الموتر كاتم .... وقال لي الميكانيكي نظف الشكمان }} أحتاج مساعدتكم

[سيف العدالة]

السلام عليكم ورحمة الله وبركاته

رحت للورشة

أشتكي من كتمه في الموتر وضعف عزم الموتر

قال لي الميكانيكي رح لحقين الشكمانات وخله يفصل الشكمان

وجرب إذا رجع العزم للموتر خله ينظف الشكمان يفك الشخالات وينظفها

فما رأيكم بذلك

وهل هناك نصائح توجهونها لي في هذا الموضوع

وبكم يفكون الشكمان وينظفونه ؟

[H I T L E R]

يفيدووونك الشباب والمووتر شنو

[حمد808]

وش نوع موترك امريكي اوياباني

[صقر 2000]

حط نوع موترك ومديله وانشاء الله نفيدك

[king_federer]

كان ودي يا أخوي تقول وش سيارتك ولكن على العموم أنا عندي باثفاندر و نفس المشكلة و قالو لي غير الديلكو و لما غيرت ما نفع شي!!!

انا نصيحتي تفحص عند الوكالة و ترتاح ما ياخذ يومين و كل شي مضمون و لا تقعد تصلح و تصرف و ما ينفع.

هاذي وجهة نظري و الشباب أعلم مني و شكرااا.

[MOHAID]

كان السيارة لاند كروز من 2002 وفوق فيه دبه اسمه دبة التلوث يجي بداخلها مادة تشبه الفخار فيها مسامات صغيرة رح لاي مكانيكي وخلة يفك الوصلة الي بعد الكزوزوخله يكسر الماد بسيخ والا يصرب الدبة بالشاكوش حتى تتكسر المادة وتطلع
اسألني الطريقه هذي مجربها شخصيا كان الجيب ما يتعدى 140 وعقب ما كسرتها يسفط 190

[سيف العدالة]

باث فيندر

للأسف

تماتيك

2005

[king_federer]

يا سيف العدالة زي ما قلت لك في الرد السابق رقم 5 أنا سيارتي باثفاندر و هي الحين عند الوكالة و الرد يوم الأحد القادم و إذا بغيت راح أرد لك خبر وش قالو لي سبب الكتمة اللي عندي و أبشر بالخير و إياك تمسك السيارة لحقين الصناعية يلعبون بالسيارة و يخسرونك.

[قرم العيال]

مشكلتك يا حساس

او كربون

[سيف العدالة]

يا سيف العدالة زي ما قلت لك في الرد السابق رقم 5 أنا سيارتي باثفاندر و هي الحين عند الوكالة و الرد يوم الأحد القادم و إذا بغيت راح أرد لك خبر وش قالو لي سبب الكتمة اللي عندي و أبشر بالخير و إياك تمسك السيارة لحقين الصناعية يلعبون بالسيارة و يخسرونك.

يا ليت وأنا أخوك

[بدوي جنوبي]

๑ஐ◄▓▒-->حرر محرك سيارتك من الاختناق الزائد طريقة ناجحه تجربتي (بالصور) <--▒▓►ஐ๑ (http://www.mekshat.com/vb/showthread.php?t=172379)

[الخيال]

انا حصل معي نفس الشي وركبت دبه جديده وطلع عزمه احسن من اول بكثير
انت جرب عند حقين الشكمانات ان شاء الله تنحل المشكلة

[(مواصل)]

اخوي الكريم
هل هناك رائحة عادم في سيارتك؟
من واقع تجربه ستلاحظ الفرق بأذن الله وسأفيدك بما جربته ولاحظت الفرق
الي كل من عانا من تلك المشكله الرجاء الاتصال علي على هالرقم 0555172483 مع مراعات اوقات الصلاة واوقات النوم
يفضل الاتصال من العصر الي الساعه 10 مساء
وان شاء الله تنتهي المشكله

[سيف العدالة]

رحت للشكمانات

وزادت المشكلة

فك الفلاتر وكسر الرصاص اللي داخلها ورجعها ولا ضبط

قال أبغير طرمبة البزين قلت طيب .. وغيرها و لا ضبط

بل انتكست أكثر

صار الموتر كاتم أكثر ولا تتجاوز سرعته 50 كيلو

ولمبة التشييك صارت تشتغل

والحرارة صارت ترتفع مع رائحة لاأعلم ماهي

وموية الراديتر صارت تطلع

والزيت ينقص

والعزم ضعيف مرة

::::::::::

تذكرت أني أدخلت السيارة قبل فترة الورشة وطلعتها وبعد 3 أسابيع فتحت الكبوت وشفت فلتر الهواء مو مسكر ومفتوح شوي هل هذا الشي بيسبب للسيارة كل هذه المشاكل


:::::::::::::::

وأشكر الجميع على فزعتهم وإن شاء الله ألقى حل منكم

[Magellan]

موترك الظاهر راح يدخل في غيبوبة مؤقتة ونزيف حاد:mad:
قلت لي فيه كتمة وضعف عزم ،،
ضعف العزم في القير الأتوماتيك له تفسير بأن كلتشات القير محترقة

أما إذاكنت تعتقد بأن غطاء الفلتر مفتوح له مٌسبب فما أعتقد يسبب كل هالصداع

أما راديتر يغلي وحرارة ترتفع فإما راديتر تعبان أو راس منشعر
لأني بغيت أقولك الراس هو البلا
لكن سمعت إن البث فايندر لموديل 2005 فيه مشكلة تصنيعية في الراديتر

عموما نصيحة إن كانك تقدر تبدله ببرادو فأحسن لك من وجع الراس


تحياتي

[سيف العدالة]

ما أستبعد أي شي توضيب قير أو مكينة أو هما معا لكن

من الأشياء التي لم أذكرها

أن الدعسة والموتر على وضع P

طايحة مرة

ومع بداية تشغيل الموتر الضغط قريب من الصفر وتوشك السيارة تطفي وأضغط على البنزين

ما فيه دعسة أبد

بعد خمس دقائق تقريبا يقبل البنزين لكن بصعوبة وارتفاع تدريجي للضغط وبصعوبة {{ طبعا الوضع على الفاضي p )

مع ارتفاع بسيط للحرارة



وإذا قطعت مشوار ربع ساعة ترتفع الحرارة بثبات إلى النصف وأقل والسرعة 50كيلو

:::::::

هل المشكلة في فلتر البنزين :) قل إيه تكفى

[حمد808]

تأكدمن كتاوت الدعسة
واحد صارتلة نفس المشكلة موترة باترول وصارمن كتاوت الدعسة اللي جنب قربت الهواء

[أبوسليم]

الشكمان :نظف دبة الكتاليت من المادة التي بداخلة
اسألني الطريقه هذي مجربها شخصيا
زيارة بسيطة لراعي الشكمانات وتعرف الحل السهل دووووووووووون تغيير قطع مطلقا

[قرم العيال]

رحت للشكمانات



وزادت المشكلة


فك الفلاتر وكسر الرصاص اللي داخلها ورجعها ولا ضبط


قال أبغير طرمبة البزين قلت طيب .. وغيرها و لا ضبط


بل انتكست أكثر


صار الموتر كاتم أكثر ولا تتجاوز سرعته 50 كيلو


ولمبة التشييك صارت تشتغل


والحرارة صارت ترتفع مع رائحة لاأعلم ماهي


وموية الراديتر صارت تطلع


والزيت ينقص


والعزم ضعيف مرة


::::::::::


تذكرت أني أدخلت السيارة قبل فترة الورشة وطلعتها وبعد 3 أسابيع فتحت الكبوت وشفت فلتر الهواء مو مسكر ومفتوح شوي هل هذا الشي بيسبب للسيارة كل هذه المشاكل



:::::::::::::::



وأشكر الجميع على فزعتهم وإن شاء الله ألقى حل منكم



طيب هل كان عزم الموتر طايح قبل تدخله الورشه !!!!!!!!!!!!!!!!!

[سيف العدالة]

إيه طايح

وزاد لما طلعته

من عنده

يقول أنه فك الفلاتر وطلع منها رصاص

الفلاتر فلترين تحت تودي للكنداسة مباسرة

[ابو ليان]

حساس الدعسه



واده الوكاله ويفدونك 0000 واعتقدقيمة الحساس 120 ريال

[(مواصل)]

اخوي سيف العداله اتمنى ان موترك بخير هالحين
راجع مشاركه رقم 13 بالموضوع وهي مشاركتي
هالحركه صارت مع كم واحد من الي معهم باتروب وفيه محل كهربائي ببريده يزبطها بصراحه انا جربت ونجحت وهي ماتكلفك لاقص شكمان ولا فك دبه
كل ماعليك توقف الموتر نص ساعة الي ساعه وان شاء المولى جل في عله ان يزبطها

[سيف العدالة]

طلعت المشكلة من حذاف القير

قطعة بين القير والمكينة

تقوم بعمل الترجمة بين المكينة والقير ( على ما أظن )

وتم إصلاحها .في الوكالة

[أبو فهد11]

طلعت المشكلة من حذاف القير

قطعة بين القير والمكينة

تقوم بعمل الترجمة بين المكينة والقير ( على ما أظن )

وتم إصلاحها .في الوكالة

الحمد لله أنها حلت المشكله

لكن ما تمنيت أنك نظفت الدبات لأنها راح تطلع لك ريحه ( كريهه جداً )

على موفق والحمد لله انها جت على هذه

[الساهر2003]

طلعت المشكلة من حذاف القير

قطعة بين القير والمكينة

تقوم بعمل الترجمة بين المكينة والقير ( على ما أظن )

وتم إصلاحها .في الوكالة

الحمدلله على كل حال
اخوي ممكن تشرح بالتفصيل عن الحل وكم التكلفة والوقت وشرح مفصل هل هي برمجة او فك وتركيب
الف شكر لك