قنيص غبر
08/01/2009, 11:49 AM
السلام عليكم ...
من يومين والجماعه عندنا يتكلمون عن البط المصري الطيار ... وانه يطير وسابق طيور كثيره ... لدرجه ان بعضهم قال ان الرجال يضرب البط بابر مقويه .. وشتد فيني الحماس قلت من عوايد الزير صيدته اتكون ماهي سهله .. قلت الوعد بكره وجيبو البطه ... المهم جابو اكثر عن بطه .. قال بن عمي انا بهد على اول وحده ... قلتله اتوكل على الله .. ومن اول ماهد البطه كان طيارها مب ماقالو الاخوان .. يعني عاديه ماراحت عن الطير وعلقها قريب ...
قلت ماني بهاد على هذي البطه .. الاخوان ضحكو وقالو ليكون خفت .. قلت ان كان السالفه فيها خفت ولا لا افرجيكم .. شلت طيري وخليته في السياره على التكيه .. وقلت حق واحد فك البطه .. وانا بشوف شو وراها ..
اول ما طارت البطه كان البطه شافت خويتها وماجرالها . ولسان حالها يقول انفد بجلدي واحسن .. يا جماعه طارت كانها بطه رايحه اتسلم على السحاب ... المنظر خل الجماعه يضحكون عليه ويقولون الحق هد الطير راحت البطه ... بسرعه ركبت السيارة وسقت .. وغياض للجماعه حبيت اسويلهم فلم .. فرعت عن الطير وانا اسوق تقريبا 60 كيلو .. والبطه في ارتفاع مستمر .. ماشاء الله عالطير من شاف البطه طلع من السياره يردم الهوا .. سار معاها فوق لين ماصار فوقها .. الحلو في الامر ان الطير مرهي على عمره والطير عديد فكان يلعب معاها فوق لين ماجابها فوق السيارات وعلقها فوقنا بالضبط ...
طبعا صار التهليل والتصفيق :D
فكان من نصيبي الجائزه وهي عباره عن مخلاه وشنطة للرحلات ولوازم الشاهي والقهوه وسكاكين سويسريه ..
كان واحد من الاخوان يصور وانا مادري فبعثلي هذي الصوره لحظة اقترابه من البطه ... ولكن ماطلعت البطه ... فحبيت اشاركهم فيها ...
والسموحه على الاطاله
http://www.mekshat.com/pix/upload02/images94/mk78179_n514917179_1175519_3627.jpg
من يومين والجماعه عندنا يتكلمون عن البط المصري الطيار ... وانه يطير وسابق طيور كثيره ... لدرجه ان بعضهم قال ان الرجال يضرب البط بابر مقويه .. وشتد فيني الحماس قلت من عوايد الزير صيدته اتكون ماهي سهله .. قلت الوعد بكره وجيبو البطه ... المهم جابو اكثر عن بطه .. قال بن عمي انا بهد على اول وحده ... قلتله اتوكل على الله .. ومن اول ماهد البطه كان طيارها مب ماقالو الاخوان .. يعني عاديه ماراحت عن الطير وعلقها قريب ...
قلت ماني بهاد على هذي البطه .. الاخوان ضحكو وقالو ليكون خفت .. قلت ان كان السالفه فيها خفت ولا لا افرجيكم .. شلت طيري وخليته في السياره على التكيه .. وقلت حق واحد فك البطه .. وانا بشوف شو وراها ..
اول ما طارت البطه كان البطه شافت خويتها وماجرالها . ولسان حالها يقول انفد بجلدي واحسن .. يا جماعه طارت كانها بطه رايحه اتسلم على السحاب ... المنظر خل الجماعه يضحكون عليه ويقولون الحق هد الطير راحت البطه ... بسرعه ركبت السيارة وسقت .. وغياض للجماعه حبيت اسويلهم فلم .. فرعت عن الطير وانا اسوق تقريبا 60 كيلو .. والبطه في ارتفاع مستمر .. ماشاء الله عالطير من شاف البطه طلع من السياره يردم الهوا .. سار معاها فوق لين ماصار فوقها .. الحلو في الامر ان الطير مرهي على عمره والطير عديد فكان يلعب معاها فوق لين ماجابها فوق السيارات وعلقها فوقنا بالضبط ...
طبعا صار التهليل والتصفيق :D
فكان من نصيبي الجائزه وهي عباره عن مخلاه وشنطة للرحلات ولوازم الشاهي والقهوه وسكاكين سويسريه ..
كان واحد من الاخوان يصور وانا مادري فبعثلي هذي الصوره لحظة اقترابه من البطه ... ولكن ماطلعت البطه ... فحبيت اشاركهم فيها ...
والسموحه على الاطاله
http://www.mekshat.com/pix/upload02/images94/mk78179_n514917179_1175519_3627.jpg