الي يعرف مكان العكرشيه يدخل ولا عليه امر [الأرشيف]

مشاهدة النسخة كاملة : الي يعرف مكان العكرشيه يدخل ولا عليه امر

1999

16/01/2009, 11:46 PM

صبحهم ومسهم بالخير

تكفون يا الربع ولا عليكم امر

ابي وصف العكرشيه تقطر كبدي ودي اروح
بس ماادل :(

راعي البخاخ

17/01/2009, 12:23 AM

الله يمسيك بالخير و حياك الله اخوي 1999
من وين انت تبي تجي ؟؟؟ اذاكانك دخلت تبي تدخل عنيزة امسك طريق الصناعيه
اسئل عنه وخل الصناعيه على يمينك تعداها وأمش سيده جهة الشرق على طريق الزلفي القديم ,اول ماتطلع من عنيزة
تمشي حوالي 2كيلو تجيك اللوحه قرية العوشيزيه يمين, لف يمين تمشي حوالي 5 كيلو
قبل تاصل العوشزيه تشوف البحيره من بعيد على يسارك.
اتمنى اني وفقت بالتوصيف , والعذر والسموحه على القصور

ذرب سدير

17/01/2009, 12:36 AM

ذرب سدير

17/01/2009, 12:52 AM

صبحهم ومسهم بالخير

تكفون يا الربع ولا عليكم امر

ابي وصف العكرشيه تقطر كبدي ودي اروح
بس ماادل :(

بحكم انك من سكان الرياض فعندك خيارين للوصول إلى بحيرة العكرشية الواقعة في منطقة حمادة الوشم بالقرب من مدينة القصب ( عاصمة الملح ) ..

* الطريق الأول ( أقرب ) لكن يعيبه أنه رايح جاي من بعد حريملاء وحتى الوصول إلى القصب وهو كالتالي :
طريق الملك خالد ( طريق صلبوخ ) ـ سلطانة ـ القرينة ـ حريملاء ـ رغبة ـ القصب ـ النفود ومفرق شقراء على يدك اليسار بعدها تجي البحيرة ( العكرشية ) على يمناك ثم تتسع مياه البحيرة لتصبح شرقاً وغرباً

* الطريق الثاني ( أبعد ) لكن ميزته أنه سريع ( مزدوج ) وما تآكل هم البعارين وهم الرايح والجاي والمساقط اللي ماله سنع وهو كالتالي :
طريق سدير ( طريق القصيم ) ـ تدخل من مخرج روضة سدير ـ تتوجه إلى مدينة روضة سدير ـ المعشبة ـ الحريّق ـ بعدها يجيك حرف تي عند مزارع العب والسيايرة ( بني خالد ) ـ تلف يسار وتنكس جنوب بعدها تصير البحيرة ( العكرشية ) عن يمينك ويسارك

إن شاء الله يكون الوصف واضح :)

البيهس

17/01/2009, 12:54 AM

العكرشية .. المشكلة مــا حددت من وين جــاي ..

مو مشكله الي تبين لي من اقــامتكـ ..انكـ من أهل الرياض ..

طيب .. اذا مسكت طريق الرياض سدير او طريق الرياض القصيم ..

طبعا بعد 180 كيلو رااح يجيكـ مفرق روضة سدير ..

خذ معه يسار وابتل حتى يجيكـ (T) يمين روضة سدير يسار حوطة سدير ..

انت خذ يمين روضة سدير ..

تبي تجيكـ اول اشاره خذ معها يسار وابتل تبي تمشي حوالي 60 الى 70 كلو وتبي تمر خلالها على قرية المعشبه وكذلكـ الحريق ( بتشديد الياء ) بعد ما تتعدا الحريق بعشره كيلو تقريباً راااح يجيكـ (T) خذ يسار امش 200 متر وتبي تصير العكرشية على يمينك ويساركـ ...

(بختصر من الطريق السريع خذ مع مفرق روضة سدير يسار وانت جــاي من الرياض ابتل حتى يجيكـ (T) ثم لف يمين ثم مع اول اشارة يسار ابتل مع الطريق حتى يجيك (T) خذ يسار تبي تجيكـ العكرشية على يمينكـ ويساركـ )

اعذرنــا على الشرح السريع ..

فيه توصيف اقرب مع مفرق الحسي بس هذا الاسهل ..

وبالتوفيق ان شاء الله ..

أبو ذيب 77

17/01/2009, 12:54 AM

اتجه من الرياض الى طريق صلبوخ
ثم إلى حريملاء
ثم رغبه
ثم القصب
وبعد القصب بحوالي 9كلم بيجيك مفرق شقراء لليسار توجه للأمام وبتشوفها على يمين الخط وهي كبيره
والقسم الي على يسار الخط هو تابع لها ويسمى روضة الخيل..
هذا الطريق الاقرب والامتع لك ولناظريك

بالتوفيق لك وللجميع..

1999

17/01/2009, 01:26 PM

الله يعطيكم العافيه وماقصرتو
علا العموم ولو اني اشغلتكم :d
ابا اجيها من سدير جلاجل

القصبي

24/10/2009, 12:23 PM

الله يعطيكم العافيه وماقصرتو
علا العموم ولو اني اشغلتكم :d
ابا اجيها من سدير جلاجل

مدام انك ساكن في جلاجل تراها جنبك مابينك وبينها ولا عشرين كيلو

فطوم باك

24/10/2009, 04:12 PM

مووووفق يارب

وادي الريمة

24/10/2009, 04:18 PM

على ماقالو الشباب وهي شرق محافظة شقراء ب15 كيلو يعني النفود بينها وبين شقراء وهي لها اسم ثاني وهو روضة الحماده.
وبالتوفيق

صقر السديرات

24/10/2009, 04:34 PM

كنك رايح للقصب ووجهك غرب تجيك بعد القصب مباشرة يقطعها الطريق
بس ماتنفع ألحين رح لها إذا سقاها ربي بالغيث قل آمين

الإمام أحمد

24/10/2009, 06:48 PM

شف يالذيب .. أنا ماسجلت في المنتدى إلا علشان أعلمك هههههه

وأنت طالع من الرياض إن كانك في الرياض جهت حريملا ....

تجيك صلبوخ تعدها .. وتجيك حريملا تعدها .. ويجيك تقاطع الرغبة .. تعده

بيجيك على يسارك الصبخه حقت القصب . اللي تعلقوا فيها العالم ..

وأنا أحدهم غطسنا فيها ما طلعنا إلا الدفاع المدني .. بانزلها لكم بالصور إن شاء الله ..
ثم تعدها بتجيك القصب .. أول ما تطلع من القصب تجيك العكرشيه على اليمين واليسار .. تشوف اللوحه مكتوب ..{العكرشية}..

وش رايك فيني ..! أنفع قارمن ذذذ .. بس أنا سمعت أنها ناشفه بالحيل .. يعني لاتتحمس واجد .. إلا إذا جاها مطر ..