ارجو المساعدة في عمل هذه الطبخة

[جح وجرو]

السلام عليكم ورحمة الله وبركاته

الاخوة الاعزاء هذه اول مشاركة لي في هذا المنتدى الجميل

طلبي هو الطريقة الصحيحة والواضحة في عمل المضغوط بجميع انواعه حاشي دجاج ولحم غنم بالصور والشرح حيث انني تعبت من عدم قدرتي على طبخها بشكل سليم وخصوصا كمية الماء والرز فاحيانا يكون الماء كثيرا واحيانا يتشرب الرز الماء ومالمدة الكافية لنقع الارز:(

وتقبلوا تحياتي
اخوكم:j

[اميرة الظلام]

ودي اساعدك بس كلما ااكتب بالهقسم ينحذف مواضعي

يخوفي ارد عليك وينحذف:( وربي قوانينه صعبه هالقسم

<<<تقول اشوي وتنطرد من المطبخ مرة وحده:p



وان شاللــــــــه الاخوان ما يقصروون

[عبدالله22]

شف يا طويل العمر ترى المظوط له نكهه وتراه زييييييي في البر

شف يا الذيب خذها قاعدها لحمة الحاشي تطول ما تستوي

ولحم الغنم اسرع من الحاشي

والدجاج اسرع شي

وخذ الفايده هذي اذا كنت مستعجل في الطبخ وعندك لحم حاشي او غنم حط حبة بندول معها

تخلي اللحم يستوووووووي بسررررررررررعة

أنا اطبخ لحمة الحاشي احطها في قدر الضغط واسكر عليها واحسب نص ساعة بعدين اكب الرز عليها وتحسب ربع ساعة

أما لحم الغنك تكفيه ثلث سااااااعة بعدين تكب الرز عليه واحسب ربع ساعة

أما حبيبي الدجاج فتكفيه ربع سااعة

وشف يا الذيب ترى الطبخ كييييييييف يعني كل واحد عنده طقوسه وطريقته

يعني أنا أحب اللحم يجيك مطبووووووووخ ومااااااااااايع مررره كذا اكيف عليه

واحد من الربع يحبه معتدل

شف حط مع اللحم أو الدجاج قرففه علشان تسحب ريحة الصنقه حط اي شي تحبه مثل لومي

أما عن مقدار المويه اذا كبيت الرز في قدر الضغط خل المويه ترتفع عن الرز قدر انمله

عاد تزود شوي أو تنقص أنت رغبتك يعني أنا اخوياي يحبون الرز لييييين مررررررره كذا اكثر المويه شوووي

عندي العجوز الله يحفظها تحب الرز قاسي اقلل المويه شوي

يعني الدعوة كيييف

أما عن تنقيع الرز فمهب لازم تنقعه اذا كنت مستعجل أما اذا كنت ناوي تتفن نقعه لانك اذا نقعته يصير الرز اول حبه ومنظره احلى

تكفيه أظن ساعة وذهب بعض المكشاتيين إلى الساعة والنصف والله أعلم

وأي سؤال عن طبخات البر أنا جاهز

الشيخ أبو صعفق هههههه

[المبتكر1]

ياخوي الموضوع هذا يبي له مجلد ;) مجلد ّ! كبيره شوي
المهم الطبخ حول ما قالوا الشباب يختلف من ناحية اللحم والدجاج وكبر سن من تنتمي له اللحمة :D (الخروف التيس أوأو ) وكذلك الرز أنواع كثيرة وكل نوع له مقدار ماء خاص ووقت خاص وهيك حكي ..
الخلاصة حدد طبختك بالضبط وممكن نساعدك
والله يحرصك


تقبل ماي قريتنق بليز:)

[الغريري]

استخدام القدر الكاتم ..لطبخ الرز مع اللحم يعتمد بشكل مباشر على عدة أمور وعوامل منها:
1- نوع القدر و سماكة الحديد فيه.
2- قوة النار ( اللهب) ، وهناك فرق بين الحطب والغاز.
3- نوع اللحم: حاشي/هرش/ خروف/تيس/دجاج !
4- نوع الرز ومدة تنقيعه في الماء .
5- مستوى الماء . وهذا لايمكن تحديده دون النظر لنسبة كمية الرز إلى حجم القدر وربطها مع مدة التنقيع, مع النظر إلى المواد الموجودة مع الرز مثل بعض الخضار التي تشرب الماء (كوسة ، قرع، باذنجان ...).


ومن أهم الأمور المؤثرة .. هي أوّل النار على القدر ... بعدما تقفله... وهي الفترة من أول وضع القدر الى بدء ظهور الهواء المضغوط (التستسة) ثم أول خمس دقائق ودرجة قوّة النار حيث ممكن يلتصق الرز بقاع القدر مما يتسبب برائحة الاحتراق مع عدم تبخر المياه الموجوده في القدر ...

لذا الأمور متشابكة ، ولا يمكن تعلمها بالقراءة .. حيث قيل قديما ... القول المعروف ... من كان شيخه كتابه كثر خطأه وقل صوابه .


للعلم، انا شخصيا لا أفضل الطبخ بالقدر الكاتم الا عند الضرورة ، حيث أنني لا أعتبره صحيا .. وذلك لأنه يكتم اللحم ويخلط بخار الدم الموجود باللحم مع باقي المواد الموجودة في القدر لذا تجد نكهة الرز تتغير في كثير من الأحايين ... ولهذا يضع البعض الإخوة الكثير من البهارات والليمون الأسود لضمان الرائحة والطعم، بينما القدر العادي ، فيتبخر الدم للخارج.

[جح وجرو]

يعطيكم العافية شباب ماقصرتوا اثر السالفة طلعت بحوث ونظريات وانا احسب الدعوى بسيطة

اشكر الشيخ ابوصعفق على شرحة الواضح الموجز وان شاء الله استفيد من ملاحظاتكم جميعا واجعل هذه الصفحة دليل لي في الطبخ والاخ لي يقول انقع الرز ساعة ماادري ساعة ونص والله ماني فاضي انقع كل هالوقت انا اقصد عشر ولا عشرين دقيقة حيث انني اغسله واصفيه على طول

تحياتي للجميع

[أخت مبارك]

طريقة المضغوط اللي اسويه دايم باللحم

كيلو ونص لحم منظف ومغسول زين انا اغسله وايد يعني من عشر الا 15 غسله ( وسواس)
ويمكن في ناس تغسل اكثر مني واحطه في مشخاله وخليه ساعه انت لو مستعجل خله نص ساعه يكفي
اربع كوب رز الى خمس اكواب

فلفل حار كبار اثنين او ثلاث بس مانقطعهم

بصلتين مفرومين او جوانح

بهارات حب ( قرنفل هيل ست حبات من كل نوع دارسين عودين وفلفل اسود حب عشر حبات تقريبا او 12
وحبتين ليمون اسود حسب الرغبه في ناس مايحبونه ورق غار اثنين يكفي
حسب الرغبه بعد بكيفك تقدر تستغني عنه

ثوم ملعقتين كبار مفرومين او تحط راس ثوم كامل بالمرقه انت براحتك اللي تحبه

وملح

الطريقه
نكشن البصل بس لين يصفر شوي ونحط الثوم ونقلب
بعدين البهارات الحب ونقلب شوي خمس دقايق
عقب ننزل اللحم وباقي المقادير مع الملح
وعاد انا احب الفلفل شوي فاحط ملعقة ونص فلفل اسود مطحون
ونقلب بعد خمس دقايق
نضيف الماء ونسكر القدر
ونخليه نص ساعه بس
وبعدين نسكر النار
ونخلي القدر طبعا مانفتحه
لين يطلع الدخان منه
وبعد ربع ساعه تقريبا
نفتح القدر
نشيل اللحم
نضيف الرز المغسول والمنقوع مسبقا تكفي نص ساعه نقع فقط
ونذوق الملح نملحه اذا ناقص ونسكر القدر
ونخليه لي ما الرز يستوي عشر دقايق تقريبا فقط على نار وسط
وتراه عفكره كله نفس الطعم صراحه
انا جربته بطنجرةالضغط والطنجره العاديه والله انه نفس الطعم ولاتغير منه شي
حتى ان تقدر بعد ماتضغط اللحم
تنقل المرق واللحم في قدر ثاني وتحط الرز وتخليه يستوي بقدر عادي مافي اي مشكله كله نفسه ترا
انا اسوي هالشكل مرات اذا حاسه ان الرز بيوهقني في قدر الضغط
واتمنى اني وفقت في افادتك

[دهران]

حياك الله يا طويل العمر ...

والإخوان والأخوات ما قروا ....

لكن فيه ولا تهون موضوع مثبت للإستفسارات ....

ولو خذت جولة على الخيمة لوجدت الإجابة ولما إحتجت للسوال ..





الرجاء قراءة هذا الموضوع قبل كتابة أي مشاركة .

(http://www.mekshat.com/vb/showthread.php?t=139477)