الخبير
27/03/2004, 06:15 PM
بسم الله الرحمن الرحيم
كثير من المدربين أن المعروفين في مجال الدفاع عن النفس دائماً ما يعطون نصائح وإرشادات لكيفية إستخدام السكين في حالة الدفاع عن النفس.
طبعاً من يبي يسأل مدرب له 20 سنة يدرب في أحد الفنون القتالية المرعبة والأسماء للامعه. ترى يا جماعة والله إن لم يكون 99% من المدربين الموجودين في السعودية وغيرها ما يدبرون شيء! تقول لي كيف؟ انا خبرتي في مجال الدفاع عن النفس للأسف بسيطة حول 12 سنة، وتدربت على يد العديد من المدربين المعروفين والغير معروفين حتى والله يا جماعة كنت أتدرب في سرداب!
أبي أعطيكم مثال على بعض المدربين الموجودين على الساحة:
هذا واحد من الشباب مدرب قدير معروف وجاد جداً، يتدرب عنه الكثير ولكن واحد منهم كان شخص غير عادي، تخيلوا يا جماعة إنه بعد ما تدرب عن الرجال هذا لمدة ثلاثة شهور قام وطلع من عنده وفتح له صالة تدريب واخترع له فن كامل. وللأسف يقبلون عليه الشباب بكميات مهولة.
طيب لو قال لك هذا الشخص عن طريقة تستخدم بها السكين أن عن طريقة تدافع بها عن نفسك هل تبي تشك في كلامة؟؟؟ ما أعتقد.
شيء ثاني يبترم في خاطري لا تحسبون يا جماعة إنكم بمجرد ما عرفتوا طريقة للدفاع عن النفس خلاص تعتمدون عليها، المسألة يا جماعة يبغالها تدريب وتدريب وتدريب. يعني الطرق هذي لازم تجربها مرة وثنتين وثلاث. فمن الممكن إن تقابل شخص تدرب اربع أو خمس مرات.
مهوب بالضرورة إن الطرق إلي أبي أشرحها لكم هي الطرق الوحيدة ولكن هي من أفضل الطرق، ليش؟ لأني جربتها أكثر من مرة.
طيب بما أن المنتدى يتخصص في البر فأبي أتكلم عن طريقة الدفاع عن النفس في البر ( لن أتطرق للدفاع عن النفس بالأيدي لأنه للأسف من الممكن أن تستخدم في غير ما وضعتها له ).
بداية:
انا أنصح أي واحد منكم يا جماعة إنه إذا كانت هناك مواجهة إنه ينسحب أفضل له، وهذي خذوها مني نصيحة، لأنه من الغير معروف وش تبي تكون نتيجة المواجهة؟
لكن إذا كانت المسألة ما عاد فيها فالله يعينك. ابي أعطيكم مثال شفته بعيني: هذا رجال طابين عليه 3 أشخاص ويجلدونه هذا ومعه أهله ( لا سمح الله لو كنت أنت مكانه ؟ ) وللأسف كثرت المشاكل لسبب أو لغير سبب. يمكن ما تدرون عن هذي المعلومة ( هل تعلم إن الشعب السعودي هو أقل شعوب العالم ابتساماً )
السكين:
وش نوعها وش شكلها؟
هذا واحد من الشباب يقول هذا المثل كل ما شافني ( من كثرت سكاكينه تراه خواف، أو حولها ).
http://www.jkdman.com/images/knife/knife-4.jpg
مثل ما تشوفون السكاكين واجد وما أعتقد إن فيه أحد يطلع للبر وما معه سكين، تبي تلقاها في العزبة ولا في المخباة ولا في الدرج. لكن أفضل سكينة على الإطلاق هي إلي تكون حادة من الطرفين.
خلنا نقول إذا غلبت الروم انه أي أداة حادة من الممكن إستخدامها.
حجم السكين:
هذا يعتمد عليك لكن عن نفسي أفضل السكاكين الصغار وخصوصاً الرداديات.لأنك تقدر تحطها في المخباه وخفيفة لكن من الأفضل لو يكون معدنها قوي.
http://www.jkdman.com/images/knife/knife-5.jpg
لكن إذا كنت تفضل وحدة بجراب فلك الخيار
http://www.jkdman.com/images/knife/knife-6.jpg
- معلومة على الطاير: هل تدرون إن قوات الأمن في الخارج تعتبر السكين أخطر من المسدس. تدرون ليش؟
قاموا وجابوا لهم 10 أشخاص وقسموهم فرقتين ( وما دربوهم على أي نوع من أنواع القتال ) وقسموهم قسمين:
الأول معه سكين بدون جراب والقسم الثاني عطوهم سكين رداد.
وعطوهم دمية من القماش ووقفوهم على مسافة 3 أمتار من الدمى وقالوا أهجموا!
تدرون وش صارت النتائج؟
صارت يابالحبيب أن إلي معهم سكين بدون جراب قدروا يطعنون الهدف في 73جزء من الثانية ، أما القسم الثاني إلي معهم سكاكين رداد فأخذت المسألة كلها 1.1 ثانية فقط. هذا وهم ما تدربوا.
أنا اسويها بسكينة الفراشة ( معقدة بالحيل ) في ثانية وحدة بس.
حمل السكين:
أعتقد إن أفضل طريقة تناسبنا يالسعوديين أو الخليجيين عموماً هي المحزم لأنه مع الثوب صعبة إنك تربط السكينة على الرجل.
http://www.jkdman.com/images/knife/knife-3.jpg
طريقة الإستخدام:
ياكثر ما شفت في الأفلام وفي ارض الواقع أشخاص يمسكون السكين بالطريقة هذي
http://www.jkdman.com/images/knife/knife-2.jpg
وهذي خطأ تدرون ليش؟ لأن المسكة هذي ما تعطيك ميزة المسافة مثل المسكة هذي
http://www.jkdman.com/images/knife/knife-7.jpg
وين تضرب:
أقطع رأس الحية! يد الخصم لا تفوتك، شطبك لها يبي يقطع الأعصاب، أو على الأقل تجرحة.
هل تعتقد إنك إذا شطبت يد الخصم إلي ماسكة السلاح خل نقول إنها اليمنى ، هل تعتقد إنه يبي يمسكها باليسرى؟؟؟ مستحيل لسببين:
1- الإشارات إلي تبي تجي من المخ تبي تقول : اليد اليد ياشين فالتركيز كله يبي يروح للجرح وينسى المواجهة.
2- فترة سقوط السكين أو تبديل مكان السكين هنا تبي تكون لك ثغرة مدتها على الأقل ثانيتين.
- نصيحة:
لابد إن خصمك يشوف الموت في عيونك، لأني أي إشارة أو تلميح بخوفك يمكن يجيب أجلك!
وإذا شافك خصمك إنك مسلح صدقني يبي يفكر ألف مرة ومرة قبل لا يهجم عليك.
كثير من المدربين أن المعروفين في مجال الدفاع عن النفس دائماً ما يعطون نصائح وإرشادات لكيفية إستخدام السكين في حالة الدفاع عن النفس.
طبعاً من يبي يسأل مدرب له 20 سنة يدرب في أحد الفنون القتالية المرعبة والأسماء للامعه. ترى يا جماعة والله إن لم يكون 99% من المدربين الموجودين في السعودية وغيرها ما يدبرون شيء! تقول لي كيف؟ انا خبرتي في مجال الدفاع عن النفس للأسف بسيطة حول 12 سنة، وتدربت على يد العديد من المدربين المعروفين والغير معروفين حتى والله يا جماعة كنت أتدرب في سرداب!
أبي أعطيكم مثال على بعض المدربين الموجودين على الساحة:
هذا واحد من الشباب مدرب قدير معروف وجاد جداً، يتدرب عنه الكثير ولكن واحد منهم كان شخص غير عادي، تخيلوا يا جماعة إنه بعد ما تدرب عن الرجال هذا لمدة ثلاثة شهور قام وطلع من عنده وفتح له صالة تدريب واخترع له فن كامل. وللأسف يقبلون عليه الشباب بكميات مهولة.
طيب لو قال لك هذا الشخص عن طريقة تستخدم بها السكين أن عن طريقة تدافع بها عن نفسك هل تبي تشك في كلامة؟؟؟ ما أعتقد.
شيء ثاني يبترم في خاطري لا تحسبون يا جماعة إنكم بمجرد ما عرفتوا طريقة للدفاع عن النفس خلاص تعتمدون عليها، المسألة يا جماعة يبغالها تدريب وتدريب وتدريب. يعني الطرق هذي لازم تجربها مرة وثنتين وثلاث. فمن الممكن إن تقابل شخص تدرب اربع أو خمس مرات.
مهوب بالضرورة إن الطرق إلي أبي أشرحها لكم هي الطرق الوحيدة ولكن هي من أفضل الطرق، ليش؟ لأني جربتها أكثر من مرة.
طيب بما أن المنتدى يتخصص في البر فأبي أتكلم عن طريقة الدفاع عن النفس في البر ( لن أتطرق للدفاع عن النفس بالأيدي لأنه للأسف من الممكن أن تستخدم في غير ما وضعتها له ).
بداية:
انا أنصح أي واحد منكم يا جماعة إنه إذا كانت هناك مواجهة إنه ينسحب أفضل له، وهذي خذوها مني نصيحة، لأنه من الغير معروف وش تبي تكون نتيجة المواجهة؟
لكن إذا كانت المسألة ما عاد فيها فالله يعينك. ابي أعطيكم مثال شفته بعيني: هذا رجال طابين عليه 3 أشخاص ويجلدونه هذا ومعه أهله ( لا سمح الله لو كنت أنت مكانه ؟ ) وللأسف كثرت المشاكل لسبب أو لغير سبب. يمكن ما تدرون عن هذي المعلومة ( هل تعلم إن الشعب السعودي هو أقل شعوب العالم ابتساماً )
السكين:
وش نوعها وش شكلها؟
هذا واحد من الشباب يقول هذا المثل كل ما شافني ( من كثرت سكاكينه تراه خواف، أو حولها ).
http://www.jkdman.com/images/knife/knife-4.jpg
مثل ما تشوفون السكاكين واجد وما أعتقد إن فيه أحد يطلع للبر وما معه سكين، تبي تلقاها في العزبة ولا في المخباة ولا في الدرج. لكن أفضل سكينة على الإطلاق هي إلي تكون حادة من الطرفين.
خلنا نقول إذا غلبت الروم انه أي أداة حادة من الممكن إستخدامها.
حجم السكين:
هذا يعتمد عليك لكن عن نفسي أفضل السكاكين الصغار وخصوصاً الرداديات.لأنك تقدر تحطها في المخباه وخفيفة لكن من الأفضل لو يكون معدنها قوي.
http://www.jkdman.com/images/knife/knife-5.jpg
لكن إذا كنت تفضل وحدة بجراب فلك الخيار
http://www.jkdman.com/images/knife/knife-6.jpg
- معلومة على الطاير: هل تدرون إن قوات الأمن في الخارج تعتبر السكين أخطر من المسدس. تدرون ليش؟
قاموا وجابوا لهم 10 أشخاص وقسموهم فرقتين ( وما دربوهم على أي نوع من أنواع القتال ) وقسموهم قسمين:
الأول معه سكين بدون جراب والقسم الثاني عطوهم سكين رداد.
وعطوهم دمية من القماش ووقفوهم على مسافة 3 أمتار من الدمى وقالوا أهجموا!
تدرون وش صارت النتائج؟
صارت يابالحبيب أن إلي معهم سكين بدون جراب قدروا يطعنون الهدف في 73جزء من الثانية ، أما القسم الثاني إلي معهم سكاكين رداد فأخذت المسألة كلها 1.1 ثانية فقط. هذا وهم ما تدربوا.
أنا اسويها بسكينة الفراشة ( معقدة بالحيل ) في ثانية وحدة بس.
حمل السكين:
أعتقد إن أفضل طريقة تناسبنا يالسعوديين أو الخليجيين عموماً هي المحزم لأنه مع الثوب صعبة إنك تربط السكينة على الرجل.
http://www.jkdman.com/images/knife/knife-3.jpg
طريقة الإستخدام:
ياكثر ما شفت في الأفلام وفي ارض الواقع أشخاص يمسكون السكين بالطريقة هذي
http://www.jkdman.com/images/knife/knife-2.jpg
وهذي خطأ تدرون ليش؟ لأن المسكة هذي ما تعطيك ميزة المسافة مثل المسكة هذي
http://www.jkdman.com/images/knife/knife-7.jpg
وين تضرب:
أقطع رأس الحية! يد الخصم لا تفوتك، شطبك لها يبي يقطع الأعصاب، أو على الأقل تجرحة.
هل تعتقد إنك إذا شطبت يد الخصم إلي ماسكة السلاح خل نقول إنها اليمنى ، هل تعتقد إنه يبي يمسكها باليسرى؟؟؟ مستحيل لسببين:
1- الإشارات إلي تبي تجي من المخ تبي تقول : اليد اليد ياشين فالتركيز كله يبي يروح للجرح وينسى المواجهة.
2- فترة سقوط السكين أو تبديل مكان السكين هنا تبي تكون لك ثغرة مدتها على الأقل ثانيتين.
- نصيحة:
لابد إن خصمك يشوف الموت في عيونك، لأني أي إشارة أو تلميح بخوفك يمكن يجيب أجلك!
وإذا شافك خصمك إنك مسلح صدقني يبي يفكر ألف مرة ومرة قبل لا يهجم عليك.