سؤال للصقاره

[معشوق]

السلام عليكم ورحمة الله وبركاته
ايش اخباركم ؟؟
يا الربع سمعت واحد يقول انه الطير اللي يمرش تحته ماهو بسريع والطير اللي يحذف المرش بعيد يكون سريع بالطيران هل هذا الكلام صحيح ولا لأ

[المري]

هذا المعلومة غير صحيحة


وهي نظرية خاطئه ..

وسلامتك

المري

[الـبــدووووي]

وعليكم السلام ورحمة الله وبركاته

المعلومه الي قلتها غير صحيحة

وشكررر

[معشوق]

تسلم يمناك يالمري ويالـبــدووووي
وعندي سؤال ثاني وهو مرض يسمى (جساس)
ماهو سبب هذا المرض وماهي اعراضه وماهي طريقة علاجه ؟؟
وهل يقتل الطير

[المري]

معشوق اول مرة اسمع بهذا المرض!!!!!!!!!!!!!!!!!!!

[معشوق]

والله مادري يالمري
بس كأن المرض هذا يجي ببسب الحمام لأنه سألني(الصقار) انت توكل طير حمام قلت له لأ قال اي زين

[معشوق]

يا المري تراي انطر منك الرد

[خلوي]

انا اقول ان المعلومه في مجملها صحيحه 100% ,مع ذالك لكل قاعده شواذ. على الي اعرفه من خبرتي في الصقاره والي قريته في الكتب والي تعلمته سوى من تجربه شخصيه اومن والدي . الطير الي لا محط و محطه يبعد هذا معناه انه يمتلك قوه دفع وقوه عظل.

[معشوق]

انزين وش تقول عن مرض الجساس؟؟
و وش رايك بالبودر اللي يحطونه للطير مع العلف وقت القرنسه اللي يقوي ريش الطير ؟؟

[معشوق]

وين العلم ياانشاما ؟؟؟؟؟:(

[المري]

أخوي معشوق

بالنسبة للبودر اللي ينوضع مع العلف علشان الشاهين يقرنس بدري اشوي انا اقولك


تجربة معها , قبل كم سنة ارسل لي واحد من الربع هالبودرة وقمت احطها مع علف

الشاهين والحمد لله قرنس قرناس بدري وانا اللي انقلها ويوم جيت ادعيها وطارت من


يد اللي كان شايلها وهي في نص المسافة الا والموس يركب ظهرها وبعده النايفة

والثالثة.. وذلك من ضعف الريش لانها تضعف الريش, اما في السنوات التالية


قاموا يعطون الطير فيتامين مع البودرة علشان تغذي الريش صح.. واشوف الطيور


معاد ضرت على ريشها..


هذا مالدي اخوي معشوق


وحااااضر لاي استفسار املك جوابه..

اخوك / المري

[الخضاري]

بسم الله الرحمن الرحيم



صبحكم الله بالخير جميع

ودي أشارك معكم بمواضيعكم الطيبه والمفيده وأتمنى أني أضيف شي يفيد الجميع أنشالله .

مرض الجساس حسب علمي أنه مرض غالباً ما يصيب الحمام بشكل عام وينتقل الى الطير اذا أكل حمامه تحمل المرض هذا والمرض عندما يصيب الطير أو الحمامه تلقى وزنه ينزل بشكل غير طبيعي مهما عطيته من العلف ما يبين فيه وعلاجه ما ياخذ أكثر من ثلاث أيام بأذن الله وتوجد له حبوب أفريقيه ممتازه وانشالله اني بجيب لكم أسمها بكره .

وأنصح أخواني أنهم ما يعطون طيورهم الى الحمامه النشيطه أو يقللون من الحمام كثر مايقدرون .

[y5393y]

السلام عليكم ورحمة الله وبركاته
هذه معلومه مجربه

كانت عندي شويهنه وكان عزكم الله مرشها تقذفه بعيد (اعزكم الله)
بس والله ما شفت مثل سرعتها طياره مره.
يمكن كلام اخونا السائل صحيح.

[رضوان]

السلام عليكم
هذه المعلومه غير صحيحه
لانى اربط الطيور من اكثر من عشرين عام ولا مره مرة عليا هذه الحاله

[فارس العجمي]

يا هلا اخوووي ما قصروو الربع ولا اخووي ابوو معيض عن المرش الله يكرمكم وهذا اكثر الشواهين مرشها بعيد
اما الجساس واعراضه ضعف في الطير يتغير الطياره ويقل لاين ما يقدر يطير بروز عضمة العظم وعلاجه كم يوم مع حبوب العلف الطيب
انتقاله للطير من حمامه مريضه اوو ماء شرب منه حمام مريض

[بارود قطر]

السلام عيلكم.....الطيور تختلف و مهب شرط يكون مرش الطير بعيد علشان يكون (سبوق) لأن اكثر الحرار مرشه مايروح بعيد ويكون فيها السبوق وفيها الي طياره عاثر....اما الشواهين أغلبها يكون مرشها بعيد ويختلف السبق من شاهين لشاهين ثاني....وطبعا نادر مايكون حر فيه سبق مثل الشاهين..لأن أغلب الشواهين اسبق من الحرار...والي عنده حر سبوق ويقارب لسبق الشاهين (يخزن عليه للزمان الجاي..ويجتهد عليه في المقيظ علشان تكون غسلته حلوه).......مع تحياتي لجميع الصقارين

__________________

[الهدهد]

السلام عليكم

اخي العزيز مرض الجساس هو مرض قاتل اذا تمكن منالطيرواعراض المرض....
ان يبدأ الطير بالضعف ثم يزيد المرض ويزيد الضعف فيكون واضح..
أن يبدأ الطير برخو الجناحين.
تقل شهيته للعلف. يكون واضح الخمول..
وعلاج الطير حبوب تعطى له مع العلف لمدة خمس ايام..
ويقول المثل أسال مجرب ولا تسال طبيب ;)