ضروري المشاركه من الجميع لاحد بدخل بدون مايرد

[أبو هنطش]

السلام عليكم ورحمه الله وبركاته


اخواني اعضاء ومشرفين مكشات الغالين

عندي سوال ومحيرني مره وياليت احصل الاجابه الوافيه عندكم


حبيت اعرف عن افضل سلوقي بالسعوديه وعن افضل سلقه بالسعوديه

وعارف انه راح يرد كذا واحد يقول صعب الاختيار افضل سلوقي في السعوديه لانه كثير الطيب

لاكن اذا كان صعب عايك حدد كذا اسم مو مشكله الاسامي والمنطقه في اي منطقه هو

مثل عندك الحجاز الاحساء الدوادمي الرياض القصيم وكذا منطقه بالسعوديه

وشكرااااااااااا للجميع ارجوا الدخول والتفاعل من قبل الاعضاء الفعالبن

مثل ذيب عتيبه سلطان العوني طلو القناص القحطاني الفيتو راعي جدعان راعي الفلوجه

راعي االرام صياد الوعل قناص سوريا

واعذروني ان عن نسيان باقي اسماي الاعضاء والله اني ناسي الكثير منها وشكرا لكم

[دخنآوي]

اعذرني والله ماعرف


السلقااان وااااااااجد

[دنيا بلا معنى]

يعطيك العافيه انا الي اعرف واحد ذكري سلقان عند السديري ما درجن عند احد قبله سلق والى سلقه وبعدين مدري وين والن لكن اخر علمي بهن بتبوكـ ,,,,,,,,,,,,,,,,,,,,,, لكن خلني اموشك لي بسؤال بعد هههههههههههه .؟؟؟
وشلون افضل سلق الى يطرحن ضباء واجد والارانب بالمثل والطيب والطبع كثيييييير بهن وشولون اقيس انو افضل واحد وعموما في سلق الي يطرح الضبي الاسود انا شفته بمقطع باليوتيوب اسمه سلق بن دلموك والله طيب واسف على الاطاله وارجووووووا لرد على السؤؤال؟؟؟؟؟

[عثمان المطيري]

الطيب وآجد

والي اعرفه

(سلقآن الحجآز) الحجآز + (سلقآن المآجد) الحسآ

والطيب كثير لأكن الي وصلنآ صيته للكويت هذى السلالات . . . وهي ملك موآطنين سعوديين

[القناص 1234]

انا بس اقدر اجوب عن السلق السلق متنقل اسمه العقرب

[ابو تمام]

موضوع شائك وماراح توصل نتيجه ؟ مع ان الاكثر عارفين اقوى السلق وين؟؟؟

[.تقوى الهجر.]

هنااااااااااااا لابد من وجوود تحدي مثل الي صاااار قبل فترهه واخذته السعوووديه على الخليج كله والسلق والله الي لهن صيت معرووووفه اهل الدوادمي

[خيال ابن خيال]

كل واحد يقول سلقنا احسن شي

[شهاب حايل]

عندك سلق صياد الوعل بالحجآز مشاء الله لعيهن
وعندك ملهوف مشاء الله عليه بالدوادمي

والله يالغالي اذا توضح وش تبي انت بالضبط يكون احسن لاني ذكرت حقات الضبا بس

واسف كاني ناسين احد او شي

[نفاج]

والله في نظري بوش في الأحساء لكن مات وحتا عياله فعلهم طيب

[راعي جدعان]

وعليكم السلام والرحمه

حياك الله اخوي ابو هنطش

السلق صعبه بتحدد الطيب لا كن انا اتوقع انك تقصد من ناحيت المهدات

بس انا ابقولك فيه ناس نعرفهم عندهم سلق طيبه ولاهم راعين مهدات ناس راعين مقناص

وانا اتوقع لو يدخلون ساحت المهدات بيصير لكلابهم صيت قوي لا كن اللي اعرفه

على الساحه الى الان ماطلع عليه شئ سلق صياد الوعل ابو عبدالملك ويستاهل كله من جهده

واتمنى محد يشيل بالخاطر اذا نسيناه وكلن راضي باللي عنده والزين يفرض نفسه

والسلام ختام

[سلطان العوني]

الله السلق واجد الطيبه

عندك طراح ريشه ملك صياد الوعل بالحجاز

عندك عقرب الحمرا على ما اظن عند محمد سعود الودعاني الاحساء
عندك هاي هاي و باي باي عند اخونا طبيعي وبو راشد الاحسا
عندك عجله لاخونا شعيب الرويس في الدوادمي
وفيه كلاب واجد ما لها سمعه وقويه

واعذروني اذا اخطأت بأسماء الملاك

[الحرالنداوي]

معروفه من هي اطيب وحده بالسعوديه سواء ارنب ظبي (شعله) ملك صياد الوعل لكن السنه هذا ماهدها وبصراحه ما الومه لان مالها منافس

بالنسبه للسنه هذي طراح لصياد الوعل

[جزاع العتيبي]

فيه ناس نعرفهم عندهم سلق طيبه ولاهم راعين مهدات ناس راعين مقناص

وانا اتوقع لو يدخلون ساحت المهدات بيصير لكلابهم صيت قوي
مازيد على كلام اخوي راعي جدعان والله صادق باللي قاله


اما بالنسبه للسلوقي الطيب ماقصرو الشباب بذكرهم ولا ودي ازيد على كلامهم
تقبل مروري

[راعي سبحة]

أنا أشووف
ان بكل منطقه أو مدينه سلوقي أو سلقه له حقه وكل الديرهـ يعرفونها
مثلا ملهووف بالدوادمي
وطراح وشعله بالحجاز
بوش وحلوى بالاحساء
وبالقصيم واااااااجد واااااجد اللي نشوفه بس الكل متحفظ به ولا ودهـ يطلعه
هذا اللي أشوفه وأسمع به
تقبل مروري
راعي سبحة

[أبو هنطش]

مشكوووووورين جميعا على التعليق وننتظر باقي الاعضاء للتعليق وشكرا لكم