المساعد الشخصي الرقمي

مشاهدة النسخة كاملة : no تغريز بعد اليوم؟؟؟؟؟؟؟؟؟؟؟؟؟؟؟


القضاع
22/03/2004, 01:36 PM
بسم الله الرحمن الرحيم
السلام عليكم ورحمة الله وبركاته
ايشرايكم ياجماعة الربع لو قصينا لنا اربع حدايد كل واحده بطول 120 سم وعرض 20 سم وسماكة 5 ملم ونستخدمهم في حالة التغريز نضعها تحت الكفرات بعد الحفر القليل بدلا عن الخشب او غيره.
ونقص حديده اصغر حجم منهم قليلا وذلك لاستخدام العفريته لرفع السياره في حالة التغريز او تصليح البنشر على الرمل علشان ماتغطس العفريه بالرمل.
وتخزينها يكون بالشاصي من وراء يترهم لها بلوط لتثبيتها جيدا علشان ماتقرقع.
من مميزاتها انها سهلة الاستخدام خفيفه ولا تاخذ حيز كبير بالتخزين.
اسف للاطاله.
ودم دم دمتم سالمين
مشغول
22/03/2004, 01:54 PM
هلا والله بالقضاع


الفكرة واجد حلوة وممكن تنفيذها بسهوله .

وهلا بك
مهيلان
22/03/2004, 07:23 PM
مشكور اخوي القضاع

والفكره تتكون من جزئين

الاول : سبق ان رايته ويستخدمونه اهل الرمله ويسمى الصيجان

الثاني فكرته حلوه للعفريته

عموما ما قصرت اخوي القضاع

ودمت سالما
ابو ايمن
22/03/2004, 08:05 PM
ماقصرت اخوي القضاع .

وهل جربتها أو رأيتها .

والحقيقة أتصور ان الخشب أفضل بالنسبة للغراز والكفرات ماتدور عليه مثل الحديد .
إلا إذا كان الحديد يميل الى الخشونة يعني محبب .

شكرا لك .
تحياتــــي .
ابو مساعد
22/03/2004, 11:59 PM
السلام عليكم ورحمة الله وبركاته

فكره ممتازه جدا وتشكر ياخ القضاع ....

تحياتي .
جميل جمال
23/03/2004, 02:56 AM
مثل ما قال اخوي مهيلان الفكره الاولى اهل الرمله يستخدمونه لانها تفيد بالرباضات ..

الفكره الثانيه اخوي القضاع ..

ممكن ان الصاجه ما تتساوى على الرمل مظبوط ولما ترفع السياره على العفريته تسقط السياره ..

وهذا للاسف ما حصل لي قبل ايام حيث انه انفصخ علي احد الكفرات وانا بالنفود وحطيته بلكه ورفعت بالعفريته عشان ما تغيص العفريته بالرمل وبالفعل صارت العفريته مايله شي بسيط وطاحت السياره لكن من حسن الحظ اني حاط الكفر تحت السياره ولا كان خلف الله على الهوب ...
القانوص
23/03/2004, 11:43 AM
السلام عليكم ورحمة الله وبركاته
طريقة حلوة يا اخ القضاع ولكن اذا كنت مثبت الحديد تحت بالشاصي وغرزت اعتقد انك ما تقدر تطلعها من تحت السيارة الا اذا حفرت تحت السيارة وهذا متعب بعض الشىء.
شايب الصمان
23/03/2004, 11:48 PM
فكره ممتازه
ويمكن عملها من جزأين 60سم
يعني عمل الجزاء الاول 60سم ومن يعمل في طرفه من الزاويتين حلقتين ومن طرف الجزاءالثاني المقابل
يعمل اطراف تدخل بالحلقات ويصبح طولها الطول المطلوب -حتى يسهل نقلها ولاتاخذ مكان كبير 0
اما الجزاء الخاص بالعفريته فافضل البالون النوع الجيد برفع السياره بدون خطر الانزلق0
والله الموفق سبحانه
ساق الجواء
24/03/2004, 01:00 PM
أخي القضاع:

تقول لا تغريز بعد اليوم وأنت تتحدث عن طرق إخراج السيارت بعد تغريزها.

بالنسبة لإخراج السيارت بعد تغريزه افأحسن من صاجات الحديد أو ألواح الخشب (في الخفة والقوة وثبات الكفرات) شبوك الفايبر قلاص تضعها فوق السلة وبعد الغراز تضعها تحت الكفرات. وهي تكون مصممة مثل الشبوك التي تستخدم كدعاسات في مداخل العمائر. هذا ما يستخدمة الغربيون المحترفون.

أما العفريتة وقاعدتها فأحسن منها العفريتة العالية (High lift jack) فهي لها قاعدة وتستخدمها على الصدام أو غيره بدون حفر وتستطيع استخدامها كونش لسحب السيارة وتوجد عند بعض محلات الرحلات والزينة.

أما عفريتة السيارة الاصلية لتبديل الكفرات في حالة البنشر فقط.
المربد
24/03/2004, 02:11 PM
انا استخدم زوايا حديد سويت منها سلـّـم صغير بطول متر وعرض 20سم وهي خفيفة الحمل وسهلة الاستعمال وقوية ولا يزلق منها الكفر واربطها بالصدام الامامي.

ولكنها تغوص بالرمل اذا طلعت السيارة فتحتاج تبحث عنها ، والحل الاسلم انك تربطها بحبل طيل شوي وتربط الحبل بالسيارة من الخلف حتى اذا طلعت السيارة ما ترجع تبحث عنها تلقى السيارة ساحبة لك السلالم.
ابو شكاع
25/03/2004, 03:48 AM
شكرا لك اخوي قضاع

ولكن السؤال هو .... هل يستطيع الكفر ان يكون ملتصق بالحديد اثناء التغريسة او ينزلق ولا تستفيد منه ؟؟

خصوصا في وجود الرمل ؟

شكرا لك ولاهنت