المساعد الشخصي الرقمي

مشاهدة النسخة كاملة : المشراق7(احوح حاحوني)


خشم الحصان
21/03/2004, 01:23 AM
الاخوه الغالين
السلام عليكم
مشرقنا اليوم بيتكلم عن لعبه قديمه وهي خاصه بالبنات الله يصلحهن امين وطريقة اللعبه هي ان يكون
مجموعه من البنات في دور المتفرج وتاتي بنتين و كل واحده تمسك يالاخري اي اليد الايمني ياليمني
واليسري باليسري وتقف البنتين متقاربتين الارجل مع امالة الجسم الي الخلف وتكون الايدي بحالة شد
كامله ثم تبدا العبه بدوران البنات علي حركات دائريه جميله مع الترديد الجماعي من البنتين لتين تلعبانوهذه
الكلمات القديمه والخاصه بهذه اللعبه والكلمات مجهوله الشاعر والملحن اما كيف يتحدد الفوز فالبنت التي
يبدو عليها انها لات تستطيع اكمال الدوران اي تشعر بالدوار ولاتستطيع ان اكمال اللعبه فحتمآ انها ستسقط لذا فتعتبر مهزومه وتاخذ الدور بنت اخري مع الاولي ويبدان باللعبه و المهزومه تاخذ مكانها مع الجالسات وهكذا
والكلمات هي
احوح حاحوني في السوق لقوني
معهم ولد عمي ليجا يخطب امي
خطبة قشرا تلعب مع العشرا
امي تناديني تبي تحنيني
في غضيرة صيني صيني علي صيني
تكسرة موعيني يازهرة البساتيني
وهي طويله ولا اذكرها كلها وهي للعبه جميله جدآ وان كانت بناتنا لايذكرونها حالآ ولكن عندما نخرج معهم
الي البر لايمنع ان نذكرهم بماضي الاجداد حتي لاتندثر وتضيع مع زحمة السنين
اخوكم
خشم الحصان
ملاحضه
غضيرة
هي تصغير لكلمة غضاره منول يجي عليها رسوم ولا طقها شي او طاحة تسمع تكسر الخزف الي عليها ويكثر ما تسددة اذانا منها وسبه ان حنا نطقها بالحصاة ونتسمع ولا جا الليل صالة الاذن
والسحله تختلف عن الغضاره السحله مصنوعه من المعدن
:D :D
خشم الحصان
21/03/2004, 01:28 AM
الغالين
تري نسية اكتب المصدر
المصدر
الكاتب
وكتاب تراث الاجداد تاليف محمد القويعي(الجزء الاول)
والسلام عليكم
اخوكم
خشم الحصان:p
* ضب *
21/03/2004, 09:09 AM
خشم الحصان
تتكلم عن التراث... وانت التراث بعينه
لا يضيع التراث وفيه امثالك
المفروض المحافظة على من يحافظون على التراث
جزاك الله خير وكثر الله من امثالك

من لا يحفظ ماضيه تراه ضايع == يصير مثل الغراب اللى يذكر بالمثال
عاشق نجد
21/03/2004, 11:25 AM
ترى باقي لعبات ثانية مثل عظيم سرى والغرابه :D

بس تراني ما اعرف هالالعاب لاني ما لحقت عليها ======< واحد على باله صغيّر;)
عروان
22/03/2004, 09:33 AM
تسلم أخوي خشم الحصان


تعلمنا منك ألعاب تراثية ما مرينا عليها......... " شعنده الصغير :)

شكراً لك و واصل مسلسلك


صراحة أبكتب لأدارة مهرجان الجنادرية يضمونك ضمن فقرات المهرجان.

:D


تحياتي لك
عبدالعزيز الدباسي
22/03/2004, 03:34 PM
تسلم والله ياخشم الحصان ، وماقصرت على هذه المشاريق السنعة والجميلة ، والحقيقة اكثر ما يغريني لقراءتها هي اسلوبك الشيق والممتع ، واختيارك للكلمات البسيطة واللطيفة .

أسأل الله ان يبارك فيك ، وأن يحفظك لعينٍ ترجيك .

وحبا حبا حوني بالسوق لا قوني
صقر
22/03/2004, 05:21 PM
أخي خشم الحصان...


شكرا على سلسلة هالمشاريق الطيبة

وبارك الله فيك.
خشم الحصان
23/03/2004, 12:19 AM
الاخوه الغالين
السلام عليكم
الاخ ضب
الله مير يسلمك اجل انا التراث يعني رحتو وطي ليش
1- كبير ومخذرف
2- مهنا شوف واذا بغية تاكد اسال الغالي شقردي بس علي انفراد وستر ما تشوف وبلا فضايح
يعني يحافظ علي من يحافظون علي التراث يعني قصدك يحنطوني او يودوني دار العجزه الله هم ياكافي
الله يكثر من امثالي الله يجزاك خير علي هالدعاء
منول نبي نغرك بماء الحين يالله بانزين ثم نولع فيه علشان تطلع مقمر مره وحده...تري امزح
اخوي ضب مشكور كل الشكر علي مرورك وانشاء الله ان حنا مستمرين بس لا دققون في الكتابه تخبر 6(ط) وانت رايح:D :D
اخوك
حشم الحصان
ياحبيل جوفك ياضب
...............................................
الاخ العزيز
عاشق نجد
مشكور كل اشكر علي مرورك الاوله عرفنها عضيم ساري بس الثانيه وشي :confused:
هي توكل ولا تنشرب
اما صغير والله هنا مشكله يومكم كلن يصغر عمره حنا علي وشك التقاعد:D
الله يجزاك خير علي مرورك
اخوك
خشم الحصان
.................................................
الاخ الغالي
عروان
اجل انفع مدرس يومكم تعلمتو مني الله ياني ابجيب كربه ياويل الي ميحفض ولا الفلكه ثم سدحوه
انتم وش قصتكم مع هالعمر صغير صغير انت وعاشق نجد تدري لا تنسون الفسحه اذا رحتو لم المدرسه
مسلسل اجل تمثليه مكسكيه الفين حلقه
اقعد يالخطير اثرك منتاب سهل ورقتك تمشي بدل متكتب للجنادريه شفلي وضيفة فراش عند باب احد هالمدارس
الله مير يحفضك ويجزاك عنا كل خير
ومشكور اخوي علي مرورك ومشركتك
اخوك
خشم الحصان
..........................................
الاخ الحبيب
شقردي الله ياني رحت في خرايطها وانت فهمها......والمشريق هي اقل ما نقدمه لهل الوجيه السفره
اما الاسلوب فيخيي القروي وش تبيه يعبر به لبد انه يكتب بطريقه يفهمها الجميع
والله يجزاك خير علي هالدعاء ولا يحرمك الاجر
مانيب اقوله منول وشي حبا حبا :what: :cool:
اخوك
خشم الحصان
..................................
الاخ العزيز
صقر الله مير يعافيك ويسلمك علي مرورك والسلسه تبينا نسحب احد مغرز:D الله يبارك فيك
اخوك
خشم الحصان
* ضب *
23/03/2004, 08:57 AM
الاخ خشم الحصان :D

الله يسلم ما يحتاج لا ماء ولا بنزين
انت اذا جيت دق بوري وصوت قل انا.. انف الحصان .. (هذى كلمة السر ) عشان ما يجي غيرك ويلعب علي.
وانا اطلع لك ومعي الحاشية ونستقبلك وابشر باللي يسرك .


:) :) :)

تحياتي لك
خشم الحصان
28/03/2004, 11:54 PM
الاخ العزيز
ضب
السلام عليكم
ليه هين دق بوري ياخي لو ندق دنميت منتاب ظاهر بس صرف
حلوه انف الحصان لو اقول خنفرة الحصان الا ياظاهر اعرفك زين الحين ماظهرة بالماء تظهر بالبوري
ضب متمدن:D وين ياضب دوره عسكريه كلمة السر يالي هناك اما يلعب عليك هذي كايده امت مايقوك الا جليل الملك سبحانه ايه انت والحاشيه بانت افرك ياولد الدعوا دق خشوب بعدين تندق خشتي وبدال ما قول خشم الحصان اقول هثم الهذان واحد اثرم الا ياجاي تدري ابعد عن تالضب وبيته:mad:
اخوك
خشم الحصان
* ضب *
29/03/2004, 08:19 AM
اخوي خشم الحصان

شكراً لا ريحيتك وسعت صدرك

والله ينت رايح فيها في الاملاء مادري وشلون نجحت من الابتدائي
:D :D

لكن عليك بالركاد لا تستعجل بالكتابة

7
تقول انك مريت ودقيت بوري وقالوا لك شد فهذا صحيح
غثوني الجيران يوم درو اني ناوي استقبلك (فضحيت باحبابي من اجل اصحابي)
:)

اخوك
* ضب *
خشم الحصان
29/03/2004, 11:57 PM
الاخ ضب
السلام عليكم
شف اخيي الاملاء اكبر مشكله في حياتي لئنه لو انك دارس قطعة الملاجي او ما تذكرها كان مالمتني
بعدين الشهاده (خامسه ط) ومختومه برجلين يعني مدفوف بالقوه شوتوني الين خذة الشهاده
اما الركاده اذا جيت اكتب فهذي كايده الحين ماركدنا وحنا نحكي تبينا نركد وحنا نكتب
اجل غثوك الجيران اخاف انت الي غثيتهم ديم عند باب هالنثيله بمهفك تهف
افرك ياولد ضحيت بهم يعني بيجينا السرا:rolleyes:
اخوك
خشم الحصان:(