دلوني يالربع [الأرشيف] - منتديات مكشات

مدرس بالغصب

30/12/2008, 04:04 PM

انا من سكان الرياض وكل اسبوع تقريبا اروح للخرج عندنا استراحه هناك اتمنى ان تدلوني على مكان طيب وقريب ينطلع به علما ان سيارتي صغيره يعني تغرز على طول والف شكر

منصور1122

30/12/2008, 08:31 PM

هلا اخوي
عندك من جهة غرب وجنوب الرياض اماكن حوه يصلح تكشت فيها وقريبه وتدخلها السيارات الصغيرة
مثل روضة الخرارة بس يبيلك تنسم الكفرات الى ضغط عشره ولو حصل انك غرزت بتلقى الف واحد يطلعك ووصفها انك تمشي على طريق مكة وبعد نزلت الجدية بيجيك ثاني مخرج للمزاحمية (المدخل الرئيسي ) اطلع معه وبعدين تروح يسار الين يجيك محطة على اليسار اسأل اي زاحف هناك وبيدلك..
وفيه شعيب وانت نازل من الجدية بتلقاه على اليمين بس لازم تديور من مخرج المزاحمية او قبلها وانت راجع قبل ما توصل الجدية انزل مع اول مخرج يمين وادخل الشعيب مع مجرى السيل وكل السيارات تدخل وبصرحة اهو شعيب معقول نوعا ما .
وفيه حفيرة نساح بس ما اعرف اوصفها
وفيه شعيب الواشلة امسك طريق ديراب وسيدا الين توصل التفتيش وتعداه بشوي بتلقا شارع يمين بينزلك للشعيب وهو شعيب جيد وقريب وفيه عائلات كثير عشان كذا لاتسوون ازعاج .
هذا اللي اقدر عليه والله يوفقك .