---( وقفه مع مقناص العراق لهذا العام 2008 )---

[قلب ذيب]

أسعد الله اوقاتكم بكل خير .
- - اتسم مقناص العراق لهذا العام بكثرة اقوانيص رغم عدم استتباب الأمن , ومن المؤسف ان أكثر القوانيص استخدم ( بنادق الصيد ) بكثره لصيد الحباري , وذلك لقلة الحبارى في شهر نوفمبر 11 ميلادي وعدم جاهزية الطيور وانحصار القوانيص في مناطق محدوده ولاتصل اليها الحبارى بكثره في مثل ذلك الوقت .
ورغم ان جميع الحملات سمح لها بالمقناص في الجنوب الغربي من العراق , اي من النخيب ( وادي الابييض ووادي الغدف شمالا ) الى نقرة السلمان جنوبا وبصيه وشقرا الى الغرب من الناصريه , الا أن الحبارى لم تكن بالقدر الذي كانوا ينوقعونه خاصه ان العراق لم تنقنص منذ أكثر من 5 سنوات .
- - تسلل البعض في أطراف الحملات , واستخدموا السلاح في طرح الحباري مما أدى الى هروبها وتفرقها كما اصتادوا الكثير من الارانب والحيوانات البريه .
- - الأمن بشكل عام لم يكن مستتب وقد تعرض بعض القنوص لبعض العصابات والسلابه ولكن الله قدر بسلامتهم
سألت بعض الاخوه العائدين من العراق عن حال الناس والبدو ؟ فقال بعضهم يتحسر على عهد صدام !! فلم يتغير حالهم ولم تقدم لهم حكومة المالكي غير السراب , علما بأن أكثرهم من الشيعه في جنوب غرب السماوه !!
والله يحييكم بعد غيبه .

[sniper112]

الله يحييك اخوي ويستاهلون كل خير وجعل الامن يستدب في بلد اسود الرافدين

[صقار البحرين]

قلب ذيب
الله يحيك يالذيب من طول الغيبات جاب الغنايم
وانت علومك كلها طيبه و وافيه
ولا تجيب الا النوادر يالنادر


بس عندي بعض الملاحظات عن مقناص العراق
انا عندي واحد من اعيالنا قناص العراق
والى قايت الان موجود في العراق ودايم اتصل فيه شبه يومي واخذ اعلومه واعلوم الصيد
فعلن اول الايام كانت الحباري قليله يعينون اول الايام وحده الى ثلاث حباري في اليوم
ولا يصيدونها دايم تطير من بعيد وسبوق
ولكن هذي الايام غيرو الارض توجهو على الحدود الايرانيه وعينو حباري واجد بالاجوال
وصاده حباري من هذي الاجوال يعني اذا عينو الجول مكون من عشر يصيدون منه 5 او4 والحمدالله
ولا عندهم اي مشاكل وبعد كم يوم راجيعين وبنوافيكم بالصور اذا رجع ولدنا ان شاء الله
الله لا يهينك يابوماجد على الطرح
واعذارنا على المداخله السريعه وشكرا


اخوك بوعلي

[محمد الشامان]

الله يعطيك العافيه
على الموضوع الرائع

[محمد الفهيد]

يامرحبا يابو ماجد

انقطعت لك فتره ، نور المنتدى وننتظر جديدك وجيتك

[ابراهيم2008]

مشكور الله يعطيك العافية

[صلفان.نجد]

تحياتي للجميع , ولي ملاحظه على بعض الشباب اللي يقنص (العراق )الربع مشغلهم الله بفتن وحروب والشباب رايحه ترّفه عن انفسها وتقنص وبما ان الامن غير مستتب ليه التهلكه؟وبعدين من باب الادب والذوق من يهون عليه يشوف الاوادم في مذابح ويقنص ديارهم .مابقى من الديار الا العراق ؟ هذي وجهة نظر قناص للعراق بس من قبل الفتن .

[@قرناص@]

لاهنت يآقلب ذيب

والامن هناك غير مستقر

[Turki1]

حياك الله يابوماجد وبارك الله فيك على الاخبار.
عودا حميدا أخي الكريم.

[القرناس المهاجر]

حياك الله اخي قلب ذيب وحيا علومك

مقناص العراق اعتبره مجازفة ومخاطره في الوقت الحاضر

بالنسبة لقلة الحبارى .. طبعاً أكيد ان الحروب ونيرانها ماتركت لاأخضر ولايابس كل الطيور هاجرت لكن الله يصلح شأن العرب وديارهم

[الرجل الطموح]

مشكور ماقصرت

[راعي مسكت]

قلب ذيب طال عمرك المناطق الجنوبيه الي ذكرتها اكثرالحملات هل قطر !! شبلاك علينا ابوماجد افا عليك بس اذا كان قصدك القطريين فا من النادر انهم يستخدمون بنادق الصيد في رمي الحباري هذا للعلم وانا معاهم واشوف واسمع واذا كان قصدك غيرهم فا يجوزوانا ماقول عن الكل (لان واحد يتعنى ويخاطر يبي يشوف هدد طيره واخر شي يرمي مهو القصد كم صدت القصد الهوايه الي تعنيت على شانها وهي هدد الطير ) والله يسامح الي يرمي الحبارى . ونوفمبر كان فيه حبارى لكن قلت اخر الشهر لان الحملات تكدست في منطقه جغرافيه وحده .
للعلم قنصت اسبوعين (طير صاد 14 وطير صاد 6 ) .
والحمله الي انا من ضمنهم والله العظيم مااذكر انهم صادوا شي من الحباري ببنادق .
ومشكور بوماجد على الموضوع الطيب .

[صحراوي uae]

الله يعطيك العافيه

[قنآآص]

الله يعطيك العافيه موضوع جمل وطرح اجمل

[هذال الدوحة]

مسيك بالخير ياقلب ذيب

باالنسبة للحبارة قليللة هالسنة أنا معاك بس الصيد بالبندق هناك قلة لاتذكر من صاد بالشوزن والي راح العراق رايح ومعاه طيور وراعي الطير مايحب الشوزن

تقبل مروري

[ثادقي موت]

مشكورررررررر ويعطيك العافية

[خلوي]

صباح الخير,انا توني راجع من العراق امس والله ما أمالح احد منك :) ابشركم الصيد واجد و أمان لله الحمد والمنه, وأنشاء الله بنزل موضوع عن مقناص العراق بعد رجعت الكراوين

[قلب ذيب]

اله يحيي الجميع
شكرا لمداخلاتكم الطيبه .
( الاخ / راعي مكست / الجنوب دخلته أكثر من عشر حملات وليس كلهم قطريين , وليس المقصود جماعتنا في قطر , فقد قنصت معهم لأكثر من 8 سنوات في عهد صدام وكان الجميع ملتزم بعدم الرمي الا ماقل ) هذا العام دخلوا العراق كل من هب ودب ! وصدقني بعد 4 سنوات لن توجد حبارى في العراق , وان الله احيانا بتسمع وبتشوف , خاصه ان القوانيص وصلوا العماره ومناطقها التي تتكاثر بها الحبارى .)--------- واللي ماهوب مصدق يسأل ابورداد كم وصلت قيمة الكسريه ( الشوزن ) في السماوه وماجاورها .
للجميع تقديري ومحبتي .

[الذئب2007]

الله يعطيك العافيه

[صكار دليم]

السلام عليكم
عز الله انك صادق يبو ماجد وصل سعر الشوزن سعر خيالي شوزن ام خمس بالفين دولار للنوعيات الجيدة وشعارهم الجديد هو الطك اخير من النوش يعني المهم انه يطكك ويسمع صوت الطك مو مهم انه يصيد ولا لا
بالنسبة للامن والله انا اشوفه بتحسن والكوانيص اللي كانوا عندنا ابخص بالمسألة
اما كلامك عن شحة الحبار يبو ماجد الصراح هي ظاهرة شبه غريبة لان العراق ما انكنص فترة اربع سنين الى موسم 2007-2008 والمفروض ان الحبار عنده بيئة امنة لكن شحته سببهة هو قلة الامطار واختفاء الربيع خصوصا بمناطق الشامية ثميل الغدف ابو جهام الى نكرة السلمان الحبارة ماتكلى عشب لذلك اتوقع انه هذا سبب قلتها والامر يختلف لمناطق الجزيرة خنيزير رخيميات غزيل الطيارات وصولا الى الحضر الارض هذي تنمطر وفيها خفش ووعر وبريج لله الحمد هذي السنة كل ما نطلع نتجنى فطر بكثرة والامر يبشر بخير انه في كمأ جاي السنة لان المطر بالجزيرة خيييييير من الله هذي السنة والكاع اصبحت خضرة هناك والحبار جوال في المعزم ةفي اللي يخمر اول شوفته للطير وبكل الاحوال ارض الجزيرة ماهي ارض طرد لوعورتها والطير المفضل فيها الجير والشاهين
وان شاء الله ربنا يوفق الجميع بمكناصهم ويوفقنا بعد واعذروني على الاطالة بالرد
صكار دليم

[عارف الشمري]

الله يرحم ( صدام )

واخواننا القطرين يدخلون العراق عن طريق منفذ ( جديده عرعر )

واتذكر اذا قنصو اخواننا القطريين عندنا برفحاء تكثر الحباري يكون موسم موفق للي يبي يقنص