الغاز من التراث ( رقم : 10 : )

[ابو ماجد 2]

الغاز من التراث ( لغز : 10 : )




السلام عليكم ورحمة الله وبركاته



سقت انا الغازي ابي فيهن ثلاث........ذكرى للماضي وفهم للتراث
وانتسلى عل ماينوبك مـــــــغاث........ولا تلوم الحي في ذكر القديم
..........


منشدي مقدامها ارض الصليب........مفتل الذرعان صارت له جليب

فــي عنـانه ياتــي قوده يالبيب........ولا تلوم الحــي في ذكـر القديم

..........
كل حـــزه ياصحيبي لو خطـت........كلمـــته بالحق للطـالب عطت
لاعلــــى هذا ولا هــذا اغلطت........ولا تلوم الحـــي في ذكر القديم




مع التحية والتقدير لكافة الزملاء

[ذيب هرشا]

وعليكم السلام ورحمة الله وبركاته

ما رايك بوعد بلفور

ومعارضة الملك عبد العزيز يرحمه الله له وعد اقراره

[ابو ماجد 2]

هلا بك اخوي ذيب هرشا
وعد بلفور مالك لوى
تحيتي لك

[ذيب هرشا]

فيه رمعة مادري كيف
لكن وش رايك في جرس المدرسه القديم الذي يسمى الناقوس
وعند الصليب الجرس ابو حبل يدقونه اوقات صلواتهم

[ابو ماجد 2]

اخوي ذيب هرشا مالك لوى
والالغاز وانت ابخص ممكن استخدام كلمات تحمل معنى ظاهري وتخفي معنى يرمي له صاحب اللغز
تحيتي لك

[ضلع البقوم]

صح اللسانك يا ابو ماجد

والله اني احبك في الله واحب اللغازك

لكن اكثر الغازك اشياء قديمه وحنا وانا اخوك صغار سن ولا لحقناها ....وهذا الشئ اللي يمنعنا احياناً
لكن برمع معكم واعذرونا لو جت الرمعه سماويه (وش رايك في الساعه القديمه اللي يحطونها في المخبا ام سلسله)

تقبل تحياتي

[ابو ماجد 2]

صح اللسانك يا ابو ماجد

والله اني احبك في الله واحب اللغازك

لكن اكثر الغازك اشياء قديمه وحنا وانا اخوك صغار سن ولا لحقناها ....وهذا الشئ اللي يمنعنا احياناً
لكن برمع معكم واعذرونا لو جت الرمعه سماويه (وش رايك في الساعه القديمه اللي يحطونها في المخبا ام سلسله)

تقبل تحياتي

صح بدنك
واحبك الله الذي احببتني فيه
انا معك ان الالغاز مايعرفها الا الشيبان ولكن هالمنتدى لله الحمد المجال مفتوح بمعنى انك قد تجد حتى 10 الغاز لم تحل . ولذلك هالنوعيه من الالغاز لاتزاحم غيرها. وكذلك حسب اعتقادي التراث لذيذ على النفس سواء بتذكره او التعرف عليه
الرمعه مالك لوى يالغالي
تحيتي لك وتقديري

[ذيب هرشا]

الله واعلم انه المزبا والعرقي اللي يعلق فيها
او السقاء والعرقاه

وكذالك الدلو ابو عراقي تشبه الصليب وهو من الجلد والرشا ومثله الغرب من جلد الابل ورشاه
والسواني ايضا مثلها

[برق القصيم]

صح لسانك زعيمنا
واضم صوتي لاخوي الالغاز قديمه ونضطر نسأل الشيبان عنهن:)
رميعة عجله : الرحى والا لي عوده بتمعن اكثر ان شاء الله

[ذيب هرشا]

الله واعلم انه المزبا والعرقي اللي يعلق فيها
او السقاء والعرقاه

وكذالك الدلو ابو عراقي تشبه الصليب وهو من الجلد والرشا ومثله الغرب من جلد الابل ورشاه
والسواني ايضا مثلها

[ابو ماجد 2]

الله واعلم انه المزبا والعرقي اللي يعلق فيها
او السقاء والعرقاه

وكذالك الدلو ابو عراقي تشبه الصليب وهو من الجلد والرشا ومثله الغرب من جلد الابل ورشاه
والسواني ايضا مثلها

مالك لوى يالغالي
تحيتي لك وتقديري

[ابو ماجد 2]

صح لسانك زعيمنا
واضم صوتي لاخوي الالغاز قديمه ونضطر نسأل الشيبان عنهن:)
رميعة عجله : الرحى والا لي عوده بتمعن اكثر ان شاء الله

صح بدنك يافطن القصيم وحلووووووووووه نضطر نسأل الشيبان عنهن ههههههههههههههه
الرمعه مالك لوى ولكن فهمك لقولي مقدامها ارض الصليب سليم اي انها تاتي من ارض صلبه وهي الارض الجبليه
انتظر الرمعه الذباحه
تحيتي لك وتقديري

[برق القصيم]

طيب نقول المنحات والسواني او المعصرة اللي يستخدمون به الحيوان(اعزك الله والسامعين)

[ابو ماجد 2]

طيب نقول المنحات والسواني او المعصرة اللي يستخدمون به الحيوان(اعزك الله والسامعين)

مالك لوى يالغالي



كل حـــزه ياصحيبي لو خطـت........كلمـــته بالحــق للطـالب عطت
لاعلــــى هذا ولا هــذا اغلطت........ولا تلوم الحـــي في ذكر القديم



انتظر الرمعه القادمه

[ذيب هرشا]

وش رايك بمصيدة السباع وهي حصاة تعلق مربوطة بحبل له خرطة وفيه لحمه
اذا جره السبع انفكت الخرطة وطاحت الحصاة وصكت المغارة وحبست السبع

او العتبة من الحجارة الطويله توضع على اعلا الباب بدلا من الصبه او الخشب الان [وتسمى الصعنونة ]
وكذلك الدرجة من الحجر

[ابو ماجد 2]

وش رايك بمصيدة السباع وهي حصاة تعلق مربوطة بحبل له خرطة وفيه لحمه
اذا جره السبع انفكت الخرطة وطاحت الحصاة وصكت المغارة وحبست السبع

او العتبة من الحجارة الطويله توضع على اعلا الباب بدلا من الصبه او الخشب الان [وتسمى الصعنونة ]

رمعتك الاولى قريب من صورتها . ولكن الهدف منها مختلف عن اللي ذكرته
تحيتي لك وتقديري

[ذيب هرشا]

اجل وش رايك بالثقالة التي تحط للطير

او الحصاة التي تربط لتساعد على رفع الاشياء الثفيله الى اعلا على ساريه او محالة

[برق القصيم]

والله ضربت السلوك عندي يابوماجد احس الحل قريب وانا منجم
بس تذكرت لغز لك بصياغه اخرى وكان حله الورويره اللي تقول ورررررر :D ليا تليت حبله من الجهتين
او لاتصير الوزنه!!!!

[ابو ماجد 2]

اخوي ذيب هرشا
مالك لوى مازلت انت على نفس صورتها ولكن المطلوب هدفها مختلف
كل حـــزه ياصحيبي لو خطـت........كلمـــته بالحــق للطـالب عطت
لاعلــــى هذا ولا هــذا اغلطت........ولا تلوم الحـــي في ذكر القديم

[ابن الراوي]

حياك ربي يازعيم رغم صغري وش رايك بحصاة ميزان البرسيم فالميزان هذا خشبة تعلق من الوسط وهي مقسمة الى خطوط وكل خط عبارة عن وزنه وفي هذه الخشبة حصاة مخرومة في الاعلى وفيها حبل موضوع فوق الخشبة فتتحرك الحصاة للامام والخلف حتى تتساوى مع ربطة البرسيم فيتم الوزن ويرضى فيه الجميع

[ابو ماجد 2]

حياك ربي يازعيم رغم صغري وش رايك بحصاة ميزان البرسيم فالميزان هذا خشبة تعلق من الوسط وهي مقسمة الى خطوط وكل خط عبارة عن وزنه وفي هذه الخشبة حصاة مخرومة في الاعلى وفيها حبل موضوع فوق الخشبة فتتحرك الحصاة للامام والخلف حتى تتساوى مع ربطة البرسيم فيتم الوزن ويرضى فيه الجميع

ابن الراوي
لله د درك يالغلا
رمعه بالصميم
نعم حصاة ميزان البرسيم
وما قصرت بالشرح
والخطوط اللي على الخشبه المعترضه هي ماقصدتها بقولي حزه
بيض الله وجهك يالغالي

[ابو ماجد 2]

اجل وش رايك بالثقالة التي تحط للطير

او الحصاة التي تربط لتساعد على رفع الاشياء الثفيله الى اعلا على ساريه او محالة

مالك لوى يالغالي
والحل عند ابن الراوي
تحيتي لك

[ابو ماجد 2]

والله ضربت السلوك عندي يابوماجد احس الحل قريب وانا منجم
بس تذكرت لغز لك بصياغه اخرى وكان حله الورويره اللي تقول ورررررر :D ليا تليت حبله من الجهتين
او لاتصير الوزنه!!!!

حياك الله يالغالي
الرمعه مالك لوى وليتك وضحت مقصودك بالوزنه
وعلى العموم هي حصاة الميزان حق البرسيم والحل عند اخوي ابن الراوي
تحيتي لك