المساعد الشخصي الرقمي

مشاهدة النسخة كاملة : استفسار يالنشاما


عـاشـق البداوه
09/01/2009, 05:07 PM
بسملله الرحكن الرحيم

السلام عليكم ورحمة الله وبركاته

عندي أسلق توه ضغيره واحد أهداني أياه

بس أبي أعرف كيف أدربه ومتى الوقت المناسب

وكم مره تاكل في اليوم

لأني من راعي سلق توني أبي أتعلم منكم كل شي

لاتبخلون علي يالنشاما

والمعلوميه السلقه مهب عندي لاكن بتجيني اليومين ذي



محبكم



× ذيب البداوه ×
سلطان العوني
09/01/2009, 07:33 PM
مرحبا اخوي راعي البداوه

بالنسبه للأكل
وجبة وحدة باليوم كافيه ( عشا ) واذا حليب الغنم متوفر عندك عطها بالصباح

وبالنسبه لعمر التدريب حاول تفك لها جربوع بالحوش في عمر 4 او 5 شهور مرتين بالاسبوع او ثلاثه وحاول في البداية كسر رجل الجربوع
وحاول لا تكثر الجرابيع في البداية عشان ما تطفش

واذا تمت بالعمر 8 شهور او 7 شهور اطلع بها للبر
نفاج
10/01/2009, 01:53 AM
متى تدربها من 7 أو 8 شهور أذا تحس جرمهم كبير ورفاع ولا هنه خوف عليهم أبدا دربهم
بس على الخفيف على شان لا ينفلقون ونصيحتي خله لين سنه أو سنه وشهرأزين لك وأضمن لك وطريقت
تعليمهم فكهم مع سلق متعلمه وتطرد معها وأذا مافيه سلق حولك جوعهم وفك على جرابيع وبسياسه لين يتقنون اللقط والأكل مثل ماتفضل الأخ سلطان العوني
عـاشـق البداوه
10/01/2009, 11:16 AM
تسلم يمناكم على العلم الطيب

ولاهنتو

وننتظر آراء الأخوان الثانين
أبو فيئ
10/01/2009, 11:51 AM
وعليكم السلام ورحمة الله وبركاته.... حياك الله اخوي .... اخوي الجرو يبي تدري زينواحرص عليه ... اما بالنسبه للوجبه مثل ما قال اخوي سلطان العوني ... والله الله بالحليب عشان يرتفع طوله شوي .... واما التدريب يكون مثل ماقال اخوي سلطان العوني ونفاج .... والتدريب على الركوب والنزول ... وأول شي تعلمه على اسمه بمسك اذنه ورفعها وتقريب خشتك ((فمك )) لأذنه وتنادي بصوت واضح بالاسم اللي انت بتسميه به لمده قصيره ما يقارب اسبوع ... وكل يوم تناديه بأسمه عشان يدرب على على الاسم هاذا اول شي ....... وثاني شي بعد عمر طويل ان شاء الله بعد سبع شهور او ست شهور تدربه على الركوب للسياره والباب مفتوح وتقول له اركب اركب وانت تضرب على باب الصندوق بيدك((الحوض)) او تقوم بتجويعه وتضع الاكل في وسط الحوض وتقول له اركب ومن الجوع غصب عليه بيركب من الجوع .. ولازم تكرر عليه العمليه عشان ما ينسى ......
وآسف على الاطاله ......
وتقبل مروري....
طلو الشمري
10/01/2009, 01:22 PM
ما قصرو معك الاخوان
عـاشـق البداوه
10/01/2009, 01:56 PM
لاهنتتو جميع والفكره أوصلت

والله يكثر من أمثالكم
sale8
18/01/2009, 02:54 PM
السلام عليكم
اخوي ماقصروا معك الاخوان
عـاشـق البداوه
20/01/2009, 04:19 PM
لاهنتو جميع
والله يبيض وجيهكم
الصارم1
20/01/2009, 10:06 PM
وهل فيه مشكله اذا علمت على الركوب الى الحوض والباب مسكر يعني يطمر والباب مسكر
حزيران
20/01/2009, 10:35 PM
ماشاء الله تبارك الله
والله النشامة ما قصرو الله يعطيهم العافية على الإدلاء الطيب