مع شين الذنب عهاره!!!!!!!!!!!!

[أبو فهد العيد]

السلام عليكم ورحمة الله وبركاته,,
((مع شين الذنب....عهاره))
مثل قديم سمعناه من آباءنا واجدادنا.
ومعنى المثل يتلّخص في هذه القصه..
............................
قبل اسبوع اعلنت عن طير غدى في ملهم,,و
ابشركم عقل الله الطير على راعيه,,
ولكن بعد محاولات مع الشخص اللي قضب الطير,,
وقد تبين ان اللي قضب الطير
شخص ناااادر الوجود ((في قلّة ادبه)) و((بجاحته)) و((وقاحته))اللتي وسعت الكون,,
الرجال طلع قاضب الطير من يوم الاثنين((نفس اليوم اللي غدا فيه الطير))
وطلع فاك الحجل والصفره وواحد من السبوق!!!
والظاهر انه حاول بيعه ولكن مااحد شرى الطير منه,,

فاتصل على الرقم الموجود في الحجل ..اللي هو راعي الطير,,
وقعد يساومه على الطير((كم تعطيني واعطيك الطير))
شوفو وشلون وصلت وقاحة الرجال وبجاحته,,
((يساومك على حلالك))
وتم الاتفاق وقد اعطي مبلغ من المال اكراما
((لوالد)) راعي الطير
,,والا المفروض يصير علمٍ ثاني,
وستر الله عليه.

[ابراهيم2008]

الحمد لله على رجوعه لصاحبه

[راع الصقلاويه]

الحمد لله اللي عقل الطير , وياما شفنا بالسوق من طيور ٍ لانشدنا عن علوم حداهن

قالوا ( مجهول ) !! وخلال اسبوعين شفت يجي خمس طيور ( مجهولات )

واللي ينقلونهن وجيه ٍ ودره تطللى بقطران , لذلك طال عمرك مايلقون سوَّام

إلا كان واحد ٍ ماعنده ذمه ويتبعهم برا السوق .

واللي يعطيه الله عمر يبي يشوف وانا بناخيك .

[قناص شمير]

وقالوا : عش رجبا ترى عجبا
فهذا من العجب الذي نراه
والله المستعان

[أبو فهد العيد]

الحمد لله اللي عقل الطير , وياما شفنا بالسوق من طيور ٍ لانشدنا عن علوم حداهن


قالوا ( مجهول ) !! وخلال اسبوعين شفت يجي خمس طيور ( مجهولات )


واللي ينقلونهن وجيه ٍ ودره تطللى بقطران , لذلك طال عمرك مايلقون سوَّام


إلا كان واحد ٍ ماعنده ذمه ويتبعهم برا السوق .



واللي يعطيه الله عمر يبي يشوف وانا بناخيك .


انا اشهد انها وجيهٍ ودره

[عبدالرحمن الخالدي]

ههههههه( شر البلية ما يضحك) لاحول ولا قوة إلابالله والله مشكلة !!!
المهم الحمدلله اللي عقل الطير لراعيه , والله يعطيك العافية يا أبوفهد .

[حريب الياس]

لا حوول ولا قوة الابالله ناس تخسر حلاله في دروب الطيب و ناس مالطيب مكان بوجيهها


الحمدالله على عودة الطير و يسلم راسك و ياما شفنا و شفنا من بجاحة خلق الله

[راعي دسمه]

غلطان وانا اخوك
كان صورته وحطيت اسمه كانل وقصته
علشان يتعض هو وغيره

[أبو رداد]

الحمد لله على عقلان الطير ...
والفلوس الي عطاها راعي الطير في طيره ... ماتضيع عند رب العالمين

[ابوميلاف]

الحمد لله على عقلان الطير
وبالنسبه للفلوس اللي عطاها اللي طرح الطير
جعل الرزايا في ما يهون
وفدوه للطير
وترا مايسويها رجال يفهم سلم اهل الطيور

[نيار]

لاحول ولا قوة إلا بالله
والله زمان عجيب
والحمد لله على العقلان

[جـرح الشمـال]

لاحول ولا قوة الا بالله وش الحسد الايام هذي عالعموم الحمد لله على رجوع طيرك

[ألحر العراقي]

لاحول ولا قوة الا بالله
الحمد لله على رجوع طيرك
وسود الله وجه ها الرجال

[وافي 00]

السلام عليكم
الحمدلله على العقلان
مع الاسف انطلق طير مني وفيه حجل اسمي وتلفوني بعد ايام اتصل علي واحد من الرياض ويبشرني بالطير ويسأل هل لك احد بالرياض لاعطيه الطير ويسأل عن الطير كيف ضاع هل يطرد وشنهي اعلومه !!!!

الطير وحش هذا اللي قلته واتصلت على احد اقربائي وعطيتة تلفون الرجال واتصل فيني يقول الرقم من كبينة والله ياخوان انصدمة على هالجرأه وقلت توه صار حرام عليه صحيح

لاحول ولاقوة الابالله

[alkreze]

حمدلله على عقلان طيرك

فلووسك بتلقاها يوم الاخره

ماضايع لك شي بذن الله

والله يهديه ويهدي كل اللي يفعلون فعله

[ولد سرحان]

ياخوك فيه ناس ماعنده ذمه

[صقرالحبا ري]

تصدق هالسالفه حاصله لحدى الشباب..
غاديتله شيهانه والي طارحه عليمي
رايح يبيعها بحراجرالمقاصيص ..


ميرمانقول ألا اللهرلا يبلانا..

[أبو الكاسر]

الحمد لله على رجوعه لصاحبه

[ذيب العرمة]

ابو فهد مساك الله بالخير


اول شي اقول لك الحمد لله ان ربي عقل عليك طيرك وهذا طبع كل ما مصدره حلال من فلوس وغيرها ..


وحبيت اعلق على كلامك عن الشخص المذكور


صراحه لا استطيع ان اخفيها اني اشك او بالاحرى اجزم انه لايمت لمهلم بصله بل هم يدعون ذالك ولكن الحقيقه انت تعرفها جيدا . وكم تمنيت ان تذكره بالاسم لكي يشهر به وتقترن فعلته مع اسمه لا مع اسم (((ملهم))) الذي بكل تأكيد لا تجهل اهله من ناحيه المراجل والعلوم الطيبه والحمد لله اعود واكرر ليس من ملهم بل ملهم بريئ من اشكاله


صراحه يخوي ابو فهد سجلت في المنتدى من شان ارد على الموضوع ولا انا والله مالي في الصيد بالصقور وان كانت فقط النظره اليها متعه بحد ذاتها


((مازلت مصر عليك بأن تشهر به))


في امان الله

[أبو_خالد]

الحمد لله على رجعة الطير
وأنا ضد فكرة الأخ اللي يقول شهر به
لأنه كل معروف طيبه ورداه .. وأصابعك ما هي واحد
وأنا -والله- ما أعرف أحد من أهل "ملهم" الكرام ولا حتى أعرف أين تقع
لكن إلى الله المشتكى




يا إخوان والله إن الردي حشى من يقرا يقهر تعاملك معه
والردي أياً كان موقفه .. والله لو تسقيه ماء عينك ليبور بك


فما عليه يا أبو فهد وسع صدرك
الطيب ما يضيق صدره من هالأشكال والشكوى لله


وياما وياما شفنا وأكلنا من هالمواقف اللي تحلف بعدها إن
ما بقى من الطيبين أحد


واللي يقهرك صدق إن يكون بينك وبين شخص مواقف فيها
طيب وشهامة ، ويوم يدور الزمان تلقاه يعاملك بقمة العفونة والردى حشى من يقرا



لله الحمد والشكر على رجعة الطير
وهذا هو المهم




تقبل مروري

[aljubail]

اول شي مبروك على عقلان طيرك

وثاني شي هالاشكال منها واجد بذا الوقت

[بندر خلف]

لاحول ولاقوة الى بالله

هذا اوكاد انه صلبي ولاهى من علوم واحدن قبيلي

------------

مره ضاع لنا طير على المهجور ودق علينا الى صاده وهو عتيبي والله ونعم بالهيلا انا اشهد انه كفو قال طيركم عندي ويوم جيناه قلناله بيض الله وجعك وسم هاذي هديه منا لك ورفض وحاولنا بشة الطرق ورفض
انا اشهد انه كفوووووووو

[خير المزن]

يساوم بعد...
ما يبي تووت.
والله ياهو وسيع وجه .

[aljubail]

السلام عليكم ورحمة الله وبركاته

كيف حالكم..........

عساكم بخير


السالفه ان فيه اوادم (..........) ناس فاضيه لا شغل ولا مشغله ولاهم يخافون الله


وش فعلهم

تلقاهم قريبين مداعي الطيور بعشره كيلو او حولها وش باماكن صعبة شوي ورا قص او مايشابه

العلم اذا غدا الطير وابعد جاك بحمامته يلوحلة ويقضبه ويالله فك الحجل وغير السبوق وطق



وصار لنا موقف بسباق الطيور ان واحد من الشباب غدا طيره والي قضبه منهم لكنه اغتر قال يمكن مطنوخ او شي من هالكلام ودق وجيناه ورجع طيره


هذا الي عندي

وحبيت اني اذكرلكم السالفه بحكم ان اخوي بو فهد نزل موضوع على الناس الي ماتخاف الله

[عبدالله22]

ههههههه الطيور غثيثه ههههههههه

[بحر3]

الله المستعان والحمد لله الذي رد طيرك .

[abuhelal]

الحمد لله على رجوع الطير
لصاحبة والف مبروك

[سوبر152]

http://www.alfaris.net/up/14/alfaris_net_1231761215.gif

[أبو فهد العيد]

اشكر كل من علق على الموضوع من كل قلبي,,وبيض الله وجيهكم يالربع وعلمكم غانم..


ابو فهد مساك الله بالخير


اول شي اقول لك الحمد لله ان ربي عقل عليك طيرك وهذا طبع كل ما مصدره حلال من فلوس وغيرها ..

وحبيت اعلق على كلامك عن الشخص المذكور

صراحه لا استطيع ان اخفيها اني اشك او بالاحرى اجزم انه لايمت لمهلم بصله بل هم يدعون ذالك ولكن الحقيقه انت تعرفها جيدا . وكم تمنيت ان تذكره بالاسم لكي يشهر به وتقترن فعلته مع اسمه لا مع اسم (((ملهم))) الذي بكل تأكيد لا تجهل اهله من ناحيه المراجل والعلوم الطيبه والحمد لله اعود واكرر ليس من ملهم بل ملهم بريئ من اشكاله

صراحه يخوي ابو فهد سجلت في المنتدى من شان ارد على الموضوع ولا انا والله مالي في الصيد بالصقور وان كانت فقط النظره اليها متعه بحد ذاتها

((مازلت مصر عليك بأن تشهر به))


في امان الله


هلا والله بذيب العرمه,,وياهلا ومرحبا باهل ملهم,,وماحنا نجربكم طال عمرك ,,انتم معروفين ولافيكم شك’
والر جال مهوب من اهل ملهم,,لكن له غنم حول المنطقه ,ويجي هناك,,وهو ساكن في الدخل المحدود,
والعذر والسموحه اني مابينت انه مهوب من اهل ملهم’’حقك على راسي,,والعذر والسموحه,

[سلطان راشد]

احتسبه عند الله صدقة .. ودفاعة بلاء عنك وعن طيرك :)

[أبو أمين]

الحمد لله على رجعة الطير

وأنا ضد فكرة الأخ اللي يقول شهر به
لأنه كل معروف طيبه ورداه .. وأصابعك ما هي واحد
وأنا -والله- ما أعرف أحد من أهل "ملهم" الكرام ولا حتى أعرف أين تقع
لكن إلى الله المشتكى




يا إخوان والله إن الردي حشى من يقرا يقهر تعاملك معه
والردي أياً كان موقفه .. والله لو تسقيه ماء عينك ليبور بك


فما عليه يا أبو فهد وسع صدرك
الطيب ما يضيق صدره من هالأشكال والشكوى لله


وياما وياما شفنا وأكلنا من هالمواقف اللي تحلف بعدها إن
ما بقى من الطيبين أحد


واللي يقهرك صدق إن يكون بينك وبين شخص مواقف فيها
طيب وشهامة ، ويوم يدور الزمان تلقاه يعاملك بقمة العفونة والردى حشى من يقرا



لله الحمد والشكر على رجعة الطير
وهذا هو المهم





تقبل مروري


عزالله جبتها على الجرح وكنك مادريت والله يبارك لراعيه

[قنيص غبر]

الحمدالله على العقلان ... ولو انا مكانك ياخوي بسوي فيه حركة بخليه يحس بالذل .. المبلغ اللي طلبه بخليه فكة ريال يعني بعطيه لفلوس وبخليه يحسب الفلوس ساعه كنه شحات .. وبزيد عليه ريال فوقهم واذا قالي فيه ريال زايد بقوله سير اشربلك فيه بيبسي يالورع :)

[صاحب نوماس]

الحمد لله على عقلانة يارجال

والله لايكثر من عينتة


وهذي الحركة قد صارت معاي قد غدالي طير وبعد خمسة عشر يوم اتصل بي رجال من خوياي قال ابشرك الله عقل الطير لان الحجل اللي فية حجل خويي وهذا رقم اللي لقاة وكلمتة ولقيتة ساكن في النظيم ورحت لة ولقيت الطير بحالة مايعلمها الا الله ومقطع سبوقة وفاك الحجل ورابط مكان السبوق حبل طويل ويعلفة حمام مجمد وقعد يساومني علية وقلت ان جيتك ابي اتفاهم انا وياك واول مادخلت علية قال يالله نتفاهم على السعر قلت خلني اشوف الطير بالاول وبعد اصرار مني على شوف الطير اول قال اوكي وجاب الطير وشفتة وضعة مزري وخذيت طيري وجلست ادارية فترة وبعدين رجع طيري اللي انا خابرة وجاني شخص في محلي يبي يشرية قلت والله انك لك هدية واهديتة علية.

[راعي حبشي]

الحمد لله على عقلان الطير
وهذا واحد مايخاف الله