المساعد الشخصي الرقمي

مشاهدة النسخة كاملة : سؤال لجميع الاخوة المكشاتية اهل المهيلة


ابشر بسعدك
13/01/2009, 03:23 PM
اولا ...هل سئل احد عن اللي يربون الدلال وش المادة اللي يستخدمونها على الدلال هل هي امنة على الصحة ولا لا لان اعتقد ان مادة الرصاص لها مضار على الجسم
ثانيا... كثير من الاخوه وانا اولهم اذا احتجنا رب دلالنا كود اندور اهل الاشارات الخايسين واسعارهم نار كن محد يرب الدلال الاهم علشان كذا يرفعون اسعارهم

ياليت اللي عند علم بهذا المجال لايبخل علينا

مع تحياتي للجميع :d
rescol
13/01/2009, 04:13 PM
الشناذر وهو المادة الرصاصية اللي يربون به الدلال الا ضارة ونص وهالكلام متواتر بالنسبة لي والمشكلة ان الدلال البغاديد ومعهن الرسلانيات بيننا وبينهن ياهل نجد غرام وبشوفتهن تكحيلة :d
لكن اشوف اكثر الناس يستخدمون دلال العساف السل ستيل بالبيوت ودلة البيت هي اللي تحمل ثلاث ارباع الكرف عن دلة البر اللي عادة مايرغب انه تكون بغدادية وشغل البر بالنسبة لنا كله مضره × مضرة بداية من الهيل بالقهوة الى الدلة الى قدور الالمنيوم الى طبخ الرز بالبهارات ولايهون الزيت والتركيز على اللحوم وشفط الشاهي شفط يادافع البلا ! ماوقفت على مضرة الرباب وانا اخوك ووضعنا عسى الله يزينه بس :)
ومن ناحية الرباب ماعندي علم بالرياض ومحلاته والله

اخوك عبدالعزيز
الضاحي
13/01/2009, 06:21 PM
الا مضر الفين مرة

انصحك بدلال الستيل الكورية اذا لقيت او الاندونيسة اذا مالقيت الكوريات وابعد عن الصينيات ولو مكتوب عليها ستيل

والستيل يجي اشكال والوان .... العادي والبغدادي وغيرها

ابعد عن الدلال اللي تحتاج رباب واشتر صحتك ... وبعدين الدلال اللي ترب تهجر بينما الستيل ما تهجر وهذا أمر مهم

الله يوفقنا واياك
عبدالرحمن305
14/01/2009, 07:45 AM
اخوي ابشر بسعدك
مثل ماقالو الاخوان اشثر ادلال سان استيل كوريه وفك نفسك


مبروك لاخوي العافور تغيير المعرف الى راس الشهامه
ابشر بسعدك
14/01/2009, 01:40 PM
:good: اسعدني مروركم اخواني الاعزاء ..الاخ راس الشهامة+الاخ ريسكول+الاخ عبودي 305 كفيتوا ووفيتوا الله لايهينكم
محبكم مكشاتي مبتدى
zaalshammari
14/01/2009, 10:45 PM
السلام عليكم
احسن طريقه لرب الدلال طريقة السفن اب
ابوفهيدان
15/01/2009, 12:07 AM
والله من زمان وانا افكر بهالموضوع لاني مرة من المرات كنت عند اللي يرب واشوف هالمادة كنها رصاص وكل مالمست الضو ذابت هالمادة
بس كنهم قالوا انها زنك ماهي رصاص
ابشر بسعدك
15/01/2009, 12:59 PM
:no2: سلمك الله اخي ابو عبدالرحمن 305 على الرد الجميل واسعدني تواصلك معي الا اني اردت ان اراسلك على الخاص لكن لايوجد لدي صلاحيات كون المشاركات لم تصل للنصاب
عموما الله العالم بالنوايا

زج يالمامون فالمشلوح سر الغاية ........... يارسول لاانفتح باب العتب دنيته
بين اللي في خفا خافي خفي اقصايه ........... للخليل اللي خلا به خل ماخاليته
فالثتا والشاهد الله كم رفعت الرايه ................ والشنا فاهل الوفا مثلك تراماطريته
عبدالرحمن305
15/01/2009, 02:27 PM
اخوي ابشر بسعدك
مشكور وماقصرت وجزاك الله خير وغفر الله لك ولوالديك
واسعدني جدا ردك وكلامك الراقي
وهذا يدل على شخصيتك المتمزه والاخلاق العاليه
وفعلا اسمك على مسمى
تقبل تحياتي وتقديري
الشاهين2004
16/01/2009, 11:29 AM
انا استخدم دلال الستيل ومفتك من رب لا ترب
معارك
25/01/2009, 11:42 PM
الستيل افضل اواني الطبخ خااااااااااااااااااصه المهيله