المساعد الشخصي الرقمي

مشاهدة النسخة كاملة : اهل الخبره في الماطور الكهرباء .....؟


العوودي
03/01/2009, 08:57 PM
السلام عليكم ورحمة الله وبركاته

الاخوان انا ابحث عن ماطور كهرباء بنزين ياليت اللي حوله واحد او يعرف محل مختص ويكون رخيص وكويس مافي مشكلة لو كان مستعمل

بركب عليه تلفزيون ورسيفر وكذلك اربع لمبات و شاحن جوال وشكرا
ناااادرالوجود
03/01/2009, 10:08 PM
سكو عند حلويات سعد دين
أبو طلال-نقوه
03/01/2009, 11:07 PM
أنصحك بالروبن الياباني حجم 950....ممتااااااااز.
Magellan
04/01/2009, 01:13 AM
السلام عليكم ورحمة الله وبركاته



الاخوان انا ابحث عن ماطور كهرباء بنزين ياليت اللي حوله واحد او يعرف محل مختص ويكون رخيص وكويس مافي مشكلة لو كان مستعمل



بركب عليه تلفزيون ورسيفر وكذلك اربع لمبات و شاحن جوال وشكرا



أنا خبير مواطير من الدرجة الأولى:D
وأنا أخوك جربت أنواع كثيرة ومن بينها المحولات اللي تركب على السيارة
بصراحة المحولات ماتجمل وكل شوي مشغل السيارة وخصوصا عندك تلفزيون ولمبات...
أما المواطير فكانت لي معها سالفة وكانت تجربتي بالصيني أبو 300 ريال اللي يباع في كارفور
وقعد معي 3 أسابيع وعقبها جيم
وأخترت هوندا واشتغل سنة ولا أحلى بدون مشاكل وإنسرق
وبعده روبن تجميع صيني وقعد شهرين وخرب
والحين ميتسوبيشي له 13 شهر وفقط أعبيه بنزين وأغير زيته

الخلاصة: عليك بالهوندا ثم الهوندا فهو لك وللزمن
وإنتبه تاحذ اللي يتم خلط البنزين مع الزيت،تأكد إن صرة الزيت لحالها
وإذا تبي ترتاح خذ اللي معه سلف ، مع إن الهندل حليو ولافيه مشاكل إلا إذا إنقطع وتغييره سهل ورخيص
وأخبر فيه هوندا 900 شمعه يفي بغرضك..

أخبر قبل أسبوعين واحد بالحراج عارض 3000 شمعه هوندا ياباني بنزين سلف وهندل مستعمل ويبي فيه البنقالي 2400 و،والله إنه نظيف وبغيت أخذه
Magellan
04/01/2009, 01:26 AM
مشاركة إضافية:
العوودي ماوضحت لنا مكان إقامتك
كان أقولك بالرياض لاتتعدى شارع الريل فيه المواطير الطيبة
طبعا ترى اللي في ساكو وكارفور وهايبربنده والعثيم شغل مشي حالك
والله تراي تندمت على الصيني ودفعت فيه 600 ريال لماطورين وكلهن ماشتغلن أكثر من شهر ونص..

وفيه عند اشارة الريل مع الفرزدق وكيل هوندا
تلقى عنده ماطور كاتم للصوت بحدود 900 شمعه بس غويلي
ولو ردت علي أره فلوسك شوي وخلك بحدود 2000 ريال عشان ماتندم بكره مثل ندامتي على شغل البربسة
يعيش معك ولو بغيته مافشلك مثل الصيني
وترى الهوندا يجي تجميع هندي وصيني وخلك على الأصلي تجميع اليابان

والخطوة الثانية:إذا تعرفت على الأنواع من شارع الريل بإمكانك تروح للحراج وتشوف الزين واللي إستعماله زين

وخذ بالك لازم تعرف حجم التانكي لأن الهوندا عيبه صغر التانكي بالنسبة للأحجام الصغيرة ممكن يقطع بعد 5 ساعات، فإذا أخذته تداريه بتعبيته وهو شغال ماعندك مشكلة قبل مايفضى التانكي