شعيب شمس شميسة كما رأيته بعد ضرماء

[تكفون البر]

بداية رحلتنا بعد الفجر تواعدت انا وابو عبدالعزيز ولكنه تأخر علي شوي لكن بحكم انا بنروح طلعة برية قلت وسع صدرك بصراحة اول ما وصلنا ضرما دورنا محل نعبي موية بعد التعب لقينا واحد توه فاتح مشينا تقريبا 30 كليو بعدها جت قرية ام سليم لفينا قبلها بـ 50 متر يسار الطريق ياخوان بصراحة يسد النفس غبار وقلابيات يشيلون طريق كسارات وطوب الأحمر وحصى وهذا هو اللي سد نفسي وقلت للي جابنا ابو سعد الله يسامحك لوطعتني رحنا للشوكي احسن أنا اول مرة اجي للشعيب
لكن الشعيب حلو مره وفيه عشب وموية هذا قبل ثلاث اسابيع من 13/1/1430هـ لكن ترى من شاف طريقة بيضيق صدره اتمنى اني وضحت لكم الشعيب

[منتعش]

بارك الله فيك أخوي الغالي : تكفون البر
على التنبية والتذكير للأخوان
والله يوفقك .

[كميت]

بسم ال الرحمن الرحيم

الله يوسع خاطرك بالعافية عندي ملاحظة دائما يتم ربط مسمى الشمس والشميسة مع بعض مع انه هناك فرق شاسع الشمس جهة الشمال والشميسة جهة الجنوب من اعلى ، الشعيب طيب وخصوصا المناطق الصادة من شمال غرب لقلة الناس بها وهو اقرب لمرات ب30 كلم مزفلت اكثرها من شمال كما يصب في روضة القرعاء روضة طيبة جدا بها الحرف والروض والبابونج وغيرها من النباتات ويفيض على مفيض الشمس وويتميز الشعيب بكثرة الأشجار وكثافتها والبلدية تقوم بعملية التنظيف مشكورة كذلك بمسح الطريق من شمال لتسهيل الحركة وهو تابع لمرات والله الموفق والله يحيك يالغالي

[قاصد الصمان]

مشكور على التنبه جزيت خيرا