فراش البر- الكويت

[حجيku]

السلام عليكم

لأهل الخبره اين احصل علي فراش للبر صناعه امريكيه ويكون مجرب واين احصله وكم المبلغ

لاني قرأة جميع المواضيع الخاصه بالفراش

وانا من سكان الكويت وحاب اشتري فراش نوعيه ممتازه مهما كان الثمن ويكون المحل هنا بالكويت

مع العلم جربت اغلب الفرش الموجوده بالاسواق من السنيدي والدريويش والرماي والفصول الاربعه و الصياد

[التريبي]

وعليكم السلام ورحمة الله وبركاته

ياخي حنا نجي من السعوديه ونشري فرش البر من عندكم بالكويت

رح لسوق سلاح او المقاصيص اعذرني ان اخطيت بالإسم تبي تلاقي انواع الفرش خذ لك فراش يكون شراعه تنزاني صدقني انه افضل من اطلق فراش امريكي حنا ننام فيه بالصمان ودرجة الحراره تحت الصفر بدون خيمه ولا شي وحصل اننا نشيل الثلج من فوق الفراش في كذا سنه ومع ذلك ولله الحمد لا نحس بالبرد

[برق تميم]

عليكم السلام عليك بفراش الريش يكون داخله ريش وصدقني يتحمل حتى 20 تحت الصفر وصغير الحجم جدا

[firstclass]

السلام

وش تقصد سليب باق؟

واحد حضري:d

موجود بكل مكان

[شحبار]

ماشاء الله عليك انت خبره جرت كل الفرش
روح سوق السلاح وفصلك تنزاني بنفسك وانت اختار انه يلبسه لك كنبل صوف ينباع بالكيلو

[نعتزبخدمتكم]

خذ التنزاني ولاتشاور واحسن نومه

[جرة عقرب]

عليك بالتنزااااااااني - يتحمل البروووووووووده اسئل مجرب

[q.8]

افضل فراش الدريويش ومجرب من الجميع ولاتحس بالبرد انصحك تاخذ اللي يجي من الداخل كنبل دبل او صوف

ولو ماعجبك روح لسوق السلاح ترا يفصلون فرش تنزاني وانت تقدر تعدل فيه على كيفك بالنسبه لي انا مسوي لي واحد حق نفر ونص عريض شوي حتى اخذ راحتي والكنبل اللي فيه دبل ولا احس بالبرد ابدا ً

[طلآل]

السلام عليكم

اخوي حجي عليك بفراش محلات الهدف بالكويت اتعب على التنزاني الاخضر بصراحه ماقمت اشوفه عندهم انا استعمله من اربع سنين ممتاز لابعد الحدود ودافي وخفيف وصغير بالطوي لكن تالي الوقت اشوف عندهم لونه بيج انا الي عندي اخضر اتعب عليه ومنت خسران

[أبو طلال-نقوه]

السلام عليكم,
الصراحه أنا أُفضل الدريويش و القاضي, لكن إذا تبي الفراش الأمريكي (sleep bag) ممكن تحصله عند أيس ace بالري شارع مكاتب السيارات, و في بالشويخ A to Z وفي عند بعض محلات الكشته العسكري الصغير جيد و دافي لكن غير مريح...

[سليمان القصيم]

احيه برد نامو ببيوتكم وشوله كل الهم تحت الصفر يتحمل ما يتحمل

يزين البيت

[tmdmgm]

رح للبطحا وخذ مثل ماقالو الاخوان قماش تنزاني وخلهم يخيطون على جوانبه بطانية تايجر اصلي وفصل لك وسادة وان حسيت بنفحة براد فلوسك عندي تاصلك لبيتك سم بالله
اللهم انصر اخواننا في غزة أمين ياكريم

[حجيku]

اشكر الاخوان علي الرد الجميل منهم

وكان سؤالي واضح ابحث عن الفراش الامريكي بالكويت

ومشاركة الاخ ابو طلال كانت نوعا ما موضحه بس الاريده نوعيه ممتازه وجيده

تقبلوا تحياتي

حجيku

[ابوفهيدان]

مالك الا كولمان الامريكي الخفيف نفس حقات الحرس الوطني
ووكيله علي العبدالوهاب
او رح لمحلات aec بالري مقابل مكاتب السيارات كل الفرش اللي عندهم امريكية وخفيفة

[أبو طلال-نقوه]

أخي العزيز,
إذا تبي أنواع ممتازه في شركه أمريكيه cabela's, يوصلونه لك للبيت بأقل من إسبوع, أنا طالب منها و ممتازه الشركه... هذا موقع الشركه www.cabelas.com (http://www.cabelas.com) شوف النوع إلي يعجبك و إطلبه بالفيزا.
و في مركز سلطان يبيع الأمريكي.

[q8salem]

السلام عليكم ورحمة الله

اخي العزيز


بما اني من اهل الكويت ورحلاتي للبر كلها في السعودية واتعرض للبرد القوي وجربت عدة انواع


المهم ما احب اطول عليك

الانواع اللي جربتها


التنزاني يتحمل -20 وقوي وشوي ثقيل

القاضي ممتاز ويتحمل برودة تحت الصفر بكم درجة

وفيه التفصال في سوق السلاح بس ما انصح فيه لانه يهرب برودة


عندك محل جديد هو فرع السنيدي في الكويت خلف وزارة المواصلات القديمة بالشويخ عندهم اكثر من نوع وعندهم التنزاني.

واذا تبي القاضي انا كل اسبوع اروح السعودية احصل لك واحد مثل اللي عندي.


انت تامر بس ولا يهمك وانا اخوك


اخوك / ابو فهد

[بو جريس 73]

علي عبالوهاب الرئيسي الي بالضجيج تلقا الأمريكي

[jaber280]

اخوي حجي
الانواع اللي ذكرتها افضل الموجود فلا تتعب نفسك ما راح تلقى افضل منها
واما اذا انت مومستعجل فعندك محل نيشان في شرق سوف يأتي بسليب باق خاص للبر ومجرب ولكن على الشتاء القادم لان الآن جاب 2 وجربهم وراح يضيف عليهم اضافات للتحسين وسيقوم بتفصيلهم للشتاء القادم وسيكون خاص بالمحل

[ماشي الليل]

التنزاني ولا تدور

[landrover711]

السلام عليكم
عندك مركز سلطان على الرابع أو السالميه
تحصل كولمان تشكيله اكثر من الوكيل وبنص السعر
توني شاري واحد 15دك طول210بعرض100 سم
;) ويتحمل -3 c

[حجيku]

مالك الا كولمان الامريكي الخفيف نفس حقات الحرس الوطني
ووكيله علي العبدالوهاب
او رح لمحلات aec بالري مقابل مكاتب السيارات كل الفرش اللي عندهم امريكية وخفيفة

ابو فهيدان

اشكرك للتوضيح واول مره اسمع عن عبدالوهاب يبيع فرش للبر

اللي اعرفه اثاث منزليه

[حجيku]

أخي العزيز,
إذا تبي أنواع ممتازه في شركه أمريكيه cabela's, يوصلونه لك للبيت بأقل من إسبوع, أنا طالب منها و ممتازه الشركه... هذا موقع الشركه www.cabelas.com (http://www.cabelas.com) شوف النوع إلي يعجبك و إطلبه بالفيزا.
و في مركز سلطان يبيع الأمريكي.


ما قصرت ابو طلال

ممكن صوره للفراش اللي عندك

[حجيku]

السلام عليكم ورحمة الله

اخي العزيز


بما اني من اهل الكويت ورحلاتي للبر كلها في السعودية واتعرض للبرد القوي وجربت عدة انواع


المهم ما احب اطول عليك

الانواع اللي جربتها


التنزاني يتحمل -20 وقوي وشوي ثقيل

القاضي ممتاز ويتحمل برودة تحت الصفر بكم درجة

وفيه التفصال في سوق السلاح بس ما انصح فيه لانه يهرب برودة


عندك محل جديد هو فرع السنيدي في الكويت خلف وزارة المواصلات القديمة بالشويخ عندهم اكثر من نوع وعندهم التنزاني.

واذا تبي القاضي انا كل اسبوع اروح السعودية احصل لك واحد مثل اللي عندي.


انت تامر بس ولا يهمك وانا اخوك


اخوك / ابو فهد


شكرا علي ابداء الراي

[حجيku]

علي عبالوهاب الرئيسي الي بالضجيج تلقا الأمريكي



وهل انت من مجربيه هذا النوع بالبر واذا لديك صوره ونوع الماركه

[حجيku]

اخوي حجي
الانواع اللي ذكرتها افضل الموجود فلا تتعب نفسك ما راح تلقى افضل منها
واما اذا انت مومستعجل فعندك محل نيشان في شرق سوف يأتي بسليب باق خاص للبر ومجرب ولكن على الشتاء القادم لان الآن جاب 2 وجربهم وراح يضيف عليهم اضافات للتحسين وسيقوم بتفصيلهم للشتاء القادم وسيكون خاص بالمحل


تسلم اخوي جابر علي التوضيح

علي العموم محل نيشان جاب من اول نوعيه ممتازه وامريكيه الصنع

واللي يعرفه باسم ابو وزه الازرق بس انقطع من زمان

[حجيku]

التنزاني ولا تدور



هذا رأيك انت اما انا فلا

[حجيku]

السلام عليكم

عندك مركز سلطان على الرابع أو السالميه
تحصل كولمان تشكيله اكثر من الوكيل وبنص السعر
توني شاري واحد 15دك طول210بعرض100 سم
;) ويتحمل -3 c



بس اللي سمعت عنه انه صنعه امريكي لان ولد عمي قبل اسبوع جاب طاريه ويقول اول ما تفتحه من الكرتون مكتوب امركي وعلي جنب الكرتون صنع في الصين

[landrover711]

بس اللي سمعت عنه انه صنعه امريكي لان ولد عمي قبل اسبوع جاب طاريه ويقول اول ما تفتحه من الكرتون مكتوب امركي وعلي جنب الكرتون صنع في الصين


والله انا بحكم خبرتي البسيطه ماراح تحصل منتج أمريكي يمكن هالكلام قبل 20سنه تحصل
الحين حتى في أمريكا اغلب منتجاتهم (التايواني وهو الأضل من حيث الجوده--أوتايلندي بالدرجه الثانيه

---بهدهم يجي الصيني)
والله أعلم

[أبو طلال-نقوه]

ما قصرت ابو طلال




ممكن صوره للفراش اللي عندك


والله أنا عندي الدريويش شاريه من 3 أو 4 سنين وممتااااااز...

[بني عبس 1]

يعطيك العافيه ابو طلال والوانيت هذا انتاج الدايس

[khalaa2u]

جزاك الله خير

[حجيku]

وين شباب الكويت

ناطر منهم رد

[jaber280]

اخوي حجي
مثل ماقلتلك بالأول لا تتعب نفسك ....وراجع كلامي السابق .......

[hunterq8]

سؤال ..

ليش مو عاجبك سلباق الرماي الزيتي ..؟؟

انا استخدم سلباق الرماي القديم .. صحيح انه ضيق شوي لكن يبيض الوجه ..

[بيلسان]

مرحبا اخوي ....
اذا كنت تريد الفراش الامريكي الاصلي ماتحصله باسواق الخليج يمكنك طلبه من الانترنت
عن طريق بعض المواقع مثل امازون وغيره الكثير.

[دكتور كويتي]

أخوي عندك محلات علي عبدالوهاب

لآنه أهوه وكيل ماركه كولمان

وأهيه ماركه معروفه

وأسعاره حلوه والكلام هذا قبل جم يوم

وعنده شي يتحمل 7 تحت الصفر

ونصيحه من أخ لك أول ما تأخذه روح على سوق السلاح

وأشتر طربال تنزاني وفصله عليه

يعني وقت ما تبي تروح البر تحص الفراش تداخل الطربال التنزاني وتتوكل على الله

وأسأل مجرب ولا تسأل طبيب لاني انا مجرب الشي هذا

فصلت طربال فاضي من غير اي شي داخله

ووقت ما أبي أروح للبر أخذ فراشي وأخليه داخل الطربال

يعني بالعربي يصير واحد في بطن الثاني


وأنشالله قدرت أني أفيدك


تقبل مروري

[حجيku]

اخوي حجي
مثل ماقلتلك بالأول لا تتعب نفسك ....وراجع كلامي السابق .......


مشكور علي الرد اخوي جابر

[حجيku]

سؤال ..

ليش مو عاجبك سلباق الرماي الزيتي ..؟؟

انا استخدم سلباق الرماي القديم .. صحيح انه ضيق شوي لكن يبيض الوجه ..


حياك الله

والسليب باق اللي تقوله عندي ويبيض الوجه

بس ابحث عن الامريكي

وتسلم علي الرد

[حجيku]

مرحبا اخوي ....
اذا كنت تريد الفراش الامريكي الاصلي ماتحصله باسواق الخليج يمكنك طلبه من الانترنت
عن طريق بعض المواقع مثل امازون وغيره الكثير.


صحيح كلامك

واللي ما يعرف يطلب ايش الحل

ابحث بالاسواق المحليه يمكن احصل المطلوب

وشكرا

[حجيku]

أخوي عندك محلات علي عبدالوهاب

لآنه أهوه وكيل ماركه كولمان

وأهيه ماركه معروفه

وأسعاره حلوه والكلام هذا قبل جم يوم

وعنده شي يتحمل 7 تحت الصفر

ونصيحه من أخ لك أول ما تأخذه روح على سوق السلاح

وأشتر طربال تنزاني وفصله عليه

يعني وقت ما تبي تروح البر تحص الفراش تداخل الطربال التنزاني وتتوكل على الله

وأسأل مجرب ولا تسأل طبيب لاني انا مجرب الشي هذا

فصلت طربال فاضي من غير اي شي داخله

ووقت ما أبي أروح للبر أخذ فراشي وأخليه داخل الطربال

يعني بالعربي يصير واحد في بطن الثاني


وأنشالله قدرت أني أفيدك


تقبل مروري


حياك الله اخوي دكتور كويتي

ممكن تدلني علي اقرب فرع عندنا بالفحيحيل

واذا كان لديك صوره عن الفراش اللي عندك اكون شاكرلك

وكم سعره اللي شريته من عبد الوهاب

وارجوا مراسلتي علي الخاص للمحادثه واكون ممنون لك

[ابوفهد225]

يوجد لدينا في السعودية فراش امريكي

مقاسات ودرجات ,, سبق انا اخذت منه يتحمل7-

وخليته للمهمات الصعبة :)

موجود عند الهدف والحجم الكبير والتحمل 20-

سعره بحدود 1100 ماني متأكد بالظبط لاني مشترية قبل 5 سنوات

اذا تبغاني اشوف سعرة بكرا واشوف اذا هو متوفر انت تأمر ,,

وبعد يومين انا في الكويت ممكن اجيبه لك ..

[internetq8]

السلام عليكم اخ حجي كيف حالك يا طيب ............ دامك من الفحيحيل حن العرق :) بفيدك بشغله سويتها من كم سنه يمكن تفيدك انا فصلت سليب باق من سوق السلاح وعلى مزاجي عرضه نفر ونص ومدبل ارضيه الاسفنج قطعتين والديباج انا شاريه ومخليه بطانه داخليه فخمه وعلىقولت اهل الفحيحيل شي أوي :) ويشهد الله انه اكثر من خمس سنين عندي وكأنه جديد كد ومد وبالنسبه لطربال الخارجي فهو سميك وخشن .. والديباج طبقيتين فوقك او طبقه وحده اذا تبي ........... يعني تفصال واحد يحب الرقاد :) والسعر ادري ما راح تصدق تقريبا 22 دينار وهذا اللي سويته وحبيت افيدك يااا جار ودمتم

[حجيku]

يوجد لدينا في السعودية فراش امريكي

مقاسات ودرجات ,, سبق انا اخذت منه يتحمل7-

وخليته للمهمات الصعبة :)

موجود عند الهدف والحجم الكبير والتحمل 20-

سعره بحدود 1100 ماني متأكد بالظبط لاني مشترية قبل 5 سنوات

اذا تبغاني اشوف سعرة بكرا واشوف اذا هو متوفر انت تأمر ,,

وبعد يومين انا في الكويت ممكن اجيبه لك ..


ممكن اشوف الفرااااش وكم طول x العرض
وتسلم علي المشاركه

[حجيku]

السلام عليكم اخ حجي كيف حالك يا طيب ............ دامك من الفحيحيل حن العرق :) بفيدك بشغله سويتها من كم سنه يمكن تفيدك انا فصلت سليب باق من سوق السلاح وعلى مزاجي عرضه نفر ونص ومدبل ارضيه الاسفنج قطعتين والديباج انا شاريه ومخليه بطانه داخليه فخمه وعلىقولت اهل الفحيحيل شي أوي :) ويشهد الله انه اكثر من خمس سنين عندي وكأنه جديد كد ومد وبالنسبه لطربال الخارجي فهو سميك وخشن .. والديباج طبقيتين فوقك او طبقه وحده اذا تبي ........... يعني تفصال واحد يحب الرقاد :) والسعر ادري ما راح تصدق تقريبا 22 دينار وهذا اللي سويته وحبيت افيدك يااا جار ودمتم



بصراااحه ما احب التجميع

وانا شفت النوع الامريكي عند وااااحد من الربع وعجبني كثير

جايبه له رفيجه من امريكا عن طريق الانترنت

ومنحرج منه ان اطلب من رفيجه يطلبلي وفضلت اني اجده بالكويت

وشاكر فزعتك معااااي

[حجيku]

مرحبا حاب افعل موضوعي حتي هذه اللحظه ابحث عن فراش امريكي
واتمني وجوده بالكويت

[jaber280]

روح فرع لوازم البر التابع لجمعية سلوى التعاونية تجد عندهم سليب باق لونه كحلي وشوفه بصراحة فيه حشوة موطبيعية تقريبا الحشوة الواحدة شبر !!!

[فارس كيفان]

شنو ليلحين ما شريت ؟؟!

[بوسدن]

يا خوي قول حق صاحبك يعطيك عنوان الموقع للسليب باق الى عنده أو شوف أكيد مكتوب إسم الشركه على سليب الباق الى عنده وإنت إطلبه بالنت عن طريقك وإذا الى هذي الدرجه ممتاز أبي أطلب معاك ....وكل الي بالكويت فادوك فيه الربع

[حجيku]

روح فرع لوازم البر التابع لجمعية سلوى التعاونية تجد عندهم سليب باق لونه كحلي وشوفه بصراحة فيه حشوة موطبيعية تقريبا الحشوة الواحدة شبر !!!
حياك الله اخوووي
جابر
وشنهو نوعه ومواصفاااته
وان شاء الله اليوم راح اروح لسلوي واشوفه

[حجيku]

شنو ليلحين ما شريت ؟؟!

لا والله للحين ابحث عن الجوده

[حجيku]

يا خوي قول حق صاحبك يعطيك عنوان الموقع للسليب باق الى عنده أو شوف أكيد مكتوب إسم الشركه على سليب الباق الى عنده وإنت إطلبه بالنت عن طريقك وإذا الى هذي الدرجه ممتاز أبي أطلب معاك ....وكل الي بالكويت فادوك فيه الربع

ما اعرف الطريقه وحااولت كثير بس ما قدرت