استفسار بخصوص قارمن 276 c

[aaff35]

لدي جهاز قارمن 276c واريد ان اذهب الى شخص ما في مكان ما حيث ان هذا الشخص اعطاني الاحداثيات لموقعه واريد ان ادخل الاحداثيات في الجهاز واذهب الى هذا الشخص . فهل هذا ممكن في هذا الجهاز ؟
ارجو من أهل الخبرة ان يخبروني عن هذه الميزة هل هي موجوده ام لا وكيف عملها؟
مع الشكر الجزيل لكل القائمين على هذا المنتدى العريق

[سيف الناصر]

اسهل شي في الجهاز هو تخزين موقع او ادخال احداثية

اللي عليك انك تضغط ضغطة طويلة على زر ادخل بعدها تجيك صفحة جديدة ومكتوب فيها
نقطة جديدة كل اللي عليك انك تروح عند كلمة الموقع ونحصل فيها احداثيات موقعك اللي انت واقف فيه
بس روح عندها واضغط زر ادخل وبعد كذا عدل في الارقام عن طريق الاسهم يمين ويسار يحرك الخانات وفوق وتحت يحرك الارقام
ولما تخلص اضغط زر ادخل وبعد كذا ممكن تروح فوق وتغير الاسم وفي النهاية انزل تحت عند كلمة موافق واضغط ادخل .

[abuyeara]

السلام عليكم ورحمة الله وبركاته

طيب واللي يبي يسجل مسار وبعدين يرجع على نفس المسار وشلون

[سعود سالم]

اشكرك اخي ( سيف الناصر (http://www.mekshat.com/vb/member.php?u=46326) ) نيابة عن ( aaff35 (http://www.mekshat.com/vb/member.php?u=51875) ) على تجاوبك
لكن وينك كمّل معروفك وجاوب لنا على استفسار اخي (abuyeara (http://www.mekshat.com/vb/member.php?u=107391) )
إذا كانت عندك المعلومة

[سيف الناصر]

اما من ناحية تسجيل المسار فالجهاز هو اوتوماتيك مجرد مايستقبل الاقمار على طول يرسم المسار بس انت اللي عليك قبل ماتتحرك تحفظ نقطة وتمشي وانت مجرد ما تمشي خلاص الجهاز على طول يرسم حركاتك كلها واذا بغيت ترجع روح على النقطه اللي خزنتها وقله اذهب الى يصير الجهاز يعطيك خط طولي من مكانك الى النقطة اللي انت رايح لها والحهاز مايدلك او يوجهك على خطك اللي انت جيت منه بس انتاللي عليك انك تشوف خطك اللي انت جيت منه وارجع عليه .

ملاحظة مهمه

انت في الروحه تحتاج ان الجهاز يرسم معك الخط بس في الرجعه ما تحتاج انه يرسم لانه لو رسم يعطيك خطين فوق بعض ولو جيت من نفس الخط مره ثانيه تعبت الشاشة خطوط والطريقة انك في الروحه اعطيه امر بالرسم وفي الجيه وقف الرسم

الطريقة
اضغط قائمة مرتين وبعدين انزل على كلمة المسار واضغط سهم يمين
عندك عدة خيارات اللي يهمك وضع التسجيل روح واضغط ادخل وتجيك ثلاث خيارات غلاف (يعني يرسم)
وعندك لايعمل ويعني واقف .