انا احمد الله يوم يسر لنا الجيب.....

[راعي القعود]

صراحة اعجبتني قصيدة اخو ميثا الي مطلعها
يامحلا لا شدو الجيب بالعفش....:)

فتذكرت هذه القصيدة لشاعر عايد بن رغيان الشراري في الجيب الحوض م94 في وقته..... يقول:

انا احمد الله يوم يسر لنا الجيب000000000000وانا اشكر الي ورده ثم جابه
من مصنع اليابان مابه عذاريب00000000000من اختراع مهندس(ن)حكابه
عام اربعه وتسعين جوه المناديب000000000000وجابوه لتاجر بدفتر حسابه
وانا اشتريته بالثمن دون تحسيب00000000000ولو زاد سعره قلت ماهي غلابه
تنكين و الثالث عملناه تركيب 00000000000والما بجنبه مع مخازن زهابه
مجهز(ن)حسب الطلب للمراكيب0000000000 مع واحد(ن)ساق الثمن واعتنابه
روس السست مبرشمه باللوليب0000000000 وريش المريعي رسمة(ن)فوق بابه
والحوض متر بطول مترين تكعيب0000000000 واذا طبق بابه تشوف الكتابه
ماهوب صالون مراتب وترتيب 00000000000اذا انكسر طيه عطيب خرابه
شلنا عليه الفارسي للمكاسيب0000000000 مصرول(ن)واذا لقى الخرب صابه
وقت السماح و لا عصينا المعازيب00000000 وحد الحمايه ما وطينا جنابه0
اذا خفقنا خايعن للمطاليب00000000000 يازين مع خطوا القرار انحطابه
ايمن من الثايات وايسر من السيب000000000 ان لفت السكه قطعها جذابه
غربي من الهوه شمال(ن) من البيب 00000000 في سهلة(ن)مثل الخباري سرابه
نز الحصى من ضربها بالدواليب0000000000 مثل البرد باول هلول السحابه
ان عانقه طير القنص بالمخاليب000000000 ودامه سلم من ميلته وانقلابه
يرقى مع الحرة كمامشى الوع الذيب00000000 ومر الطبيق ومر عالي هضابه
وتمرقى عليه بعاليات المراقيب0000000000 وطاف النفود وما انزبر من ترابه
هذي حلاته دون شك ولا ريب0000000000 العمر يقضي والليالي نهابه
كم واحد ينبت على عارضه الشيب000000000 ماذاق لذات الطرب في شبابه
يجمع حلاله واحرمه عالم الغيب 0000000000 ومن بعده الوريث يملا جرابه
ترى العقول مفرقه والاساليب000000000 ولا الاوادم بالملابس تشابه



وسللللللللامتكم00000000000000000 ابو سعد:)

[الربيع]

الاخ الحبيب راعي القعود

مشكور على هذا الاختيار الرائع
ترى العقول مفرقه والاساليب000000000 ولا الاوادم بالملابس تشابه
بالفعل هم عليهم التصنيع وحنا علينا الشعر

[ابو ايمن]

شكرا ياراع القعود ماقصرت .

ماتلقى قصيدة بالسفاري 93 . :):):)

تحياتـــي ومشكور .

[الهلالي]

صح الله لسانه ومشكور على النقل ياراعي القعود


هذي حلاته دون شك ولا ريب0000000000 العمر يقضي والليالي نهابه
كم واحد ينبت على عارضه الشيب000000000 ماذاق لذات الطرب في شبابه
يجمع حلاله واحرمه عالم الغيب 0000000000 ومن بعده الوريث يملا جرابه
ترى العقول مفرقه والاساليب000000000 ولا الاوادم بالملابس تشابه

عز الله إنه صدق .

[راعي القعود]

هذي اول مشاركه في هذا المنتدى الرائع , والقادم باذن الله احلى


اخوي الربيع مشكور على ردك


اخوي ابو ايمن مشكور على ردك, اذا حصلت ابشر انت تامر امر

اخوي الهلالي مشكور على ردك :)

[نجمة سهيل]

قصيده رائعه ، واعتقد انه لها الحين حوالي العشر سنوات ، وكوده يكتب بشاص 2004 ، ويبشر به من عبداللطيف:)

[ابو عايد]

اختيار رائع وموفق

يا راعي القعود لاهنت ، الله يعطيك العافية على الجهد الرائع

وتقبل تحياتي // العاشق الولهان