المساعد الشخصي الرقمي

مشاهدة النسخة كاملة : سؤال؟؟


بن ضاري
16/01/2009, 09:41 AM
السلام عليكم ورحمة الله وبركاته
أولا: أعتذر عن إنقطاعي الطويل عن المنتدى
ثانيا : عندي سؤال كيف أدرب الصقر إذا صاد الفريسة إن ما ياكل منها إلى لما أجيله أنا ؟ و ما هو التدريب إلي يجي بعد الترويض؟
@قرناص@
16/01/2009, 10:59 AM
والله ان ورآي جمعه يآلغآلي..

لاكن اذا تبيه ما يآكل الطريده اعزله دآيم وعلفه من برى حمام والا..

والترويض انك تدهله والتدريب ملواح وبسبب وتعلمه ع الحبارى والكرآوين
بن ضاري
16/01/2009, 01:11 PM
مشكور و لاهنت يا أخوي قرناص
روووح
16/01/2009, 02:46 PM
اخوي اول شي ترى الطير يصيد لنفسه يعني لو اكل ترى عادي
ثاني شي كلمة ماتبيه ياكل مره مره احس انها صعبه وتختلف من طير الى طير
حسب حرارته بالاكل بس عاده زينه لا تربط العلف بالملواح خله بيدك واذا لوحت وخلصت عطه
العلف من يدك بعدها الطير خلاص اذا صاد وجيته تلاقي عيونه لم يدك يبي العلف
والاخوان ما يقصرون
جرناس دبي
16/01/2009, 02:53 PM
أنا مع أخوي رووووح
وتسلم
..@القناص@..
16/01/2009, 03:09 PM
عطاك العلم اخوي رووووح
بن ضاري
17/01/2009, 09:41 AM
جزاكم الله خير وما قصرتوا على الإفاده وشكرا
ابوميلاف
17/01/2009, 09:55 AM
ياخوي الله يعطيك العافيه
احلى وازين واللي يبسط الصقار
ان طيره ياكل من صيدته اللي صادها
واذا صرت معزم على عزله اعزله بعلفه اخرى تكون معك
اما سالفة انه يبي يحتريك لين تجيه علشان يعلف هاذي انسها بالمره
لآن الطير يصيد لنفسه ما يصيد لراعيه,,,

تقبل تحياتي
بن ضاري
17/01/2009, 10:16 AM
كيف أنساها في صقور تتدرب على هالشي بس أنا ماني بعارف الطريقة كيف ؟
بعدين كيف آكل من الفريسة الي كله منها الطير لأن إذا تفتح كتاب فقه السنة باب شروط وأحكام الصيد بتلقه إن ما يجوز تآكل مما كلاه الطير .
على العموم مشكور ولا هنت أخوي
روووح
17/01/2009, 12:36 PM
كيف أنساها في صقور تتدرب على هالشي بس أنا ماني بعارف الطريقة كيف ؟
بعدين كيف آكل من الفريسة الي كله منها الطير لأن إذا تفتح كتاب فقه السنة باب شروط وأحكام الصيد بتلقه إن ما يجوز تآكل مما كلاه الطير .
على العموم مشكور ولا هنت أخوي

:confused: :confused: :confused:
اخوي اول شي قلنا لك الطير يصيد لنفسه وثاني شي علشان تعزل لازم تجي عجل ومعك حمامه او علف ثاني وتعزل منه يمكن تدرب الطير انه يتركك تعزل منه بس تعلمه ماياكل هذا:no2: والدين اجاز الاكل بعد الطير

وسلام
عبدالله22
17/01/2009, 01:52 PM
يا رجال مستحيييييييييييييل الطير يصيد لنفسه

اذا تبغى حيوان يصيد ويستناك للسلق الطيور انسسسسسسسسسسسسسسسسى

وبعدين أنا اخبر انه يجوز لان تدريب الصقور على انها ما تاكل صعب أو مستحيييييييل

وأنا اقول أنها مستحيل أو ناااااااااااااااااااااااااااااااااادر

اصلا الطير اذا شبع نساك وتنكر عليك

يف تبغاه يصيد لك وأنا أخوك
بن ضاري
17/01/2009, 03:14 PM
يا جماعة اسمحولي أنا سمعت المعلومة غلط :( و ألحين عقب ما تأكدت منها عرفت أنه يجوز وترى ما عليه كل ابن آدم خطاء وخير الخطاؤون التوابون . وصج صار في احتكاك بينه بس ماي يخالف وعفا الله عما سلف إن شاء الله