سلام عليكم

[حمدان فهاد]

اهداني شخص ضاريه
مشكله انه ضاريه تخاف مني وماتقرب مني او يذه قربت مني مسافه بسيط

وتنحاش ممكن تساعدوني في حل؟

[alaa20082]

ممكن انا اساعدك بس انا ما افهم ما تقول

[نفاج]

حاول تمسح عليها مع نطق أسمها تأكلها من يدك وخصوصا" هذا الوقت لا تسوي له أي شي يجفلها منك يعني كضرب أو تنهرها من عندك

[الصارم1]

اكلها من يدك

ومسح عليها لاكن الاكل اول شي تحرمها منه

[مسرح الرعيان]

يا خوي انا كانت عندي نفس مشكلتك عندي جروه عمرها 7 شهور لا كني حكرتها في محكر صغير و تميت اعطيها اكل بيدي اسبوعين و بعدين ابتديت امشيها حول البيت بالسير و كل مره ابعد اشوي عن البيت وعقب اسبوعين تميت اهدها في الحوش ساعات تشرد و ساعات تقارب و بعدين هديتها احذا البيت تروح البيت وكل مره ابعد مكان ما هدها لين الله عقلها و بعدين تميت اروح اشوي بعيد و اهدها بالموتر تلحقني و من كم اسبوع قانصين فيها :)
انشاء الله تستفين من تجربتي

[دنيا بلا معنى]

يعطيك العافيه وبالنسبه لموضوعك كلو واحد بالبدايه تصير معه الى من صغرها عنده هذا شي ثاني لكن ؟؟؟؟؟؟؟؟؟؟؟ لا زم تعرف شي واحد السلق نقطه ضعفه الوحيده الاكل وعليك بالمكان الضيق ببدايه التدريب عشان تقدر تحشرها اي شي تبيه منها جوعها لين تحس انها فعلا جاعت ابدا التمرين عاد وانتبه من الاكل الني لا تعودها عليه ولمس عليها اي بمعني مسح عليها وردد عليها كلمات الي تعرف انك راضي عليها مثلا عفيه او ايه او من هلكلام الطيب ههههههههه وبعدين امش بعيد ونادها باسمها والى جت عطها عظم او غيره ومسح عليها صدقني اسبوع ورااااااااااح تدعيلي واسف على الاطاله