استفسارعن وصلات البلاك ايجن

[الكرا]

حبيت استفسر هل البلاك ايجن يجي معها وصلات غير الخمس الأساسيه اللي تجي معها واملامسه لفوهة السلاح؟وأن كان فيه هل هن اصليات وأو ترهيم؟وهل فيها فايده اذا ركبت؟:confused:

[بوشاهين2006]

السلام عليكم اخوي الكر فية وصلات غير الوصلات الاسياسية واتكون طالعة من السبطانة والصراحة لها فايدة واحسن من الوصلات الي معها الخمس وانا عندي نفس البندق وعليها الوصلات ويعطييك العافية

[أبو طلال-نقوه]

السلام عليكم,
البنلي تجي مع 5 شكات, لكن من غير وصله, الوصله تباع لوحدها أصليه و يكون مكتوب عليها بنلي ومنها فائده.

[بوشاهين2006]

السلام عليكم ابو طلا ل انا عندي شكات جايبها من ايطاليا حق البنللي وعجيبة وايد احسن شكاتها الاصلية وبعد حصلت وصلة حق البنللي وجربتها وطلعت زينة وايد ويعطييك العافية

[قانوص قديم]

السلام عليكم هذي تشوكات تجي بروحها ماهي مع الشوزن وتجي طالعه إنش من السبطانه ومهمتها تنظم توزيع الخردق أو كما يسمونه أحبتنا في السعوديه الحلبي وفي له أنواع مثل الفول تشوك أو الاكسترا فول تشوك أو المودي فايد وأفضل المصانع إلي تصنع هذا النوع شركة برايلي وأنا شخصيا أستخدمها ممتازه بس إحرص على شركة برايلي :)

[الكرا]

لاهنتوا جميعا على الرد

[ردن]

السلام عليكم هذي تشوكات تجي بروحها ماهي مع الشوزن وتجي طالعه إنش من السبطانه ومهمتها تنظم توزيع الخردق أو كما يسمونه أحبتنا في السعوديه الحلبي وفي له أنواع مثل الفول تشوك أو الاكسترا فول تشوك أو المودي فايد وأفضل المصانع إلي تصنع هذا النوع شركة برايلي وأنا شخصيا أستخدمها ممتازه بس إحرص على شركة برايلي :)

اخي ليتك وضحت اكثر لتعم الفائده

مثل .. شركه برايلي من اي بلد .. ايطاليا
وهل استخدمتها بصيد .. وش نوع الصيد .. والمسافه وش كثر

موفق خير

[MrDolphin]

السلام عليكم,
البنلي تجي مع 5 شكات, لكن من غير وصله, الوصله تباع لوحدها أصليه و يكون مكتوب عليها بنلي ومنها فائده.


اخوي ابو طلال مسيك بالنور ولا يهون باقي الزملاء ..

حبيت أسال عن الوصله الي ذكرت وش الفايدة منها ؟؟
وبكم سعرها اذا تعرف ووين أحصلها الله لا يهينك ؟ لاني عندي بانلي ماصوره قصيره ومعها التشكات الخمس بس ما تبرد التسبد زي الماصورة الطويله .
لك تحياتي ومشكور

[قانوص قديم]

الأخ العزيز ردن آسف على التأخير توني أشوف سؤالك البرايلي شركه أمريكيه والمسافه بالرمي صعب تحديدها بالدقه بس الأكسترا فول تشوك يستخدم لرمي الديك الرومي في أمريكا ويستخدم لقدرته على حصر أكبر عدد من الحلبي في جسم الطائر الفول تشوك يستخدم لصيد الطيور متوسطة الحجم مثل البط والفزن والحجل المودي فايد يستخدم لرمي الطيور الصغيره والقريبه نسبيا مثل القمري والفري أنا شخصيا أستخدم المودي فايد دائما ولا أغيره مشكلتي مآ أعرف أنزل صور ولا كان حطيت صور التشوكات البرايلي وسامحني على التاخير :)

[طراح القصيم]

انصحك اخوووي بالماصورة البلاجيك مقاس 30 تكفي و توفي بأذن الي ما تنام عينه وصدقن احسن من التوصيلااات و الا بفرق ,,,

و لك ودي