منيع
26/03/2004, 04:18 PM
هذه الابيات كتبتها بمناسبة سفر اخي مع ابن عمي الى مصر من اجل علاج اخي وذالك في سنة 1404 وبما ان اخي شاعر متمكن لم اسلمها اليه الا بعد مرور خمس سنوات لترددي في ذالك وخجلي من ان تكون ابياتي ليس في المستوى المطلوب ------------------------
في مرقب تذري عليه الهبايب=والحر الاشقر فوق عاليه قد حام
تذكرت من تفداه كل الحبايب=عني بعيد وكن فرقاه لي عام
من راح والدمعات مني سكايب=والبال خجه هم الالام بسهام
ياعبيد من رحتو وموري صعايب=لابالنهاراسلى ولاالليل بنام
متفكربك يازبون الصلايب=وداعي لك الله بالشفاسروعلام
ياعبيد ليت اللي تبلاك صايب=الصايع اللي عايش بوهم الاحلام
ليته مرضبه وبتلته النوايب=مير البلى دايم يعانيه ضرغام
ودنياك دار للعنا والمصايب= ولاابتلى فيها سوى كل همام
امامحب ضاق حر اللهايب=بفراق من وده على غير مارام
ولاعشيق مغرم غير ثايب=تاه بوداد معزل الوسط بحزام
وياكم بالدنيا نشوف العجايب=افراح وحزان وزغاريد والام
وياما بعد فيها سمعنا غرايب= يحكي بها التاريخ ثم روس الاقلام
تحكي مأسي من جميع السبايب=وياكم مخلوق من افراحها صام
وياعبيد شيبني ولاني بشايب=جور الزمان اللي يحطم تحطام
وجسمي غدى منهوك والفكر غايب=ياخوك لي حسرات والام الايتام
ومعلوم كل حي تصيبه النشايب=وحتى بعد ذاك الذي وسط الارحام
والصبرهو راس الرجا والكسايب=من به تمسك ياعضيدي فلاهام
قلته وبي علام مجري السحايب=اني لكم مخلص على مر الاعوام
وبلغ تحياتي لعز القرايب=اعني ابن عمي ذرى كل منضام
ابومشاري سعد من كان هايب=وبلسم على كل البلاوي والاسقام
وسائل من المولى كريم الوهايب=يردكم بالخير ياذخر الايام
-----------------------------------------------
جواب اخي بهذه الابيات
اخوك ياابراهيم شاف العجايب=واهوال بقعا في بحر غيها هام
في غير يمه شاحته للمصايب=قامت اتوميبه من عمان للشام
شيطانها يمه يسوق الركايب=حثيث عجل بدل المشي درهام
ضاقت علي افجوجها والرحايب=وصارالفضا عندي كبر فتحة السام
سلمى وانامنها جروحي عطايب=غاراتها يمي عديدات واجسام
لوشفت وش سوى عقيد الطبايب=في ساعة فيها الحكي صار تمتام
شرحت تشريحة خروف الزرايب=وخمسة عشر ليله وانابلفة الخام
ملفوف معقود الرباط بكلايب=والربع من حولي جثي وقيام
معهم هديب الشام سبع الحرايب=اللي تكفل بي من الالف للام
جزاه بالحسنى ولاهو بخايب=والراية البيضا على روس الاعلام
بقت على قبري ترز النصايب=لولا الرجا بمنزل ايات الانعام
ايضا ودعواكم علينا سبايب=فيها تجلت وانجلت كل الاوهام
لاشك مايكتب على العبد صايب=والاقدار ماعنها مطار ومهزام
وانا ومن يرجع له العبد تايب=سلواي ذكرام بطيفي والاحلام
تشكي على الحال منحول ذايب=ابشر بسعدك كان هبت بالاولام
لجيك فوق اللي تبوج السحايب=تمشي بنا وان غطلس الجوسخام
شكواك سوت في ضميري ثلايب=كني عضيض الغلث من ارقط الهام
بالمال والنفس العزيزه ذهايب=ولاجلك لخلي كايد الصعب مريام
تحرم على معطرات الذوايب=ولاطاب عيشي وانت ياخوك منضام
هذا وردي يمكم غير ثايب= مادام مكتوبك خذاخمسة اعوام
وماطاح من دهم السحايب شخايب=على النبي صليت ماهبت انسام
في مرقب تذري عليه الهبايب=والحر الاشقر فوق عاليه قد حام
تذكرت من تفداه كل الحبايب=عني بعيد وكن فرقاه لي عام
من راح والدمعات مني سكايب=والبال خجه هم الالام بسهام
ياعبيد من رحتو وموري صعايب=لابالنهاراسلى ولاالليل بنام
متفكربك يازبون الصلايب=وداعي لك الله بالشفاسروعلام
ياعبيد ليت اللي تبلاك صايب=الصايع اللي عايش بوهم الاحلام
ليته مرضبه وبتلته النوايب=مير البلى دايم يعانيه ضرغام
ودنياك دار للعنا والمصايب= ولاابتلى فيها سوى كل همام
امامحب ضاق حر اللهايب=بفراق من وده على غير مارام
ولاعشيق مغرم غير ثايب=تاه بوداد معزل الوسط بحزام
وياكم بالدنيا نشوف العجايب=افراح وحزان وزغاريد والام
وياما بعد فيها سمعنا غرايب= يحكي بها التاريخ ثم روس الاقلام
تحكي مأسي من جميع السبايب=وياكم مخلوق من افراحها صام
وياعبيد شيبني ولاني بشايب=جور الزمان اللي يحطم تحطام
وجسمي غدى منهوك والفكر غايب=ياخوك لي حسرات والام الايتام
ومعلوم كل حي تصيبه النشايب=وحتى بعد ذاك الذي وسط الارحام
والصبرهو راس الرجا والكسايب=من به تمسك ياعضيدي فلاهام
قلته وبي علام مجري السحايب=اني لكم مخلص على مر الاعوام
وبلغ تحياتي لعز القرايب=اعني ابن عمي ذرى كل منضام
ابومشاري سعد من كان هايب=وبلسم على كل البلاوي والاسقام
وسائل من المولى كريم الوهايب=يردكم بالخير ياذخر الايام
-----------------------------------------------
جواب اخي بهذه الابيات
اخوك ياابراهيم شاف العجايب=واهوال بقعا في بحر غيها هام
في غير يمه شاحته للمصايب=قامت اتوميبه من عمان للشام
شيطانها يمه يسوق الركايب=حثيث عجل بدل المشي درهام
ضاقت علي افجوجها والرحايب=وصارالفضا عندي كبر فتحة السام
سلمى وانامنها جروحي عطايب=غاراتها يمي عديدات واجسام
لوشفت وش سوى عقيد الطبايب=في ساعة فيها الحكي صار تمتام
شرحت تشريحة خروف الزرايب=وخمسة عشر ليله وانابلفة الخام
ملفوف معقود الرباط بكلايب=والربع من حولي جثي وقيام
معهم هديب الشام سبع الحرايب=اللي تكفل بي من الالف للام
جزاه بالحسنى ولاهو بخايب=والراية البيضا على روس الاعلام
بقت على قبري ترز النصايب=لولا الرجا بمنزل ايات الانعام
ايضا ودعواكم علينا سبايب=فيها تجلت وانجلت كل الاوهام
لاشك مايكتب على العبد صايب=والاقدار ماعنها مطار ومهزام
وانا ومن يرجع له العبد تايب=سلواي ذكرام بطيفي والاحلام
تشكي على الحال منحول ذايب=ابشر بسعدك كان هبت بالاولام
لجيك فوق اللي تبوج السحايب=تمشي بنا وان غطلس الجوسخام
شكواك سوت في ضميري ثلايب=كني عضيض الغلث من ارقط الهام
بالمال والنفس العزيزه ذهايب=ولاجلك لخلي كايد الصعب مريام
تحرم على معطرات الذوايب=ولاطاب عيشي وانت ياخوك منضام
هذا وردي يمكم غير ثايب= مادام مكتوبك خذاخمسة اعوام
وماطاح من دهم السحايب شخايب=على النبي صليت ماهبت انسام