عندي سوالي ياصقاقير مكشات

[تمياط]

بسم الله الرحمن الرحيم

السلام عليكم ورحمة الله وبركاته

كيفكم شباب انا عندي سوالين مهمين

السوال الاول:


عند خويي طير شيهانه جبليه اذا هدها على حمام منتفوف الطير يلحقها ويلحقها ثم يوقع ويناضرهااا ويناضرها والحمامه تحوم ويطيرلها ويلحقها ويلحقها ويوقع وهاكذا لين تروح عليه الحمامه لماذا ؟؟؟


السوال الثاني :

طيري طبعن شيهانه جبليه انا اول ماجبت قلت خلني الوحلها ولوحتلها وجابة 20 ومدري شلون مسك الحمامه واعزلها منها ومن بكره وهاكذا واعزل واعزل
والان الوحله 1 ثم توقع
واناديها وتجي وتلوح 1 ثم يوقع لمذااااااا؟؟؟؟؟؟؟

وصلى الله عليه وسلم

[الرجل الطموح]

هلا اخوي انا اتوقع ان الطير ضعيف لانه مايقدر يسيطر
انا اقول انا تعطيه الطير لمده ثلاث ايام على حمامه كامله
واذا قلت ابغى اطلع بكره اعطه نص الثندوه وهدها
السوال الثاني والله اني مافهمت

[ابوميلاف]

بالنسبه للسؤال الاول/الطير اما هزيل يعني ضعيف ولازم يرفع الطير يعني يصنعه,او الطيرمتملع ولازم يريحه اسبوع ويعطيه كل يوم شب وموميان على كبر حبة السبحه الوسط وان شاء الله يلحقها في مرابيع النجوم ,,وخله يتآكد لايكون الطير مريض بمرض ثاني وهو ما يدري

بالنسبه للسؤال الثاني / اذا كان طيرك ماهو متملع من كفخ او طرد والا جوع الطير ويجيك ان شا الله

هذا حسب رآيي

تحياتي

[أخو وضحة]

هي احدى امرين
يا ان الطير مملوع او ان الطير مستصنع
فإن كانت مملوعه علاجها الراحه والعلف الزين والشب والموميان تعطيها اياه يومين بس مع العلف كبر حبة الهيل
اما ان كانت صنيعه فلازم انك تقصر عليها العلف لمدة 4 ايام لا تجوعها هذي شيهانه ماهي وكري ولكن اقصر عليها عطها نصف ثنداة حمامة


وخذ مني هال النصيحه الشيهانه تراها ميزان في كل شي واهمها العلف لاتزوده ولا تنقصه ولا تعلفها على يدك خلها تعلف على الوكر او على الأرض عكس الوكري والحر تعلفه على يدك
واذا تبي رأيي بيعها واشتر لك وكري لأني الي فهمته من كلامك انك توك مبتدأ وترا الوكري تعفسه يعفسك تتطلعون في الأخير حبايب ويتحمل المرض والحر والجوع
اما الشيهانه فتراها تمرض من ادنى شي لأنه يبيلها وزنيه واذا اختل الوزن مرضت عليك واتعبتك
واتمنى اني افدتك

[روووح]

اخوي رد السؤال الاول انا ابي اسالك قبل
الشيهانه فرخ والا قرناسه اذا كانت فرخ يمكن يكون الطير ضعيف
اما اذا كانت قرناسه اتوقع انها صنيعه او متملعه من بعد الربطه لانها ما جردت

رد السؤال الثاني انت تقول انك تعزل الطير من الملواح ليه يا اخوي اذا مسكت الملواح اتركها تتعشاء
طمع الطير في المواح
والله الموفق

[تمياط]

مشكوري اخواني على الردود الرائعه

[.AL-HRBI.]

السلام عليكم

اخوي عــــاصم

جواب السؤال الاول // اذا كانت فرخ أذبح الحمامه عند الوكر وخلها تعلف عشاها مرتين ولا ثلاث . 3 ايام .
وبعدين فكلها حمام طيرانه خفيف .

جواب السؤال الثاني // خلها تعلف على الملواح مرتين ولا ثلاث .


..................