سؤال يالنشامى ....

[ابو فهيد.]

متى انسب وقت لشنذرة الطير
يعني وهو عالف والا جوعان والا والا
وكم الفتره ببين الشنذره والعلف بعدها

[روووح]

لازم يكون الطير جوعان ولا تعلفه الا بعد 5 او 6 ساعات

[أبو_خالد]

إن شاء الله أهل الخبرة يفيدونك


تقبل مروري

[987]

لازم الطير يكون جوعان ومافي روباجه او اي شيء بالمعلف

يجب بعد عملية الشنذره اعطاء الطير اللحم الصافي الخالي من العضام والريش على الاقل لمدة 3 ايام لان جدار
المعده يكون ضعيف وممكن ان تتسب العضام في جرح جدار المعده
يجب بعد عمليه الشنذره اسقاء الطير الماء لتعويضه السوائل التي فقدها عند عمليه التقيء ولكي تبرد جوفه

[حطاب11]

ماقصر 987 عطاك العلم .


تحياتي ..

[صقار البحرين]

الله يحيك ياخوي

بخصوص الشناذر لها طريقه متبعه وانت لازم تتبعها

1- لازم يكون الطير ماهو ضعيف
2- لازم يكون انه صاحي مافيه اي مرض خصوص القلاع
3- حاول انك تعطيه الشناذر ومايكون عنده رابوج
4- انصحك انك ماتشنذره هذي الايام ( البرد ) يضره اكثره من ما ينفعه
5- لازم يكون اللي بيشنذر الطير عنده خبره في طريقة الشناذر

اخوك بوعلي

[..@القناص@..]

اخوي ....
نصيحه لاتعطيه الاواحد خبير بالشناذر
لان واجد نسمع بوحد شنذر طيره ومات

[ابو فهيد.]

هو طرح هالسنه وقلت ان كان فيه شي بيحذفه ان شاء الله
ولكن ابصبر اليومين لين يخف البرد شوي

الله لايهينكم عزالله مكفين وموفين كلن باسمه

[صقار البيداء]

ابو فهيد / طبعن الاخوان ماقصروا وافادوك خصوصا الاخ 987 واضيف على كلامه ان الطير لازم يكون صنيع ( عديد ) انتبه لاتشنذره والطير ضعيف ويفضل الشناذر تكون كبر الظفر الاصبع وان تحكها زين بحيث مايكون فيها زوايد حاده تجرح المعلف وارجوا اني افدتك وتقبل مروري

[روووح]

ابو فهيد انت تقول طرح هالسنه لا يكون فرخ ترى الفروخ ما تشنذر

[ابوميلاف]

أفضل وقت للشنذره يكون الضحا بعد أن يرمي الروباجه و تكون المعده خاليه . و بعد الشنذره بخمس ساعات يعطى الطير لحم خالي من العظم و الريش .

[الاشعل 316]

ما قصروا الاخوان