ريوق+غدا=جباتي+كبسة حمرا من اخت مبارك

[أخت مبارك]

السلام عليكم ور حمة الله

سبحان الله وبحمدة سبحان الله العظيم

جبت لكم ريوقنا وغدانا مره وحده وعازمتكم بعد تفضلوووووا

ولاتقولون ماعزمتكم ترا بزعل

المهم الريوق اليوم كان جباتي ،، براتا،،وان شاء الله تتعلمون الطريقه وتطبقونها بالبر والبيت

جبتها لكم بالتفصيل الممل اللي محد فصله وملله من قبل عشان ماتقولون اخت مبارك ماصورت لنا ولاطبقت

ماشاء الله تبارك الرحمن

نبتدي

هذي صورة الكيس حق الطحين اللي نستعمله للجباتي وينباع بسوبر ماركت ميغا مارت واذا ماتواجد عندكم استخدموا طحين رقم 2 اللي يجي شوي اسمر
وبالسعوديه يسمونه دقيق البر واحسن شي نصيحه مني تستعملون هالطحين او طحين البر لان الدقيق الابيض يخلي الجباتي يصير يابس واساسا الجباتي مايعملونه الا بهالدقيق الاسمر

http://www.mekshat.com/pix/upload02/images94/mk106353_1.jpg

ننخل الطحين ماهو ظروري ننخله هو منخول وجاهز ونظيف مره بس اللي يحب ينخله براحته

http://www.mekshat.com/pix/upload02/images94/mk106353_2.jpg

نعجنه بالماء وشوي ملح وبعد مانعجنه نعمل حفر صغيره هالشكل بالاصابع ونرشها قليل جدا من الماء عشان يتخمر نص ساعه بسسسسسسس

http://www.mekshat.com/pix/upload02/images94/mk106353_3.jpg

بعد مايخمر نعجن العجينه مره اخرى باليد وعقب نقسمها هالشكل

http://www.mekshat.com/pix/upload02/images94/mk106353_4.jpg

ناخذ قطعه من هالقطع ونرقها بالنشابه وبعدين نضيف ملعقة زيت ونمسحها بالزيت

http://www.mekshat.com/pix/upload02/images94/mk106353_5.jpg

بعدين نلفها هالشكل

http://www.mekshat.com/pix/upload02/images94/mk106353_6.jpg

نقطعها هالشكل

http://www.mekshat.com/pix/upload02/images94/mk106353_7.jpg

ونرق العجينات الباقيات بالصينيه ونقطعهم ونسويهم كذا عشان نجهزهم للرق

http://www.mekshat.com/pix/upload02/images94/mk106353_9.jpg

بعد الرق


http://www.mekshat.com/pix/upload02/images94/mk106353_8.jpg

نحط وحده بالتاو اولشي نسخن التاوه زين وبعدين نخليها تستوي على الجهه الاولى

http://www.mekshat.com/pix/upload02/images94/mk106353_10.jpg

يتبع يتبع يتبع

[أخت مبارك]

نقلبه الجهه الثانيه
http://www.mekshat.com/pix/upload02/images94/mk106353_11.jpg

احين ناخذ ملعقة خشبيه كبيره او ملاس ونضغط على الجباتي بعد ماشبه يستوي عشان ينتفخ
هالشكل وممن استخدام قماشه نضيفه نكورها نعملها مثل وساه صغيره تكون احسن واسهل بعد

http://www.mekshat.com/pix/upload02/images94/mk106353_12.jpg

احين بعد مايحمر شوي الجباتي نحط الزيت هالشكل

http://www.mekshat.com/pix/upload02/images94/mk106353_13.jpg

شوفوا النفخه كيف

http://www.mekshat.com/pix/upload02/images94/mk106353_14.jpg

وووووووووه خلصنااااااااااااااا مابغينا بـــــــــــــل وهذا شكل الجباتي بعد مانخلص منه وصورته لكم صوره بدون فلاش

http://www.mekshat.com/pix/upload02/images94/mk106353_15.jpg

صورة بالفلاششش

http://www.mekshat.com/pix/upload02/images94/mk106353_16.jpg

تفضلوووووووووا مع جبنة ابو الولد فديتها مال اول وقلاص شاي كررررررررك

http://www.mekshat.com/pix/upload02/images94/mk106353_17.jpg

طبعا الجباتي والكرك من يد الوالده ربي يسلمها ويحفظها وان شاء الله عجبكم الاكشن والاخراج واتمنى كلشي كان واضح وصريح




والغدا انا مسويته
كبسة حمرا بلحم الخروف
كيلو لحم
رز حسب الكميه المطلوبه بكيفكم
اربع اكواب الى خمس ماء حار
كزبرة خضرا شوي
2 طماطم كبيره ومقشره ومنزوعة البذور ومقطعه
البهارات
تشكيله من بهارات الحب والليمون الاسود
وبهارات المطحونه هي كركم نص ملعقة صغيره
بزار ملعقتين صغار
ملح ملعقتين
وملعقة صغيره فلفل احمر
ومثلها فلفل اسود
علبة صلصة السعودية
3 فلفل اخضر حار مدقوق
والطريقه احين بالصور نبتدي
ماشاء الله تبارك الرحمن

صورة لبهارات الحب الخاصه بهالوصفه
http://www.mekshat.com/pix/upload02/images94/mk106353_40.jpg

ندق الفلفل

http://www.mekshat.com/pix/upload02/images94/mk106353_3171719073_99c0448c51.jpg
اولشي طبعا نسويه
ناخذ اللحم ونحط عليه ملعقة ثوم وزنجبيل ملعقة كبيره

http://www.mekshat.com/pix/upload02/images94/mk106353_3171719093_b14174803b.jpg

يتبع يتبع يتبع

[أخت مبارك]

نحط الفلفل اللي دقيناه

http://www.mekshat.com/pix/upload02/images94/mk106353_3171719101_a81b8462b3.jpg

نحط البزار والكركم والملح

http://www.mekshat.com/pix/upload02/images94/mk106353_3171719105_d0ba37417c.jpg

http://www.mekshat.com/pix/upload02/images94/mk106353_3171719113_8a0fbe72a0.jpg

http://www.mekshat.com/pix/upload02/images94/mk106353_3171719115_fac5850965.jpg

نخلطهم سو وهذا شكله بعد الخلط ونخليه يتخمر مدة ساعتين قبل الطبخ

http://www.mekshat.com/pix/upload02/images94/mk106353_3171734479_bd60e8b997.jpg

صورة للزيت اللي استعمله صحححححي ينصح به الاطباااء

http://www.mekshat.com/pix/upload02/images94/mk106353_3171734485_ab2766993d.jpg

نحط الزيت اهم شي يصير حاررررررررررر ونروح بعيد عقب نرمي البصل بالزيت الحار ونغطي القدر شوي يتحمر

http://www.mekshat.com/pix/upload02/images94/mk106353_30.jpg

بعد مايتحمر شوي نحط ثوم زنجبيل ملعقة بس

http://www.mekshat.com/pix/upload02/images94/mk106353_33.jpg

نحط بقية البهارات وبعدين نضيف الفلفل احمر انا حطيت هالنوعيه لان المطحون مدري وين مختفي بس بعد هذا عجيب ترا

http://www.mekshat.com/pix/upload02/images94/mk106353_3171734497_563168e728.jpg

نحمس وحنا ساكتين ونستحمل

http://www.mekshat.com/pix/upload02/images94/mk106353_3171734501_b0b07cedc6.jpg
يتبع يتبع يتبع

<<<<<<< ذبحتيهم

[أخت مبارك]

نضيف الليمون الاسود وبهارات الحب مع ورق الغار

http://www.mekshat.com/pix/upload02/images94/mk106353_3171734507_447abc235b.jpg

نضيف الطماطم المقطعه وعقبه الصلصلة ونحرك خمس دقايق

http://www.mekshat.com/pix/upload02/images94/mk106353_3172828734_02198b7f07.jpg

نغلي الماء وعلى مالماء يغلي نحط اللحم ونحررررك شوي ونخليه

http://www.mekshat.com/pix/upload02/images94/mk106353_3171734511_b224d2c410.jpg

نصب الماء تقريبا اربع اكواب

http://www.mekshat.com/pix/upload02/images94/mk106353_098.jpg

نشيل اللحم على جنب
ونخلي المرق يغلي ونضيف الكزبره الخضرا

http://www.mekshat.com/pix/upload02/images94/mk106353_3172579064_c68710a883.jpg

نحط الرز ونخليه اولشي على نار عاليه وبعدين ينشف الماء شوي نهدي النار ونرجع فوقه اللحم ونغطي القدر ونخليه ربع ساعه

http://www.mekshat.com/pix/upload02/images94/mk106353_123.jpg

صورته عند التقديم بلا فلاش

http://www.mekshat.com/pix/upload02/images94/mk106353_222.jpg

بالفلاش

http://www.mekshat.com/pix/upload02/images94/mk106353_3172579074_d19592ecf0.jpg

http://www.mekshat.com/pix/upload02/images94/mk106353_3172579076_19c6e201cc.jpg

اقــــــــــــــــربــــــــوا

http://www.mekshat.com/pix/upload02/images94/mk106353_3171759471_c1f9a703a9.jpg

بالعافيه على قلوبنا وقلوبكم ان شاء الله
وانتظر صور تطبيقكم بفارق الصبر

[المبتكر1]

ما شاء الله عليك شغل مميز ما قصرتي
بس اليوم اسمحي لنا عشان صيام تعرفين عاشوراء يكفر السنة الماضية نسأل الله القبول
أجلي عزيمتك إلى وقت لاحق ان شاء الله
وعليكم بالصحة والعافية
مشكووووورة

[أخت مبارك]

هلا اخوي المبتكر هذا عفكره ريوق وغدا اول امس بس حطيته اليوم
لان الصور اخذت معاي وقت وايد للتعديل والتحميل
وان شالله دش بعد الصيام وافطر
الله يتقبل صيامنا وصيامكم يارب
وعساك عالقوه

[مطارد]

ما شاء الله تبارك الله مشكورة اختي وما قصرتي .

[أبو سعد115]

كل الشكر بالعافية

[ابونواف2008]

شغل مرتب

بس اختي الزيت هذا وين احصله ؟؟

اقصد يوجد باي محل والا في المحلات الكبار زي بنده والعثيم ؟؟؟

[متيم البر]

سلمت يداك يا مولينكس، قصدي يا اخت مبارك
بس سؤالي وش نوع الرز اللي استخدمتيه
مع التحية

[رحال 6]

شغل تمام ومسكّت


وأكلات لذيذه :p


سلمت يداك ويديّ والدتك:good:

[الصقار10]

هذي يبغالها دوره من اسبوعين لثلاثة اسابيع + اختبارات نهائية ..
تسلم يدينك يا اخت مبارك

[سطام vip]

حركااااااااااات ريوق وغداء

ما شاء الله على الوالده الله يحفظها لك الجباتي شكله وتحميرته روووعه

الله يعطيها العافيه وصراحه جبنة ابو ولد زمان يا فن هههههههه

بالنسبه للغداء تسلم ايدك اخت مبارك طبخه ولا اروع

ويالله صباح خير

الف شكر لك ودمتي بحفظ المولى

[سوسة حطب]

تسلمين
أنت يالي حاط صورة ( عبسي ) يبي يفر من إعصار الكره السويسرية طيب وبعدين الكوره مع الإعصار ولا أهم شي عندكم الكوبري !!!!!! خلاص أكثر فريق يدخل كباري أنتم
ههههههههههههههههههههههههههههههههههههههههه

[عشانا]

ماشاء الله شغل تمام
بس وش نوع الرز حبته طويله

[منصور بن فلاح]

وااااو شغلك عدل :good: يا اخت مبارك

بس ليتني ما دخلت

اللهم اني صائــم

تسلم يديك والله يرزقني بوحده شغلها مثل شغـلك

تحياتـي

[بن شرار]

مشكوره اخت مبارك على الموضوع

اكلات رائعه لاعدمنا جديدك ارقى اتحيه
تسلمين
أنت يالي حاط صورة ( عبسي ) يبي يفر من إعصار الكره السويسرية طيب وبعدين الكوره مع الإعصار ولا أهم شي عندكم الكوبري !!!!!! خلاص أكثر فريق يدخل كباري أنتم
ههههههههههههههههههههههههههههههههههههههههه


شكلك هلالي متعصب

[مكشاتي متواصل]

بسم الله عليك وعلى امك

[محمد السريع]

السلام عليكم إخت مبارك
السلام عليكم الأخوه المكشاتيين
أنا مكشاتي جديد وايد عجبني المنتدي من حوالي شهرين وأنا متابع شبه يومي
إخت مبارك من أمس قررت أسجل بالمنتدي والسبب هو أني أبي أسألج شنو نوع كامرتك وشني الأوضاع اللي تستخدمينها ؟
تري تصويرها وايد روعه خصوصا بالتصوير الليلي.
لأن عندي مشكلة مع الفلاش.
تري البرياني روعه وهم البراتا الله يهنيكم وبالعافيه

[أخت مبارك]

نــــــــــــــــــــــــــــــــــــــــوع الــــــــــــــــــــــرز اللي استعملته اسمه
بـــــــــــــــــــــاب الــــــــــــــــــهند
وايـــــــــــــــــــــــــــــــــــــد عجـــــــــــــــــــــــــــــــــيب
ومانــــــــــــــــــــــــــــستخدم غيـــــــــــــــــــــــــــــــرة

[المستوي 1]

ما شاء الله
و الله ما توقعة انه يطلع خبز

لكن وش سالفة الحليب مه الرز

[no fear 78]

يا سلام عليش طباخه ماهره عاد هذي كوم و كاس الحليب الكرك كوم اسلي

تسلم الأيادي

[راعي بيشة]

يعطيك العافية شغل ممتاااااز

بس صايمين الله يكتب الأجر

والموعد المغرب

[ابو كلام]

ما شاء الله جباتي خطير

[المبتكر1]

تسلم يور هاند

[اخوخالد]

يعطيك العافيه وماقصرتي ,,,,,

[أخت مبارك]

المستوووووووووووي هههههههههههههه

مدري شسوي اضحك والا ابكي
هذا مو حليب ياحضي هذا لبن

[أخت مبارك]

شكرا لكم اخواني كلكم على تواجدكم وردودكم الحلوه

[عزوا]

شغل يشهي
تسلم يدينك ويدين الوالده

[رحال الخليج]

ماشاء الله تسلم ايدك بصراحه روعه
جوعتينا الله يهديك
عليكم بالف صحه وعافيه يارب

[وادي الرمة]

ماشاء الله يعطيك العافية

[رحال]

مساك الله بالخير والسعادة اختي / اخت مبارك وحياك الله ..
بصراحه شغل مرتب ونجحتي في المهمتين ( جباتي والكبسة الحمرا )
الله يعطيك العافيه وكثر الله خيرك ..
هذا اللي مايخليني ادخل خيمة الطبخ غير هذي المواضيع :)
الحين وبعد المشاهدة جعت وش اسوي :D

الله يبارك فيك ويخليك دوم لمكشات
اتمنى لك التوفيق
اخوك بوخليفه

[أخت مبارك]

شكرا لكم اخواني الكرام على مروركم الطيب نورتوا هلابكم

وشكرا لك اخوي الطيب مشرفنا رحال على مرورك الطيب نورت ياهلابك
سلامتكم من الجوووووووع
ياهلا زارتنا البركه

[أخت مبارك]

الزيت ياشباب اللي استعملته اسمه كونــــــــــــــولا
معروف جدا ويباع بالتأكيد في المخازن الكبرى بالسعوديه قسم الزيوت
بس تاكدو ان مكتوب عليه كونولا في علب نفسه بس مامكتوب عليها كونولا
وشسمونه بعد نسيت
ايه تذكرت مدري بعد المخازن الكبرى مفتوحه عندكم والا صكوه لان الي عندنا احترق وصكوه
وفتحوا عندنا اللي احسن منه لولو هايبر ماركت
عموما هالزيت حنا نشتريه من ميغا مارت سوبر ماركت له فروع متعدده بالبحرين

[شايم النوايف]

اخت مبارك يعطيكي الف عافيه امتاع الا ابعد الحدود على قول الشوام الطبخ نفس الله لا يضرك

[BATH 2003]

ماشاء الله تبارك الله يعطيك العافية و الله يخليلك الوالده و يعطيها طول العمر و الصحه

و الجباتي على ما أعتقد هو الخبز الهندي مع السمن
عندنا نصلح مثله تقريبا في اختلاف بسيط في طريقة العجينة تصير لينه جدا يعني سايحه و نسميها المراصيع

[الغزال الشارد]

ماشاء الله تبارك الله تسلمين اخت مبارك شوة هزين الله يعطيك العافية

[ابوفهيدان]

لاباكل ولا اشرب لا باكل ولا اشرب
بس اتطلع بصحونك بالليل ياعيوني بالليل
وش ذالفن يافن ؟

[faad]

ماشاء الله عليكي اختي الفاضلة اخت مبارك على هذه الطبخات الممتازة
اخوكي
faad

[riyadh m]

ماشاء الله يعطيك الف عافيه صراحه مبدعه وفنانه ومتميزه وتسلم اليدين الي تلف بالحرير

[zoom10]

قليله كلمة مبدعه

[وادي الريمة]

ماشاءالله شغل روعه ويعطيك الف عافيه0000

[الكهف1]

ماشاء الله شغل تمام

[بن شمروخ]

ماشاء الله شغل تمام والله فطور وغدا ...طيب وي العشى ....هههههه
والا اعتقد بعد هالفطور وهالكبسة وكاسة اللبن ما من عشى ابد

الا اذا كان حليب وشابورة ....

تسليمن والى الامام

[أخت مبارك]

هلا والله بكم اخواني نورتوا مراااااااااااااحب

شاكره لكم مروركم الكريم وتعليقكم الطيب

شمروخ ياهلابك اخوي

والله كنت حاسه حد فيكم بيسئلني وين العشا
وياشمروخ بعد هالريوق والكبسه الثقيله اي عشا هههههه انا صراحه ماتعشيت
لو تعشيت كان صورت لكم عشانا بعد
وتسلم عالكومنت الحلو نورتوا ياهلابكم

[حوران2007]

ماشاءالله


مشكور..... ذكرتني بمطعم فريج صويلح

قسم بالله دقني الجوووووووع ياولد

[خالد بن عيسى]

اهم شيء الفلفل والدقوس البحريني
جوعتونا

[aabb1212]

ماشاءالله ابداااااع اخت امبارك

[أخت مبارك]

مشكورين اخواني على تواجدكم

[عاشق وسم]

ما شاء الله تبارك الله

طبخة صح !

الله يهنيكم بها

[نجم حفرالباطن]

شكرا لك اختي الكريمه على الطبخه الرائعه

[دهران]

الأخت الكريمة / أخت مبارك


:good: :good: :good: :good: :good:


http://www.mekshat.com/pix/upload02/images79/mk17809_taslamalaiady.gif


وننتظر المزيد من هذه الطبخات الجميلة .


وتقبلي أعذب تحية .

[بوخالد الكعبي]

بالعافيه ان شاءالله يااخت مبارك

وطريقه و وصفه ممتازه

بارك الله فيج

[أخت مبارك]

شكرا للجميع حياكم الله نورتوا

[أبن أبلادي]

ماشاء الله تسلم ايدك
الله يعطيك العافيه
وعليكم بالف صحه

[علكه لامي]

طبخ مميز تسلم ايدين اللي طبخت

[ابو وكر]

الله يعافيك يا أخت مبارك
شغل انظيف جدا بارك الله فيك

[ابو شكاع]

ماشاء الله تبارك الله
شغل رااائع جدا
أنا من محبي الجباتي ... خبز لذيذ جدا ..ولكنه أيضا دسم جدا
إن شاء الله نطبق خبز الجباتي أنا وأم شكاع ونصوره ونحطها بموضوع مستقل
أما الغدا فهو أيضا شكل ثاني ..باين عليه إنه طعم بالبهارات
مشكورة أخيتي

[ناصر البداح]

ماشاءالله شغل روعه ويعطيك الف عافيه0000

[ذكرني بك]

ماشاءالله عليج عيني عيج بارده الصراحه دومج وفكل مره روعه إلى أروع أكلات وطريقة شرح سهله وسلسه مافيج حيله .

[الرووقي511]

سوسه حطب ههههههههههه الاعصار سويدي ماهو سويسري والله يااسمك نكته

[jgjc]

ماشا الله على الشغل الطيب

[ee150]

اخت مبارك يعطيج العافيه

انتي خليتي الشبعان يجوع بسبب هالطبخ الزين

[أخت مبارك]

شكرا للجميع

[جلعوط]

بسم الله الرحمن الرحيم




تحياتي واشواقي الحارة لخيتي اخت مبارك والله ذبحتيني في الاكلات المحترمة واللذيذة اه وشوهذا عسى يدينك للعافية والسلامة وعساه ماتنكسر اللي صلحت هذه الاكلات والله اذا نبي ناكل مثل هذه الاكلات عزالله اننا نبغي نصير سمان ولايزهلون اخواننا اللي زايد وزنه لكن الاكلات اللي قدامي مغرية جداً لكن ياخيتي ام مبارك اذا صرنا في المقناص والله مافية وقت نصلح هذا لان من صلاة الفجر حتي المساء واحنا في القنص لكن الله يعطيك العافية اخلي زوجتي تحفظ المقاييس وتعمل مثلك ياختي بس اكيد ماهي متفوقة عليك في هذه الاكلات يازين طعم الخبز اللي في البيض كأني ذايقة وشكراً علي المقاييس اللي بدون مقابل ...اخوك جلعوط ( الكايد).....

[ابوتركي666]

ماشاء الله يعطيك العافيه
شغل مرتب
تقبلي مروري

[عاشق الخلاء]

اخت مبارك ماشاء الله تبارك الله
شغل مرتب وصور وتوثيق ................ مجهود تشكرين عليه

اعجبتني المرقه هنا وشكل طعمها شيء هههه عليكم بالعافيه
http://www.mekshat.com/pix/upload02/images94/mk106353_3172579064_c68710a883.jpg

[جلعوط]

تحياتي لك يااخت مبارك الله يعافيك على هذا الاكلات اشوف بعض المداخلات من البنات يغارن على الصور الشيقة والاكلات الجميلة شكلهن مايعرفن يعملن هذه الهوله الله يزيدك

[سامي العنزي]

ماشاء الله تبارك الله اختي العزيزه ( اخت مبارك ) .. على هذا الطبخ والجميل والخطير

والله شغل مرتب وش نقول غير ماشاء الله

الله يعطيج العافيه .

[أخت مبارك]

جلعوط
اي صح كلامك
بنات ومايغارن
مايصيرون بنات صراحه
الغيره دايم موجوده
بس اهم شي القلوب بيضا
تسلم على الكومنت نورت
يعطيك العافيه زارتنا البركه

[أخت مبارك]

تسلم اخوي سامي نورت
يعطيك الف عافيه

[البوابه]

بسم الله الرحمن الرحيم

ماشاء الله تبارك الله

اقترح انشاء قسم خاص للطبخ في المنتدى

[ابو توكه]

ماشاء الله شغل تمام

[ابراهيم2008]

الله يعطيك العافية

[Suliman1968]

السلام عليكم ورحمة الله وبركاته ،،،

بسم الله ما شاء الله تبارك الرحمن ، شرح بسيط وسهل مدعم بالصور ساعدني كثيرا في موضوع اعداد الجباتي يدويا افضل من شراء المثلج والجاهز للتسخين .

وأما العيش واللحم الله يجزيج خير حسيت ان الجوع بدا يتغلبني .

بارك الله فيج ووفقك لما فيه خير الدنيا والاخره

[شماريخ]

ماشاء الله تبارك الله من النظرة الاولى شكل الطبخات مميزة لكن مااقدر احكم الا بالذوق ارسلي لقمة او لقمتين بالفاكس يمكن توصل تراي امزح والشغل متعوب عليه وتقبلي مروري

[ابو الفهدة]

ماشاء الله يعطيك الف عافية

[VXR.2007]

توني طالع من الدوام والله يااني جووووووووووووووووووووووووووووووووووووووووووووووووو عان
الله يعطيك الف عافيه
مافيه مرقوووق

[arrow]

ماشاء الله اخت مبارك ,,,, اسم كبير في عالم الطبخ .........

[صالح الحارثي]

انا قلت ماله الا اني احفظ الموضوع لانه يبا له وقت للقراءة والتطبيق... تسلمين تسلمين على الطبخات الحلوة اللي تخلي الواحد يسعبل :D

[الحداااق]

تسلم يمينك يااخت مبارك مشاء الله عليك
شي يجووووع الشبعان

[معشي الذيبّ]

تسلم يدينك أخت مبااارك

http://www.mekshat.com/pix/upload02/images94/mk106353_15.jpg
بأذن الله بجرربها في اقرب وقت

http://www.mekshat.com/pix/upload02/images94/mk106353_222.jpg

اما هذي دماااااااااااااااااار شااامل

تقبلي مروري

[أخت مبارك]

شكرا للجميع نورتوا ياهلا مراحب

[هوى يالبر]

ما شاء الله شغل عدل

[ملاهد]

يعطيك العافيه

[ابوصالح2010]

ماشاء الله تبارك الله

الله يعطيك العافية

[خواتم]

مشكورة و دائما مميزعة في طرحك ثابري و الى الامام

[ناصر البداح]

ماشاء الله شغل تمام

[ابوعيسى1000]

ما اقول الا عوافي فن وذوق :d

[مستعد للتضحية]

بس باقي العشاااااااااااااااااا

[اميرة الظلام]

يم يم يمممممممممم
يسلمووووووو جميل ياجميل

[ابو صعب]

الله يعطيك العافيه:)

[أخت مبارك]

شكرا للجميع

[sas_953]

يسلموووو اخت مبارك دائما مبدعه ومتميزه

[سوبر152]

http://www.mekshat.com/pix/upload02/images94/mk106353_7.jpg
ما شاء الله عليك شغل مميز ما قصرتي

[متصفح مكشات]

خطيرة ماشاء الله

[arkan-33]

ما شاء الله تبارك الله مشكورة اختي وما قصرتي
بس ممكن سؤال الرز ويش اسمه شكل حبته طويله ممتاز ابغي اسمه لو سمحتي

[أخت مبارك]

شكرا للجميع

اسم الارز اللي نستعمله هو

ارز باب الهند

ارز كوهينور

وامي تمدح كوهينور اكثر

[حلو الذكريات]

انا والله علي وقت ادخل فيه

الساعه 2 في الليل ومن بعد ما شفت الفطور والغدا

خلاص صرت ما اشوف

انااااااااااااااا جوعااااااااااااااااااااان

يا سلام لو ترسلين لي قرصين مع استكانة حليب يوه

اكون لك من الشاكرين

ما شاء الله صور تفتح النفس وتطير النوم

عليكم بالعافيه

[جلعوط]

تحياتي الكبسة ججججججججججججميلة جداً اه لو هي في حظني الصحن لاوريتك فيه الشغل باي

[الوحش79]

ماشاء الله تبارك الرحمن

بارك الله فيك وبيديك
هنأ الله ابنائك وزوجك

بس باقي ندق الخمسه على ذي الاكله
من صباح الله خير
(-:

تقرير روعه

[د.تميمي]

شغل مخمخه .. يبلنا نسويها لازم:D

[ALSARAP]

thank to alllll

[أخت مبارك]

شكرا للجميع نورتوا

[مضرب المثل]

والله الخبز مدري وش اسمه رهيب والله شكله طعم

[ابو عااادل]

ماشاء الله شغل تمام

[mohd26]

كان معكم برنامج خبرات التغذية في الملاحم البرية

[صياد قطر]

اخت مبارك نبغي انذووووووووووووق شوي الطبخه ويعطيج العافيه

[ẤℓqηαṣṤ ««•]

مشاء الله بالعافيه
تقبلي تحياتي

[أخت مبارك]

شكرا للجميع منورين

[أبن مغير]

تسلم الايادي يا اخت مبارك
شغل عدل بعدي والله

[ابو عنقا]

تسلم يدينك يا اخت مبارك على الابداااااع

والشغل العدل

تحياتي

[مقناص 20]

ماشاء الله عليك
شغل مرتب ونظافه وحرفنه لا يعلا عليها في قمة الابداع
كل الموضوع اعجبني الصراحه لاكن صورة الغدا شي مو طبيعي اطلاقا
تسلم الاياد والله على هالشغل المضبوط
وتقبلي تحياتي
http://img524.imageshack.us/img524/1145/60943231.gif

http://img25.imageshack.us/img25/931/sign3i.jpg