يالصقارين وش الفرق ( ووش تنصحوني)

[طير أبها]

بسم الله الرحمن الرحيم
يا اخوان ياصقارين انا صغير شوي على الصيد يعني 16 تقريباً هههههه ((يعني اعذروني على الاسئله ))
وعندي سؤالين
الاول
وش الفرق بين الوافي والمثلوث؟ (على حسب علمي المثلوث وهو الذكر ويكون حركتة كثيره واصغر حجم )
والسؤال الثاني انا بأشتري طير بس حاير
أشتري شاهين فرخ جبلي ولا بحري (كلها وحش )
الشاهين الجبليه حمرا
اما البحريه لونها رمادي زي كذا وقاللي سعرها 1200
ولقيت عنده حر ب1500 ما ادري وش مواصفاته
~~~~~~~~~~~~~~~~~~~~~~~~~~~~
اما بدايتي بالطيور أشتريت وكريه ب500 وطارت مني تهي تهي تهي
وعوضني واحد صقار اجودي بشاهينه جبليه الله يكذرها بالخير (جمره )
المهم وجلست عندي 6 شهور مقيظ ويوم جا الموسم طارت ومسكت السمان وما ادري ليه يوم ذبحته طارت وهجت ههههههههههههههههههههههه بس شكل كان سعرها غالي
لونها احمر فرخ اول مره تغير ريشها كانت وحشيه بس الله يعوضنا بخير

[نجمة سهيل]

!! مــا بــالــولــع غــيــر الــتــعــب والــمــخــاســيــر !!
:) :) :)

[المري]

اخوي طير ابها:

حياك الله بين اخوانك في المنتدى وانضمامك يزيدنا شرف..

أولا :

بالنسبة لعمرك الستة عشر فهو ماشا ءالله عمر رجاّل.. يعني ماأنت بصغّير.

ثانيا:

الفرق بين الحر الوافي والمثلوث فالفرق واضح ان الحر تجده وافي في شكله

يعنى كبير المقاس وكبير الراس والصوايد..


ام المثلوث فكبره مثل مثلوثة الشياهين بس لونه وشكله كانه الحر الوافي لانه يسمى

مثلوث الحرار...


اما سوالك الثاني :

فأجابته انك تشتري بحرية فهي غالبا اطيب من الجبلية..


وعسى الله يعطيك وحده زي جمره..


وفي النهاية..

ترانا حااااضرين باللي ينفعك ويسرك..



تقبل تحيات اخوك / المري

[هبوب]

بالنسبه للطيور الحر افضل من ناحيه التدريب والقنص السريع هو اللي يداوي الجروح بس البحريه لاتقربها تعقد الواحد تحياتي