المساعد الشخصي الرقمي

مشاهدة النسخة كاملة : لايفوتك موضوعي وشاركنا برايك


طير الهقاوي
14/01/2009, 09:00 PM
السلام عليكم ورحمة الله وبركاته
الاخوان في منتدا مكشات بنتكلم عن بيع وشراء الطيور وخاصه عنالكذب في ذالك

انا جيت ابي اشتري طير ولاهي مره اكثر من مئة مره الاحض ان الحلف بالله عند الي يبي يبيع طيره شي اسهل من شرب المويه اسئل واحد وقوله طيرك صايد يقول اي والله انه صايد السؤال الثاني مني وشلونه على الحمام والله يالجودي اني ما اهده على الحمام لا حضو قبل اي رد منه يبدي الحلف بالله وش رايكم طلع يكذب الرجال الطير حتى مايعرف الحبارا بكبرها مهوب صايد وبس طيب ولا الشي الي يضحك اقوله كم سيم الطير يقول بسته الله الله طير صايد وسبوق وبسته ياسلام اشهد انه يبي الخراج وبس نبي تعليق الشباب وش رايكم
اخوكم طير الهقاوي
المريعي
14/01/2009, 09:08 PM
صدقت ياطير الهقاوي واحد اعرفه شراله شيهانة جبلية الرجال قاله صايدة حمام وكراوين وقطلها حمامة ولاهدت عليها علما انه ماعلفها يوم ونص المفروض يتقي الله ويقول الطير مجهول ماعرف عنه شئ طبعا موكلهم فيهم الصالح والطالح
طير الهقاوي
14/01/2009, 09:10 PM
ههههههههههههههههههه ياما وياما من الناس الي ذمتهم انا منها بري انشالله
عقاب الحوم
14/01/2009, 09:12 PM
مرحبا يا طير الهقاوي

الكلام واجد والفعل قليل
عليك بالوحوش
والنظريه تقول الطير مايجي السوق الا قد راعيه مال منه اما في طبع امحق والا طيار والا عذروب راعي الطير ابخص به
لكن ما تخلى في رجاجيل شرواك كلمتهم مسمار في لوح
غير ماهم بواجد
طير الهقاوي
14/01/2009, 09:19 PM
شهاده وعتز بها منك وشكرك على المرور اخوي عقاب الحوم

اخوك طير الهقاوي
وَسَام!
14/01/2009, 09:22 PM
مسك الله بالخير انت والاخوان
بالنسبه للسوق فصحيح البيت اللي يجي فيه ماينشرا لان البيتي اليب وانت ابخص
مثل الرجال الطيب معروف ولايخلى يدخل السوق ويوخذ بقيمه دبل قيمة السوق!
اما النصب والدجل فمثل ماقال خذ وشك في عود !
طير الهقاوي
14/01/2009, 09:31 PM
وسام كيف حالك والله يمسيك بالخير وشكرك على المشاركه

الكذب والحلف بالله متهاون به كثير بين الناس الي مافي قلوبهم ايمان بالله ولا هو بالاسم مسلم
طير الهقاوي
14/01/2009, 10:26 PM
هل من مشارك هل من مجيب
ولد سرحان
14/01/2009, 10:39 PM
والله يا اخوي انا خايف من مثل هل كلا م
ومعا العلم اني ابي اشتري طير واخف من زي هل كلام
وانتمنا من الاخوان ان يدخلون موضوعي ويشفون اسأله
aljubail
14/01/2009, 11:20 PM
يارجال يحلفون وحلفهم مشينه بريال

ولا حناا عارفين الصادق من الكاذب
الساهر1
14/01/2009, 11:29 PM
ياخوي خذها قاعدة اى واحد تسمع حلفه واجد

اترك سلعته ويرزقك الله خيرا منها
احمدالصالح
14/01/2009, 11:30 PM
خلها مستورة يا(طير الهقاوي) تقبل مروري.
طير الهقاوي
15/01/2009, 02:11 AM
اشكر الجميع على المرور وبيض الله وجيكم وقول لولد سرحان عندي مابغيت من الطيور بدون احلوف وبشر ببياض الوجه


اخوكم طير الهقاوي
راعي صعيب111
15/01/2009, 02:21 AM
الطير الي تلقاه في السوق ""كبه مافيه خير ""نادر متلقى طير في السوق جيد
والطير الي راعيه يحلف طق منه (يوهقك)

ولا تشتري الأ من واحد تعرفه او يذكرلك طير

تقبل مروري
alajmi110
15/01/2009, 06:12 AM
أصابع اليد ماهي سوى 00000
والسوق فيه الشين والزين0000
وعلى ما قالو الاولين عين الرجال دليله 00000 ولكن الي يحلف با الله وهو يكذب ماهو معين خير من وراء الريال الي بياخذه
والطير كومة ريش 000 بيمحق الله رزقه فا الدنيا وبيعذبه فا الاخره على شان ويش 0000 ؟
بيض الله وجهك يا طير الهقاوي على الموضوع
الي دارج ها الايام
وعسى الله يكفينا والجميع شر الكذب والسلعه الممحوقه
ابن عكاش
15/01/2009, 06:57 AM
تبي الصحيح ان ظاهرة الحلف الكاذب وكثرت الحلف صارت عاده عند اكثر اللي يبيعون في معارض السيارات والأسواق وغيرها والله المستعان لكنها خطيره كما ورد في الحديث عن الرسول صلى الله عليه وسلم الوعيد الشديد وانها من كبائر الذنوب ((وفي معنى الحديث)) ثلاثه لا يكلمهم الله يوم القيامه ولا ينظر إليهم ولهم عذاب أليم ومنهم المنفق سلعته بالحلف الكاذب0 والله اعلم
تقبل مروري اخوك ابوصقر
العمراني
15/01/2009, 11:48 AM
الكذب واجد من كثر الكذب صرنا نشك بطيورنا لا نقوول تصيد وقدام الناس تعذرب وهاذا شي جاايز
طير الهقاوي
15/01/2009, 09:12 PM
اشكركم اخواني على المرور والله لايهينكم
تقبلي تحياتي ولكم جزيل الشكر
اخوكم طير الهقاوي
طير الهقاوي
15/01/2009, 09:42 PM
والله ينخاف من هلي ماد ومنيشن