وش رايك بهالفكرة ؟

[عليان الليل]

في الغالب وقت الصيد يخرج اكثر من واحد في سيارة
واحدة وايضا غالبا ما تكون البندق واحدة في نفس السيارة
يعني مثلا .. ثلاث اشخص في سيارة واحدة ومعهم بندق واحد
واذا جت الصيدة او الطيور في الجهه اليمين البندق تروح لليمين
واذا جت الطيور في جهت السواق راحت البندق يسار ...
يعني فيها معاناة شوي .... البندق تروح مره يمين ومرة يسار
يمكن تشق التندة ويمكن تروح الصيدة والادهى يمكن تثور
البندق!!!! فهنا تكمن المشكلة.
وانا اقول وش رايكم نخلي السواق مايصيَد... فقط يسوق!
بحيث اذا كانو ثلاثة نسوي قرعة واللي تطلع له هو اللي يسوق
او نقسمها على الايام مثلا ثلاثة ايام في ثلاث اشخاص
يساوي كل يوم يسوق واحد والباقين يصيدون.
كذلك في التصوير نفس القضية...
فهل انت مع الفكرة او ضدها؟
ارجو ان تكون الفكرة وصلت .
وانا ارحب واطلب اصواتكم واقتراحاتكم
تحياتي..

[محب الشوزن]

أؤيد هذا الكلام وأقول الأفضل أنه يكون هناك بنادق على عدد الشباب كانوا 3 يكون هناك 3 بنادق
كل واحد ببندقه
وشكرا

[Eagle]

والله فكره ممتازه
اذا كانو 3 اشخاص واحد يسوق الموتر وواحد ماسك الكامره وواحد يرمي
وكل يوم يغيرون اذا كانو بيتمون على الاقل 3 ايام

[ابو شجاع]

بسم الله الرحمن الرحيم

اخوي عليان الليل كيف الحال ؟

انا بصراحة ضد هذة الفكرة من ناحية الرمي او القيادة وفي ذلك اسباب كثيرة ومن اهمها عندي انا وفي نضري الشخصي ان البندق مايرميبها الاصاحبها والسيارة كذلك لان كل سلاح مايعرفة الا راعية في المرمى والسيارة بعد مايعرفها الا راعيها متى يشد عليها ومتى يرخي رجلة في القيادة وانا اعارضك خاصة في السلاح لانة يالطيب مثل المراءة حتى وان كنت معه او بجانبة ارجو انك ماتزعل من ردى الجاف شوى :D

اخوك الصغير ( ابو شجاع )

[الشاقي]

وش الفايدة من الطلعة .........إذا ما كل واحد بنيدقوه معوه واللي مامعوه يقعد ببيتوه وشولوه يكشت

[ابو مساعد]

السلام عليكم ورحمة الله وبركاته

شكرا الاخ عليان الليل على طرح هذا الموضوع !!!!!!!!!!!

انا مع الاخ ابو شجاع في الراى كل شخص يطلع ببندقيته الخاصه به .

تحياتي .

[عليان الليل]

شكرا لكم على التفاعل
اخوي ابو شجاع وش دعوة خذ راحتك وانا خوك
انا معكم من الافضل ان كل واحد يكون معه بندق
لكن اذا طلعو مجموعة وما معهم الا بندق واحد
هنا النقطة...
انتظر رأي البقية..
تحياتي..

[المرصاع]

ياخي أنا أول مرة أسمع ان ربع يطلعون للصيد ومعهم بندق واحده:::

أقل الأحوال بندقيتين وثلاث أشخاص ممكن:::

أنا شخصيا مع ربعي كل واحد يجيب سلاحة... خاصة موسم الدخل وأم صتمه:::

تقبل تحياتي:::

[اسير البر]

مشرفنا عليان الليل الف شكر على طرحك المتواصل والهادف...

انا اولا ضد تنقل السلاح مره مع السواق ومره مع الرماي والسبب معروف مثل ماذكرة
لان السلاح كد ثار مع واحد من الربع بسبب هذة الطريقة ومهما كنت حريص الخطأ وارد
انا معكم انه من الافضل كل واحد معه سلاح لكن على حسب الوضع احياناً مايستاهل
تزحم نفسك بكثر السلاح .

وانا في اعتقادي ان انه ماهو لازم التحديد مره واحد يسوق والثاني يرمي والثالث يصور
التفاهم مطلوب بين القوانيص يعني الدعوه تجي عفويه اكيد الي يبي يتجود بالبندق
ويدوخك يقول انا اللي يرمي هذا يرقد عند امه احسن ((الدعوه ماهي مزاحم على باب السياره اناابي
اكون عند الباب وهذا يقول:no: لا انا اللي عند الباب )):D :D

البعض يبدع في الطرد اكثر من الرمي

والبعض الرمي اكثر من الطرد وهكذا واكيد مايحرمه هذا من الرمي

مره يسوق ومره يرمي..

وانا مع الفكره ولكن بدون جدوله يعني بدون تحديد يوم لهذا ويوم لذاك الدعوه عفويه

عفواً على الاطاله ..

تقبلوا تحيات اخوكم ابو سعود...........................

[عليان الليل]

حياكم الله جميعا
وكلام جميل ...
مزيد من التفاعل