مشاهدة النسخة كاملة : الرجاء المساعده من الخبراء وخصوصا jwan
بروفيسور2007
13/01/2009, 10:22 PM
المشكله ياأخوان انه فيه صديق لي اهداني سناره صيد من النوع الصغير واخوكم في الله ماقد صدت بالسناره ولامره بحياتي لأني من الرياض وصديقي من المنطقه الشرقيه
فتحت علبة السناره لقيتها مفككه وتبغا تركيب ركبت كل شي الا المكره ماعرفت اركب فيه الخيط مع العلم ان الخيط جاي معها ولكن ماهو مركب فأرجو منكم وخصوصا مشرفنا العزيز jwan ان توضحون لي وبالصور اذا مافيه كلافه كيفية تركيب الخيط بالمكره واستخدامها عموما وتقبلو شكري مسبقا
بروفيسور2007
13/01/2009, 10:33 PM
وينكم يامكشات
اخوي بروفسور مشى الخيط من اعلى القصبه في الحلقات ثم افتح الحجز النصف دائره واربط الخيط في البكره وخليه زائد ثم اربط عقدتين اخرى في اماكن مختلفه شد الخيط مزبوط وقص الزائد وتكون العقد في اسفل البكره بس اقفل الحاجز ولف واترك البكره المغذيه تتدحرج في الارض حتى تتعبأ ناقص نصف سنتمتر وخلاص ركب دوار وخرج نصف متر للثقل و40 سنتمتر للسناره وافضل مقاس 14 كبدايه واي خدمه
المجنوني
14/01/2009, 01:17 AM
وينكم يامكشات
مكشاتي .الله واحاتي
اسمع اخوي
تعالي انا في مكة اركب لك السنارة واعلمك كيف ترميها وتصيد وكل شئ بس الرياض ما معاي تأشيرة ههههههههههههههه
واللله بعيد علينا لو كنت قريب كا اواعدك في اي مكان واصلح لك هي واعتبرني سويتها
ما اعرف اوصف لك بس اركبها وانت شوف وطبق الى ان تتعلم
تقبل مروري ومع السلام عليكم ورحمة الله وبركاته
اخوك ابو ريم المجنوني
مكة المكرمة
مشكور ياغسان سبقتني لخدمة الشاب
مثل ماقل لك واذا ماعرفت اصور لك بلصور وانزلها بنفس الموضوع
بروفيسور2007
16/01/2009, 04:59 PM
اشكركم ياغسان والمجنوني بس للأسف جربت ولكن بدون جدوى مادري العيب فيني او في السناره وانتظرك يامشرفنا العزيز jwan ان تشرح لي بالصور اذا ماعليك كلافه وماقصرت وبيض الله وجهك
بروفيسور2007
17/01/2009, 01:37 PM
وينك يامشرفنا مارديت علي بأنتظارك وآسف ان كنت ثقلت عليك بطلبي واذا مافيه مساعده انسحب واقولكم الف شكر وماقصرتوا
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir