من البصل اللي حمرناه ونرشه زعفران او اذا تحبون لون الزعفران المطحون ينباع بالسوبر ماركت بس رشه بسيطه جدا يعني لاتكثرون منه لان يعطي لون زياده ونخليه
عالنار واطية لمدة ربع ساعه تقريبا لي مانشوف الدخان يتصاعد من القدر ونسكر النار خلاص

http://up.do7a.com/get-12-2008-do7a_com_rr8g0ed4.jpg (http://up.do7a.com)


هذا شكله عند التقديم وطبعا اول مره اسوي برياني دجاج والحمدلله نجح والطعم خيالي طلع نفس اللي تسويه امي بالضبط عشان هالشكل استانست وايد
من قبل سويت لحم والحمدلله بعد صار اوكي
لونه صاير اصفر شوي من الفلاش طبعا والا هو لونه عادي يعني ماكثرت الكركم ولاشي كل المقادير مضبوطه الحمدلله

http://up.do7a.com/get-12-2008-do7a_com_1ei41pid.jpg (http://up.do7a.com)

[أخت مبارك]

مقادير صلصة الروب chutny هالصلصة اساسيه مع البرياني من غيرها مايسر الخاطر صراحه
علبة زبادي + ملعقتين زبادي كبار
1 فلفل اخضر حار
فنيال كزبره وفنيال نعنع مغسولين مولازم نقطعهم لان بينطحنون سوا
شوي ملح
http://up.do7a.com/get-12-2008-do7a_com_01vzkbc5.jpg (http://up.do7a.com)

نحط علبة الزبادي كامله
ونخلط

http://up.do7a.com/get-12-2008-do7a_com_3pc9v9qp.jpg (http://up.do7a.com/)

بعد الخلط لان بيكون طبعا سائل وعشان يصير شوي متماسك نزيد ملعقتين زبادي كبار ونخلط وهذا شكله عند التقديم ويضاف البصل الاخضر حسب الرغبه يعطي نكهه عجيبه

http://up.do7a.com/get-12-2008-do7a_com_d3kg1dps.jpg (http://up.do7a.com)

بسم الله تفضلوا

http://up.do7a.com/get-12-2008-do7a_com_t7ej9ojt.jpg (http://up.do7a.com)

[I COM.COM]

ماشاء الله عليك أخت مبارك شغل عدل

مداخيل العافية يارب،،

[سلطان959]

مشاء الله تبارك الله تسلم يمينك
طبخة رائعه

[سعد الشتيلي]

روعه ماشاء الله

ذكرتيني في مطعم بعنيزة اسمة الخيرات

احسن مطعم يسوي برياني صراحة

تسلم يمينك

:)

[غواصة الشمال]

العزيزة أخت مبارك
طبعا الطبخ جوعنا الله يسامحك تالي في هالليل ....لاكني أهنيك على مهارتك فيه ...
الملفت للنظر هو التصوير حقيقة ابدااااع وأتقان
استمري عزيزتي اتمنا لك التوفيق


http://www.mekshat.com/pix/upload02/images93/mk55372_animation397.gif
اختك ...غواصة الشمااااااااااااال

[راعي الركيات]

ما شاء الله عليك ياخت مبارك
طبخه روعه وشغل واضح بالصور الله يعطيك العافيه
لاتقطعينا من الطبخات الحلوه
بالتوفيق يارب

[ما هقيت]

لان البذور تسبب حصى بالكلى

.......................... معلومة تحتاج تأكيد

[الغزال الشارد]

مشاء الله تبارك الله تسلم يمينك
طبخة رائعه الله يعطيك العافية

[دهران]

الأخت الكريمة / أخت مبارك


:good: :good: :good: :good: :good:


http://www.mekshat.com/pix/upload02/images79/mk17809_taslamalaiady.gif


ألف ألف ألف شكراً على هالطبخة الجميلة والرائعة والحقيقة الصور واضحة جداً ما شاء الله وتنم عن إحترافية في فن التصوير والكبسة عاد يبي لها رد آخر :no: .... جاري الحفظ لتطبيق الطريقة في أقرب فرصة إن شاء الله .


(( ياليت تخبرينا بنوع الكام وطريقة التصوير لأني أشوف أغلب الصور مطفية ولكن بشكل أخرج الصورة بطريقة إحترافية ))


وننتظر المزيد من هذه الطبخات الجميلة .


وتقبلي أعذب تحية .

[سطام vip]

يالله صباح خير

اول مره احس اني ابي افطر رز ههههههه

الله يعطيك العافيه اخت مبارك

وصراحه وصفه رائعه ومميزه

في انتظار الجديد والمميز من المطبخ البحريني

دمتي بحفظ المولى

[no fear 78]

يا سلام يا اخت مبارك ذكرتيني ابمطعم لاهور

يعطيك العافيه طبق جدا جميل و التقرير ممتاز

[دهران]

اول مره احس اني ابي افطر رز ههههههه

:D :D :D :D :D


والله العظيم نفس الشعور الله يقلع بليسك

[الصقار10]

تسلم الايادي ياخت مبارك

[sudyer]

شينه انك تجوع على هالصبح مشكوره اخت مبارك

[ابو احمد 2]

اخت مبارك هو الدجاج ماينجح على نصف ساعه اعتقد انك رديتيه النار لمده نصف ساعه ثانيه علشان يسكر وينجح وبندمج مع الخلطه عدل ولا انا مضيع عموما الطبخه من شكلها والصور رائعه بالعافيه

[المستوي 1]

شغل عدل
تم الحفظ

[العميد ابواروى]

http://www.mekshat.com/pix/upload02/images79/mk17809_taslamalaiady.gif

[أخت مبارك]

اخوي دهران نوع الكاميرا ماشاء الله يعني ديجيتال بالتاكيد بس اسمها

yachica

والتصوير دائما يكون في مكان مافيه انارة قويه بس اعتمد على الفلاش والتصوير الميكرو المقرب جدا
وشاكره لك مرورك وتعليقك الحلو نورت ياخونا الكريم
وانتظر صور تطبيقك لطبختنا

[أخت مبارك]

ابو احمد ابدا الدجاج يجنن وسكرته وغطيته على نار هاديه وماجلس معي الا نص ساعه
ويوم رجعت حطيته طبعا مع الرز على النار ربع ساعه يعني اعتقد انه خلاص استوا وصار اشحلاته
ذايــــــــب وهو على حسب الشخص شلون يطبخ الطبخه وترا والله ماخذت معي الا نص ساعه
وخاصه انك انت بتقطع الدجاجه ثمان قطع يعني نص ساعه تكفي
انت جرب وشوف
وانا دايما اغطي القدر بقصديرة وبعدين الغطاء واخليه على نار واطيه والبخار يتجمع داخل
عشان كذا يستوي بسرعه معي
اللي عليك تطبق اللي قلته بالمقادير والطريقه وراح تشوف

[أخت مبارك]

اسفه لاني جوعتكم وسلامتكم
ومرسي على الكومنت الطيب منكم نورتوا ياهلا بكم

[طحنون]

الله يعين انتفخت والسبب هالطبخات الانتقاميه
اخت مبارك مشكله البرياني كل شخص وله طريقه لاكن بما انك بحرينيه هل الطريقه اللي سويتيها هي الدارجه بالبحرين
وش تفرق عن المشخول على الطريقه البحرينيه
.................................................. ............
ولي طلب انك تسوين طريقه الدقوس او الصلصه الحاره
اللي يحطون فيه زيت زيتون ولونها اخضروخاثره

[الحسن القاضي]

والله هذا البرياني ولا بلاش .
تسلمين يا أخت مبارك .
جوعتيني :D

[عبّار]

شكرا على الوصفة و الصور الممتازة

[الأكحل1]

بصراحة المكشاتيات بدأو ينافسونا وينكم يالمكشاتيين

[ضميان نجد]

انا ابغى غداء جاء في وقته شكرا لك

[بن شمروخ]

كل يوم الابداع يزيد ؟؟؟؟ يابخت المنتدى فيك ....>>>

مدري وش اقووووول .... مدري وش اكتب ..... ما اقوووول الا الله يوفقك وعسى يدك ماتمسها الناااار...

[أخت مبارك]

يعني اخوي طحنون والله مدري شقولك ههههههههههه
ارد عليك واقولك
البرياني به زبادي وبهاراته تختلف عن المشخول
والمشخول ماكو زبادي وبهاراته تختلف عن البرياني
واساسا البرياني بلا زبادي مايسمونه برياني
يطلع مشغول او كبسه

بس الشكل تقريبا يطلع نفس الشي اما النكهات
مختلفه اختلاف مو طبيعي

والله طريقة الدقوس الخضرا بالزيت الزيتون
هذي مستحيل والف مستحيل تكون طريقه خليجيه
الاطباق الخليجيه معروفه بالسمن او الزيت
اما زيت زيتون اول مره اسمع
انا سمعت بصلصة البستو
هاذي مصنوعه من زيت الزيتون ولونها اخضر
وتكون متماسكه شوي
وهي اساسا ايطاليه وتستخدم في المعكرونات
فقط
حنا اهل الخليج المعروفين به عندنا
دقوس البودره ينرش عالاكل مشهور
عندنا بالبحرين
وعندنا دقوس الاحمر معمول من الطماطم
والفلفل الاخضر


بس ليش لاء ولايهمك اذا عرفت طريقتها احطها لكم
مومشكله
بس اساسا انا ماعمري اكلتها
وماهي مشهوره عندنا ابدا

[قناص الشمال]

تسلم الايادي

:)

[ضوء القمر1]

ماشااااااااااء الله بريااااااااااااني راااااااااائع وريحته طالعة ربي يخليك لعين ترجيك

[ذكرني بك]

تسلم ايدج اخت مبارك دوم تتحفينا بالأكلات الرووووعه تسلمين

[ناصر البداح]

الله يعطيك العافيه اخت مبارك

[ذيب الفيافي]

تسلم الايادي يااخت مبارك ... ان شاء الله ابطبقها.. :light:

[المجمعه]

البر .. يانى .. ممتاز الله يسلم يدياتك على هالطبخه

[هاوي عبث]

يسلموووو خيتووو

[أخت مبارك]

تسلموووووووون اخواني وخواتي على مروركم الحلووووو

نورتوا ياهلابكم
وانا منتظره يا اخوي ذيب الفيافي التطبيق وصور التطبيق والله يوفقك

[قصيعاوي]

تسلم الأيااااااااااااادي ويعطيك العافية ........!!!

[مداوي]

مشكوره ماقصرت
يامال العافيه

[ابوعابد2500]

ابداااااااااااع بمعنى الكلمه

[النمرالأليف]

أخت مبارك إيش اللي عملتيه فينا أناماتعشيت وقرأت الموضوع وشاهدت الصوروزاد الجوع عندي شكلك

بتاثمي فيناوالله خووووووووووووووووووووووش برياني ربي يسلمك وماشاء الله تبارك الله وجاري التطبيق

[أخت مبارك]

سلامتكم من الجوع

هلا بك اخوي النمر الاليف نورت

لا مايصير تجوع نفسك
احسن خلني اشجعكم على الاكل
يكفي رجيم
حياك الله نورت
وانتظر التطبيق

[ابوفهيدان]

ماشالله دايما مبدعه مثل ماخبرناج
والصراحه ماشفت احسن من هالبرياني
تسلمين وللامام

[AL-Hadbani]

ياربييييه ........!!!! وش ذا لوغيرك كان قلت ماخذين الصور من مطعم ....

سوف يتم التطبيق بإذن الله الخميس 08/01/2008 يعني بكره .....

حسبي الله على غيرك أحس إن جعت مع إني مفطر قرص معفوس بعد الفجر ...


يقول الشاعر :

إذا شاهدت شيء في المكشات يتعبكا*** ف عادي كل واحد له هموم

تقبلوا مروري

[عيال وايل]

اوووووووه رائع رائع

خيااااااااااااااااااااااااااااااااااااااال

تسلم ايدينك والله يجعله بالعافيه عليكم

مشكووووره على هالصور الحلوه

[بن شرار]

وش بقى ماسويتي


صحه وعافيه على قلبك

مشاء الله تبارك الله

وتقبلي مروري

[أخت مبارك]

شكرا اخواني على تواجدكم نوووووورتوا ياهلابكم
غريبه ماكو بنات بمنتدى الطبخ
كله شباب ماشالله

[عاشق الغيمة]

ابدااااااااااااااااااااااااااااااااااااااااااااااا ااااااااع

طبخة روووعه حسبي الله عليك جوعتيني مع هالظهرية

تسلم الايادي والله يا اخت مبارك

شغل عدل مدل مية ميةhttp://www.albrari.com/vb/images/smilies/36_1_11[1].gif

مجهود رائع تستحقين عليه جميع عبارات الشكر والتقدير

يعطيك العافيه والله يوفقك يارب

تحيااتي لك

[أخت مبارك]

شكرا للجميع

[نجم حفرالباطن]

مشكوريالغالي وبالعافية

[أبونورة777]

الف شكر اختي .. الطبخة بكل أمانة .. من منظرها .. روعة .. ذكرتيني بمطعم عندنا بالقصيم .. طبخه جناااااااان بالبرياني


وعندي المدام الآن .. خليتها تركز فيها وطبعت لها الطريقة .. بس يا ويلك ويا ويلها لو ما طلع زي كذا !!


وفيه استفسار : وشو ( قرم مسالا ملعقة صغيره ونص ) ما عرفته صراحة :(
وتسلم اياديك .. والله يحرمها عن النار


وبالنسبة للقسم .. هنا أغلب الطباخين رياييل

[الربذي]

تسلمين اختي بس وش معنى
(( قرم مسالا ملعقة صغيره ونص))
قرم وش معناته وشواول مره اسمع فيه ..................

[رحال الخليج]

مشاء الله تبارك الله تسلم يمينك

[ayooooop]

تسلم الأيادي اختي اخت مبارك

انا اكثر احبها البرياني وجد إذا رحت بسافر عن طريق البحرين لازم آكل البرياني شي عجيييب عندكم

مشكورة ومواضيعك مميزة

[ayooooop]

الف شكر اختي .. الطبخة بكل أمانة .. من منظرها .. روعة .. ذكرتيني بمطعم عندنا بالقصيم .. طبخه جناااااااان بالبرياني

دلني علية يرحم والديك
انا اموت بشي اسمة برياني ولا عمري لقيت مطعم بالقصيم يسوية إلا مطعم حق الجالية الهندية يسوية كل جمعة الظهر ونفر اللحم ب7ريال <<يوم قالي كذا وانا اهرب حسيت لحم بساس

[أخت مبارك]

اخواني واخواتي

اللي يسئل يبي يعرف القرم مسالا(( هو بهار هندي )) بهارات حب مطحونه مع بهارات اخرى هنديه
وريحتها تجنن وايد صراحه

[أبوتركي الخالدي]

طبخة تدوخ خاصة البرياني وان حصل برياني مع ربيان يكون احسن

يطيح بالبطن صح

والمسالا دائما القاه في المطاعم الهندية وهو ادام مسالا مع خبز نان ياسلام

[حداق]

عاد انا فتحت الموضوع وقت الغداء ؟؟ المهم لو كان الموضوع على طبخات شتويه مع هالتغير المفاجىء ليلة امس كان احلى وانسب ولكن ملحوقه بانتظار والدتك تعطيك معلومه تنورينا فيها مو قصور فيك

[أبونورة777]

دلني علية يرحم والديك
انا اموت بشي اسمة برياني ولا عمري لقيت مطعم بالقصيم يسوية إلا مطعم حق الجالية الهندية يسوية كل جمعة الظهر ونفر اللحم ب7ريال <<يوم قالي كذا وانا اهرب حسيت لحم بساس

هلا بك اخوي .. ابشر بعزك .. انا اوصف لك مكانه .. واعزمك فيه وهذا شرطي !!

ولا ما راح اقولك وينه ;)

وراجع الخاص

[مكشات com]

ما شاء الله عليك ياخت مبارك ،،
طبخه روعه وشغل واضح بالصور الله يعطيك العافيه ،،

[أخت مبارك]

شكررا لتواجدكم اخواني نورتوا هلابكم

[مخاوي الذئب]

تسلمين اختي (اخت مبارك ) على هاذي الطبخة المتميزة وانا من الناس اللى مايسمع في البرياني تسلمين الله يسامحك سيلتي لعابي كذلك ابدعتي في التقاط الصور مشاء الله تبارك الله مزيد من الأبداع والى لقاء في موضوعات متجددة .

[الصقررر]

جوعتينا وشبعتينا من الصور الرائعه
يعطيك العافية وتسلمي على هالطبخة

[هاوي خلا]

الأخت العزيزة ((اخت مبارك)) :
سلام من الله عليك ، وبعد ، تراك ذبحتينا بالجوع مره كشته وانواع الأكل ومره شاي كرك ومره برياني ومره كذا ومره كذا الواحد يبي ينحف شوي مع اني منا سمين بس الرشاقة زينه هههههههههه وانا مقرود ما افتح مواضيعك الا وانا بالدوام وقت الظهر ويذبحني الجوع واروح للبيت واقول لأم العيال انجزي علينا بالغداء .
خفي علينا شوي من التجويع اللي قاعده تسوينه فينا هههههههههههههههه.
شوفي لك موضوع تصليح الدوافير او شك او تطريز او تلميع قدور الضغط يعني نوعي شوي صرنا متابعين لمواضيعك الشيقه والمشهية بنفس الوقت بس هذي ظريبة اللقافة ههههههههههههههه كل ما شفت موضوع فيه شي يؤكل طاير له مع اني اقل الناس اكل بس لقافة وعلى بالي بصير طاهي فنان ههههههههههههههه .
جهد رائع اختي حفظك الله من كل مكروه ومن كل مركو تصوير بعد ههههههههههههه .
اشكرك على جهودك الرائعة وخاصة على البرياني اللي اموت فيه ، بس مثل ما قلت لك خفي شوي .
وعندي اقتراح لك لية ما تفتحين مطعم تكوني المشرفه فيه مثل ما سوو هنا في السعودية يقولون عليه اقبال منقطع النظير ، وفيه عندنا بالسعودية عوائل مشهورة بالطبخ حتى انهم يطبخون للعزايم الكبار والحفلات مقابل مقابل مادي احسن من المطاعم والبوفيهات المفتوحه .
اشوف نفسي اخذت راحتي اكثر من اللازم ، فيه ناس بيردون وراي ، تفضل المايك اخوي اللي بعدي هههههههههههههه .
÷÷÷÷÷÷÷÷÷÷÷÷÷÷÷ هذي ضحكه بس ياباني ههههههههه شفت عالي .
وفقك الله اختي العزيزة وامدك بالصحة والعافية .
اخوك / هاوي خلا .

[arrow]

ابداااااااااااااااااااااااااااع ,,,,, هذي اكلتي المفضلة,,,,
كان مطعم مشوار يضبطها بالثقبة

شكرا لك ......

[alkreze]

ماشاء الله تبارك الرحمن


تسلم يدينك ياخت مبااارك


الله يجعل فيه العااافيه

[أخت مبارك]

تسلمون اخواني على تواجدكم نورتوا ياهلابكم

[هبووب الشمال]

يخزي العين يخزي العين شو هيدا الفن اهل الكويت والبحرين عليهم حركات خيال بهل عليك طلباتي بسم الله

-اخت مبارك نفسي اتعلم اسوي قوزي دجاج كان تعرفين حركة تبيض الوجه عند الضيوف علميني............لو غامرتي بقوزي خروف بليز لا تحرمينا من هالابداع
-وابي طريقة بشميل ما تخرش الميه كرهت بشملي مصخ طعمها عندي ابي شي جديد
-صالونه حارة (قورمه مدري كورما) وسلامتك

اذا الله راد وزرت البحرين مع زوجي حابه اتعرف عليك مدل بالبحرين شي حدي السيف سينما ونتعشا ونرجع(لبوك يالطلعه) اعشق الاسواق الشعبيه البهارات المكسرات التحف الخ خخخخخخخ اهم شي عندك سيارة افرفر انا وياك وانا اختك رجال عله يله مشينا يله خلصنا مبي اتقيد وابشري بعزك غداك وعشاك على حسابي وحتى البنزين بس نفسي افصفص البحرين حته حته بس اهم شي ما تفحطين بي اخاف ههههههههههههه
واذا جايه الشرقيه لا تحرمينا شرف التعرف عليك بدز لك ايميلي برساله خاصة بالتوفيق عزيزتي اختك هبوبه

نرجع للبرياني

قرم مسالا ملعقة صغيره ونص؟؟؟؟؟؟؟؟؟؟

وشي هذي؟

[معاني الوفا]

مشاء الله تبارك الله تسلم يمينك

[أخت مبارك]

هلالالالالالا اختي هبوبه نورتي يابعد عمري انتي
تسلمين عيوني حياج الله تنور البحرين
بعد انتي تبين تعرفين وشو القرم مسالا
خلاص برجع اذكره هني وامري لله لاني ذكرته بالصفحات السابقه

القرم مسالا = بهارات هنديه خاصه توجد في السوبر ماركت جهة البهارات الهنديه

[أخت مبارك]

هبوبه بعطيج طريقة الغوزي دجاج عقب ان شالله
والبشميل بعد ولايهمج

واللي اعرفه بعطيج

تدللي

[sssss55555]

السلام عليكم يعطيك العافية بصراااااااااحة روعة بس ابي اعرف وشو القرم مسال وين يلقى

[الشيف محمد]

الله الله روعه من اخت رائعه ابدعتي في الطبخ والتصوير
الله لايضرك سلمت يمينك من كل مكروه إلى الأمام أختي

[مدباج1]

لو سمحتي ايش المسالا؟؟؟؟؟؟؟؟؟؟؟

[وادي الرمة]

http://www.mekshat.com/pix/upload02/images79/mk17809_1000shoker.gif

[أخت مبارك]

شكرا لكم اخواني على تواجدكم نورتوا ياهلا

[abumashal]

الله يوفقك
احلى اكله البريانى

[faad]

مشاء الله عليكي اختي الفاضلة على هذه الاكلة وسوف احتفظ بها لحين الرجوع لها في رحلاتي البرية

faad

[خالد بن عيسى]

تسلم يدش خوش شيء

[aabb1212]

ماشاءالله مبدعه اختي اخت مباارك

[أخت مبارك]

thanks 4 all

[أخت مبارك]

شكرا للجميع يعطيكم الف عافيه

[اهلا وسهلا]

تسلم يمينك

بالعافية

[جنتلـ]

تسم ايدينك اخت مبارك

صرحة طريقة رائعة وسهله


لكن عندي استفسار


هل بهار البرياني الموجود بالاسواق يغني عن القرم مسالا ؟

ولا هو الي تقصدينه . لان دايم نشوف علبة بهارات مكتوب عليها بهارات برياني ؟




وشكرا

[أخت مبارك]

القرم مسالا ايوا موجود بالاسواق
وممكن تستخدم بهارات البرياني اللي بالعلب
وانصحك تستعمل بهارات البرياني ماركة ناشيونال علبته لونها اصفر فاتح

[afa1f]

واحنا وش ذنبنا (العزوبيه)

[حمد 2003]

تسلم الأيادي ياأخت مبارك

والله انك جوعتيني مع هالطبخ الحلو

شكرا لك

[أخت مبارك]

شكرا للجيمع نورتوا

[دحيم_1]

تم تطبيق الطريقة بالضبط
الصراحه شي روووووووعه
الله يعطيك العافية يا ام مبارك ... الصراحه طبق مميز يستاهل يكون ضمن المواضيع المميزة.

بس في شغله احب الفت نظر الاخوان ان الرز طلع خانس فالافضل اضافة الملح اثناء السلق وشكرا.

[ابو احمد 123]

موفق خير!!!!!

[ابو احمد 123]

تسلم الايادي

[العرفات]

ام مبارك

تسلمين علي هالطبخه الطيبه ومخلي الخادمه متابعه طبخاتك اول باول

[ابوانس11]

يعطيك العافية روعه

[FA_123_FA]

ماشاء الله تبارك الرحمن

تسلمين على هالطبخه اللي جوعتينا فيها :)

[أخت مبارك]

شكرا للجميع نورتوا ياهلا